ភ្នំពេញៈ សប្តាហ៍នេះក្រុមហ៊ុនខេអេសស៊ីស្តារបានបង្ហាញនូវមុខម្ហូមថ្មីប្លែកមួយមុខទៀតហើយគឺត្រីសាលម៉ុនឆាទឹកអម្ពិលជូរអែម។ ជាទូទៅប្រជាជនខ្មែរយើងច្រើនតែយកប្រភេទត្រីធម្មតាមកធ្វើជាត្រីចៀនជូរអែម ឬមួយក៏ត្រីបំពងទឹកត្រីអម្ពិលទុំតែប៉ុណ្ណោះក៏ប៉ុន្តែឥឡូវនេះដើម្បីភ្លក់នូវរសជាតិថ្មី គឺលោក ម៉ៅ វុត្ថា បានយកត្រីសាលម៉ុន មកបំពងជាមួយទឹកត្រីអម្ពិលទុំដែរធ្វើឲ្យកាន់តែមានរសជាតិប្លែកមួយកម្រិតទៀត។
របៀបធ្វើងាយៗក្នុងការធ្វើនៅមុខម្ហូមមួយ នេះគឺគ្រាន់តែជ្រើសរើសនៅត្រីសាលម៉ុនដែលមានសាច់ល្អនិងថ្មីៗបន្ទាប់មកយកទៅបំពងជាមួយនឹងប្រេងឆាដែលក្តៅប្រមាណជា៣នាទី ពីព្រោះថាសាច់ត្រីសាលម៉ុននេះគឺឆាប់ឆ្អិនជាងត្រីធម្មតារបស់យើង។ បន្ទាប់មកស្រង់ដាក់ចានទុកមួយអន្លើ។
របៀបធ្វើទឹកអម្ពិលទុំ គឺត្រូវយកអម្ពិលទុំទៅត្រំានឹងទឹកក្តៅដើម្បីឲ្យចេញជាតិជូរបន្ទាប់មកចិញ្រ្ចាំខ្ទឹមសឲ្យម៉ដ្ឋ ហើយយកទៅបំពង រួចចាំចាក់ទឹកអម្ពិលឆាចូលជាមួយនឹងខ្ទឹមស រួចដាក់គ្រឿងផ្សំចូលគ្នាដូចជា ម្សៅស៊ុប ស្ករ និងអំបិល ហើយចាក់ប្រេងខ្យងចូលបន្តិចដើម្បីបន្ថែមរសជាតិ។ ឆាមួយរំពុះរួចចាក់ម្ទេសចូលជាការស្រេច។ រៀបចំត្រីដែលបំពងរួចដាក់ចានហើយចាក់ទឹកអម្ពិលចូលនិងរោយជីរវ៉ាន់ស៊ុយពីលើជាការស្រេច។
សម្រាប់ អ្នកមិនមានពេលធ្វើនូវមុខម្ហូបនេះអាចរកទិញបាននៅតាមរទេះរុញ ក្រុមហ៊ុនខេអេសស៊ីស្ដារ ដែលមានលក់នូវមុខម្ហូបជាច្រើនប្រភេទធ្វើពីក្បាលត្រីសាលម៉ុន ដូចជា សម្លតុំយុំាក្បាលត្រីសាលម៉ុន សាលម៉ុនលង់ទឹកត្រីអម្ពិលទុំ និងប្រហិតត្រីសាលម៉ុនជាដើម ជាមួយតម្លៃមួយចានមិនលើស៥ពាន់រៀល។
អាហារខ្មែរចម្អិនដោយលាយសាច់ត្រីសាលម៉ុនឆ្ងាញ់ប៉ុនណាសូមសាកល្បង កុម្ម៉ង់ភ្លក្សឥឡូវនេះតាមរយៈលេខទូរស័ព្ទ០៩២ ៨២៨ ២៨៣ និង០១១ ៣៦៤៤៤៤ ឯសេវាដឹកជញ្ជូនឥតគិតថ្លៃ៕
