The Phnom Penh Post Search

Search form

Logo of Phnom Penh Post newspaper Phnom Penh Post - ទឹក​គ្រឿង​បាត់​ដំបង​បន្លែ​អន្លក់​ស្រស់ៗ​ពី​អាហារ​ដ្ឋាន​​ ប៉ែន ចេង




ទឹក​គ្រឿង​បាត់​ដំបង​បន្លែ​អន្លក់​ស្រស់ៗ​ពី​អាហារ​ដ្ឋាន​​ ប៉ែន ចេង

Content image - Phnom Penh Post
អ្នកស្រី​ ប៉ែន ចេង ម្ចាស់​អាហារដ្ឋាន​បង្ហាញ​ម្ហូប​ទឹក​គ្រឿង​បាត់​ដំបង​។ វុទ្ធី

ទឹក​គ្រឿង​បាត់​ដំបង​បន្លែ​អន្លក់​ស្រស់ៗ​ពី​អាហារ​ដ្ឋាន​​ ប៉ែន ចេង

បាត់ដំបង: អាហារដ្ឋាន ប៉ែន ចេង នៅ​សង្កាត់​ទួល​តាឯក ភូមិ​អូរតាគាំ ២ ម្ដុំ​ផ្សារ​រោងល្ខោន ក្រុង​បាត់ដំបង ជា​កន្លែង​ដែល​អ្នក ដំណើរ​និយម​សំចត​ញ៉ាំ​អាហារ​ថ្ងៃ​ត្រង់ និងល្ងាច។

​ទីនោះ​ក៏មាន​លក់​ទឹកគ្រឿង​បាត់​ដំបង​រសជាតិ​ឆ្ងាញ់ ដែ​លចម្អិនពី​ ត្រីរ៉ស់ ស្ករស អម្ពិលទុំ​ សណ្ដែក​ដី ប៊ីចេង និង​ទឹកត្រី។

រីឯបន្លែ​មាន ផ្កា​កំប្លោក ផ្កាស្នោ ស្អំ ស្ដៅ ត្រកួន ព្រលិត ត្រសក់ ក្រូចឆ្មារ ត្រប់​ពុតលំញង ជីរ​នាង​វង ម្ទេស និង​ខ្ទឹមស។វិធីធ្វើ ដំបូង​យកត្រីរ៉ស់​អាំងលើ​ចង្ក្រាន​ធ្យូង​ឲ្យឆ្អិន​ល្មម រួច​បេះ​យកតែ​សាច់ដាក់​ក្នុង​ចាន។

ប្រហុក​ត្រូវយក​ទៅដាំ​ទឹក​ឲ្យ​រលាយសាច់។ អម្ពិល​ទុំត្រូវ​ត្រាំទឹក​ឲ្យ​រីកចេញ​ជាតិ​ជូរ។

បុកខ្ទឹមស​ ត្រប់ពុត​លំញង និង​សណ្ដែកដី​លីង​ចូល​គ្នា​ មុននឹង​ដាក់​សាច់ត្រី​បុកចូល​ឲ្យស្មើ​សាច់។ ដាក់គ្រឿង​បុកចូល​ឆ្នាំង រួច​ថែមទឹកប្រហុក​កម្ដៅ​ឲ្យពុះ​សឹមដាក់​ទឹក​អម្ពិលទុំ ក្រូច​ឆ្មារ ស្ករស ប៊ីចេង និងទឹក​ត្រី​ចូល ហើយ​ភ្លក្ស​សាប​ប្រៃ​តាម ការគួរ៕

អត្ថបទគួរចាប់អារម្មណ៍