The Phnom Penh Post Search

Search form

Logo of Phnom Penh Post newspaper Phnom Penh Post - ត្រី​សណ្ដាយ​ចៀន​ ជាមួយ​ទឹក​ម្រេចខ្ចី




ត្រី​សណ្ដាយ​ចៀន​ ជាមួយ​ទឹក​ម្រេចខ្ចី

Content image - Phnom Penh Post
​ត្រីសណ្ដាយ​ចៀន​​​។ ហុង មិនា

ត្រី​សណ្ដាយ​ចៀន​ ជាមួយ​ទឹក​ម្រេចខ្ចី

សៀមរាប: ស្ថិតនៅ​ក្នុង​បរិវេណដីឡូត៍​មានរុក្ខជាតិដុះ​ចេញ​ពី​ទឹក ភោជនីយដ្ឋាន​ ម្ហូប​ ជា​សំណង់​ផ្ទះ​ឈើ​ខ្មែរបុរាណ​ប្រក់ក្បឿង​ស្រកាត្រី គួរ​ជា​ទី​មនោរម្យ។

នៅ​ទីនោះ​ក៏ល្បី​មានម្ហូបត្រី​សណ្ដាយចៀន​ទឹក​ម្រេច​ខ្ចី​យ៉ាង​ឈ្ងុយ​ឆ្ងាញ់​ផង​ដែរ។

គ្រឿង​ផ្សំមាន​ត្រី​សណ្ដាយ ដំឡូង​ជ្វា ខ្ទឹមស ផ្កាស្នោ ក្រូច​ឆ្មារ ម្រេច​ខ្ចី ប្រេង​ខ្យង អំបិល ស្ករត្នោត ទឹកប៉េងប៉ោះ​ ប្រេង​ឆា​ និង​ម្សៅស៊ុប។

វិធី​ចម្អិន ​ដំបូងត្រូវយក​ត្រី​សណ្ដាយ​ទៅ​ពន្លះ​ឆ្អឹង ហើយ​ប្រឡាក់គ្រឿង​ផ្សំរសជាតិ​ដូចជា អំបិល ស្ករត្នោត ម្សៅស៊ុប និង​ប្រេង​ខ្យង។ ទុកសាច់​ត្រី​ប្រឡាក់មួយសន្ទុះ​ធំ សឹមយក​ទៅ​ចៀន​ឲ្យ​ឆ្អិន​ល្មម។ បន្ទាប់មក​ត្រូវដំ​ខ្ទឹមសចិញ្ច្រាំ​ឲ្យ​ម៉ដ្ឋ។

ចាប់ផ្ដើម​ធ្វើទឹក​ជ្រលក់​ដោយ​យក​ម្រេច​ខ្ចៅទៅ​ឆា​ជាមួយ​ខ្ទឹមស ឲ្យ​ឡើង​ឈ្ងុយ ទើប​ចាក់​ទឹកស៊ុប​មាន់ ហើយ​ដាក់​គ្រឿងផ្សំ​រសជាតិ​ដូច​ជា អំបិល ស្ករ​ត្នោត និង​ម្សៅស៊ុប រួច​បន្ថែម ម្សៅ​ឆា​ឲ្យវាមានសភាព​ខាប់​បន្តិច។ បន្ទាប់មក​ទៀត​​ប្រើ​ដំឡូង​ជ្វា​ស្ងោរ​រួចកិន​ឲ្យ​ម៉ដ្ឋ​។

ចុង​ក្រោយ​ត្រូវ​យក​ដំឡូវ​ជ្វាម៉ដ្ឋ​​ដួស​ដាក់ចាន បន្ថែមសាច់ត្រី​ចៀន​ពីលើ រួចស្រូប​ទឹក​ម្រេច​ខ្ចី។

រៀបផ្កាស្នោ ចំណិត​ក្រូច​ឆ្មារ ​និង​ប្រើ​ទឹក​ប៉េងប៉ោះ​រចនាលើ​ចាន​អាហារ​នោះ​ជាការ​ស្រេច។

ចង់​ដឹង​ថា​ ត្រី​សណ្ដាយ​ចៀន​ទឹក​ម្រេច​ខ្ចី​ មានរសជាតិ​ឆ្ងាញ់​យ៉ាង​ណា សូម​សាកល្បង​ភ្លក្សនៅ​ភោជនីយដ្ឋាន ម្ហូប ស្ថិត​នៅ​ផ្ទះ​លេខ ១៣៧ ភូមិត្រាំង ក្រុម ៣ ម្ដុំ​ផ្លូវ​តំបន់​អភិរក្ស​អង្គរ ​ខេត្ត​សៀមរាប៕

អត្ថបទគួរចាប់អារម្មណ៍