The Phnom Penh Post Search

Search form




Logo of Phnom Penh Post newspaper Phnom Penh Post - ថៃ​ប៉ះ​វៀតណាម ​កក្រើក​ឆ្នាំង​នាគ នៅ​ភោជនីយដ្ឋាន​ទន្លេ​បាសាក់ ១




ថៃ​ប៉ះ​វៀតណាម ​កក្រើក​ឆ្នាំង​នាគ នៅ​ភោជនីយដ្ឋាន​ទន្លេ​បាសាក់ ១

Content image - Phnom Penh Post
ស៊ុប​ពីររសជាតិ​ឆ្នាំង​នាគ នៅ​ភោជនីយដ្ឋាន​ទន្លេ​បាសាក់ ១។ ហុង មិនា

ថៃ​ប៉ះ​វៀតណាម ​កក្រើក​ឆ្នាំង​នាគ នៅ​ភោជនីយដ្ឋាន​ទន្លេ​បាសាក់ ១

ភ្នំពេញ: ក្រោយ​ការផ្លាស់ប្ដូរ​ពីហាង​អាហារ​ប៊ូហ្វេ​ទៅជា​កន្លែង​ទទួល​ទាន​អាហារ​កុម្ម៉ង់​លំដាប់​ខ្ពស់ ភោជនីយដ្ឋាន​ទន្លេ​បាសាក់ ១ បច្ចុប្បន្ន​មានការ​តុបតែង​រចនា​ហាង និង​បរិក្ខារ​ប្រើប្រាស់​ដ៏​ស្អាត​ល្អ​ប្រណីត។

ទាំង​បរិយាកាស សង្ហារិម ចាន កែវ សម​ស្លាបព្រា ត្រូវបាន​តម្រៀប​លើតុ​យ៉ាង​រៀបរយ​ស្រប​តាម​លក្ខខណ្ឌ​ហាង​លំដាប់​ផ្កាយ។

ក្រឡេក​ទៅ​មើល​បញ្ជី​មុខម្ហូប​វិញ ភ្ញៀវ​មាន​ជម្រើស​ជាច្រើន​ដូចជា​អាហារ​ខ្មែរ ចិន ថៃ និង​វៀតណាម ដែល​ចម្អិន​ដោយ​ចុងភៅ​ជនជាតិ​ដើម។

ម្ហូប​ពិសេស​ប្រចាំ​ហាង​មាន​ដូចជា ស៊ុប​ពីរ​រសជាតិ​ឆ្នាំង​នាគ សាច់​មាន់​ឆា​ម្រេច​ផ្ទាប់​បាយ​ដំណើប ក្ដាមថ្ម​ឆា​ម្រេច​ខ្ចី បង្គា​បំពង​ម៉ាយូណេស អយស្ទ័រ​ក្រឡុក​ពងទា​បំពង ឆ្អឹង​ជំនីរ​ជ្រូក​បំពង និង​ប្រហុក​ដុត​ជ្រញ់ ជាដើម។ សម្រាប់​ម្ហូប​ខ្មែរ​នៅ​ភោជនីយដ្ឋាន​ទន្លេ​បាសាក់ ១ មុខម្ហូប​ខ្មែរ​ដ៏ពេញ​និយម​ជាងគេ​គឺ​ប្រហុក​ដុត​ជ្រញ់។

ដោយ​ឡែក​សម្រាប់ ស៊ុប​ពីរ​រសជាតិ​ឆ្នាំង​នាគ មានទឹក​ស៊ុប​ពីរ​ប្រភេទ ជា​លក្ខណៈ​ទឹក​ស៊ុប​បែប​ថៃ និង​វៀតណាម​ក្នុង​ឆ្នាំង​នាគ​ឲ្យ​ក្តៅពុះ ទើប​ដាក់​ក្តាម ខ្ចង​ប៉ារ៉ា បង្គា លៀស​សមុទ្រ មឹក ចូលក្នុង​ទឹក​ស៊ុប​នីមួយ។

បន្ទាប់​មក​ទើប​ដាក់​បន្លែ​ចូល មាន​ដូចជា ផ្កាល្ពៅ ព្រលឹត ត្រ​យូងចេក ផ្សិត កញ្ឆែត និង​បន្លែ​ផ្សេង​ទៀត។ ស៊ុប​នេះ​អាច​ញ៉ាំ​ជាមួយ​ទឹក​ជ្រលក់​ម្ទេស​ខៀវ និង​ក្រហម៕

អត្ថបទគួរចាប់អារម្មណ៍