The Phnom Penh Post Search

Search form




Logo of Phnom Penh Post newspaper Phnom Penh Post - ទឹកគ្រឿង​ត្រីស្រែ ជាមួយ​បាយក្ដាំង ពីក្យូ​សម្ហូបខ្មែរ ផ្ទះ​ម៉ែឡន




ទឹកគ្រឿង​ត្រីស្រែ ជាមួយ​បាយក្ដាំង ពីក្យូ​សម្ហូបខ្មែរ ផ្ទះ​ម៉ែឡន

Content image - Phnom Penh Post
ទឹកគ្រឿង​ត្រីស្រែ អន្លក់ និង​បាយក្ដាំងពី​ហាង​ ផ្ទះម៉ែឡន។ ហុង មិនា

ទឹកគ្រឿង​ត្រីស្រែ ជាមួយ​បាយក្ដាំង ពីក្យូ​សម្ហូបខ្មែរ ផ្ទះ​ម៉ែឡន

សៀមរាប: ស្នាដៃ​ធ្វើ​ទឹកគ្រឿង​របស់​ម៉ែឡន​បានធ្វើ​ឲ្យគាត់​ចាប់ផ្តើម​ល្បីខ្លាំង​រហូតដល់​ថ្នាក់​បើក​ជាក្យូ​សសម្រាប់​ស្វាគមន៍​ភ្ញៀវ និង​ទេសចរ​ដែល​ចង់​ភ្លក្សនូវ​រសជាតិ​ម្ហូបបែប​ស្រុកស្រែ​រសជាតិ​អ្នក​សៀមរាប។

លោក ចាន់ សុភា ជាម្ចាស់​ក្យូស និង​ជាកូន​របស់​ម៉ែឡន បាន​និយាយ​ទាំង​ទឹកមុខ​រីករាយ​ថា៖ «ម្ហូប​នៅ​កន្លែង​ខ្ញុំគឺ​បែបស្រុក​ស្រែពិតៗ​ទៅតាម​រដូវកាល ដូចជា​រដូវ​កង្កែប​គឺយើង​ដើរចាប់​នៅតាម​វាលស្រែ​ក្បែរ​ក្យូស​តែម្តង តែពេល​ខ្លះទៅ​គឺ​អ្នកស្រុក​គាត់​ដើរចាប់​តាម​វាលស្រែ​យកមក​លក់ឲ្យ ហើយ​ចំពោះ​ទឹកគ្រឿង​វិញគឺ​យើង​យកត្រី​ស្រែមក​ធ្វើ ដែល​សាច់វា​ស្រស់ ដើម្បី​ឲ្យវា​មានរសជាតិ​ឆ្ងាញ់»។

នៅផ្ទះ​ម៉ែឡន ភ្ញៀវមាន​អារម្មណ៍​ថា​ដូចជា​ទៅលេង​ក្រុមគ្រួសារ​របស់ខ្លួន​ឯង​នៅតាម​ស្រុកស្រែ​អ៊ីចឹង ដោយសារ​តែនៅ​ទីនោះ​ភ្ញៀវ​ទៅដល់​អ្នក​ខ្លះទៅ​ចុះទៅ​ស្ទូចត្រី​លេង អ្នកខ្លះ​ទៀត​ចុះទៅ​ថតរូប​នៅតាម​វាលស្រែ​ជិតក្យូស អ្នកខ្លះ​ទៀតទៅ​មើល​ពីរបៀប​ធ្វើ​ម្ហូបភ្លាមៗ​ពីចុងភៅ​នៅទី​នោះដែរ។ ពេលដែល​យើង​ស្ទូចត្រី​បាន អាច​ឲ្យវា​ទៅ​ចុងភៅ​ចម្អិនភ្លាមៗ​តែម្តង។

ផ្ទះម៉ែឡន ល្បីម្ហូប​ដូចជា ស្ងោរជ្រក់​មាន់​កាប់បី​កាំបិត ទឹកគ្រឿង ត្រីស្រែ​អាំង​អម្ពិល​បុក សម្លកកូរ សម្ល​ទំពាំង កង្កែប​ស្រែ​អាំង ពង​ទាស្រែ​ស្ងោរ​ទឹកដូង​ជ្រលក់​អំបិលម្រេច​ជាដើម។

ផ្ទះម៉ែឡន ស្ថិតតាម​បណ្តោយ​ផ្លូវជាតិ​លេខ ៦ ឆ្ពោះទៅ​ប៉ោយប៉ែត ភូមិជ័យ ឃុំទឹកវិល ខេត្តសៀមរាប។ ទំនាក់ទំនង​ទូរស័ព្ទ​លេខ ០១៧ ២៥៧ ៧៥៥៕

អត្ថបទគួរចាប់អារម្មណ៍