ក្រុងហាណូយ: លើសពីបង្អែម ឆេ ប៊ុយ ឬ តៅស៊ន (ស៊ុបផ្អែមផ្សំពីសម្បកក្រូចត្លុង ដូង និងសណ្ដែកខៀវ) គឺជាអាហារសម្រន់ពេញនិយមនៅប្រទេសវៀតណាម។
តៅស៊នត្រូវបានលាយជាមួយគ្រឿងផ្សំចម្រុះពណ៌ដោយបន្ថែមដូង និងទឹកកកយ៉ាងផ្អែមត្រជាក់។
ឆេ សំដៅលើភាពចម្រុះនៃបង្អែមពីគ្រឿងផ្សំប្លែកៗដែលភាគច្រើនប្រើទឹកស្ករផ្សំឡើងពីម្សៅគុដហ្សាលាយទឹក និងស្ករ។ ទឹកស្ករនេះត្រូវបានលាយជាមួយពោត សណ្ដែកខ្មៅ អង្ករខ្ចី គ្រាប់ឈូក សណ្ដែកខៀវ ទុរេន ត្រាវ ឬដំឡូងជ្វា។ បង្អែម ឆេ មួយចានអាចបន្ថែមចាហួយចម្រុះពណ៌ និងសាច់ដូងផងដែរ។
បង្អែមបន្ថែមទឹកកកឈូសដែលជួយកាត់បន្ថយសារធាតុផ្អែម និងផ្សំគ្រឿងគ្រប់មុខបង្កើតបានជាមុខបង្អែមរដូវក្ដៅដ៏មានប្រជាប្រិយ។
ក្រៅពីសាច់ដ៏ឈ្ងុយឆ្ងាញ់របស់វាផ្នែកសរបស់ក្រូចត្លុងក្រោមស្រទាប់សម្បកបៃតងត្រូវបានប្រើប្រាស់ជាគឿងផ្សំបង្អែម។
អ្នកលក់បង្អែមអះអាងថាអ្នកញ៉ាំមិនបាច់បារម្ភពីការកើនទម្ងន់នោះទេ ពីព្រោះសម្បកក្រូចត្លុងកាត់បន្ថយកម្រិតខ្លាញ់ក្នុងឈាមផងដែរ។
អ្នកស្រី ង្វៀង ធូធូញូ ជាពលរដ្ឋរស់នៅក្នុងស្រុកហ៊ូនគៀម បាននិយាយថា អ្នកស្រីចូលចិត្ដទទួលទាន ឆេប៊ុយនៅតាមហាងតូចៗលើដងវិថី ហៃបាត្រុង តាំងពីអ្នកស្រីនៅក្មេង។
អ្នកស្រីឲ្យដឹងថា៖ «ខ្ញុំចូលចិត្ដ ឆេប៊ុយ ដោយសារវាជួយបន្សាបភាពក្ដៅនៃអាកាសធាតុ និងធ្វើឲ្យស្រួលខ្លួន ជាពិសេសយើងអាចញ៉ាំគ្រឿងផ្សំពីសម្បកក្រូចត្លុងបានផងដែរ»។
អ្នកស្រី ង្វៀក ធីឡេ ម្ចាស់ហាងម្នាក់បានលក់ ឆេប៊ុយ ២៥ ឆ្នាំបានឲ្យដឹងថា បង្អែមមួយមុខនេះគឺជាប្រភេទបង្អែមដ៏ស្មុគស្មាញមួយក្នុងចំណោមសែស្រឡាយតៅស៊ន។
អ្នកស្រី ឡេ បានឲ្យដឹងថា៖ «ខ្ញុំចំហុយសណ្ដែកខៀវ ២ ដងដើម្បីឲ្យវាមានសភាពទន់ តែរក្សាគ្រាប់ល្អ។ ក្រូចត្លុងត្រូវបានកាត់ចិតយ៉ាងសម្រិតសម្រាំង ពីព្រោះបើថ្លោះធ្លោយ វាអាចខូចរសជាតិ»៕ VNS/HR