The Phnom Penh Post Search

Search form




Logo of Phnom Penh Post newspaper Phnom Penh Post - ទឹក​គ្រឿង​សៀម​រាប​ឈ្ងុយ​ខ្ទិះ​ដូង​ហឹរ​ឆ្ងាញ់​ពី ឆេក​អ៊ីន




ទឹក​គ្រឿង​សៀម​រាប​ឈ្ងុយ​ខ្ទិះ​ដូង​ហឹរ​ឆ្ងាញ់​ពី ឆេក​អ៊ីន

Content image - Phnom Penh Post
ទឹកគ្រឿង​សៀមរាប​មាន​ខ្ទិះដូង និង​ស្លឹកខ្ទឹម​។ ឈឹម ស្រីនាង

ទឹក​គ្រឿង​សៀម​រាប​ឈ្ងុយ​ខ្ទិះ​ដូង​ហឹរ​ឆ្ងាញ់​ពី ឆេក​អ៊ីន

សៀមរាប: ភោជ​នីយ​ដ្ឋាន​ ឆេក អ៊ីន (Check in Cafe) ស្ថិត​នៅតាម​បណ្តោយ​ផ្លូវ​សាលា​បញ្ញា​សាស្ត្រ​ ខេត្ត​សៀម​រាប ដែលជា​ហាង​លក់​នូវ​ម្ហូប ខ្មែរ​រស​ជាតិ​ដើម ជាមួយ​នឹង​កន្លែង​អង្គុយ​មាន​ផា​សុក​ភាព​លម្អ​ដោយ​ដើម​ផ្កា​ឈូករ័ត្ន និង​រុក្ខជាតិ​ពណ៌​បៃតង​ស្រស់ ជាទី​គួរ​ឲ្យសោម​នស្ស​រីករាយ។

នៅ​ពេល​ព្រឹក ឆេក​អីុន មាន​បម្រើ​បាយ​ស្រូប បាយ​ឆា​ឡុក​ឡាក់ បាយ​ឆាកា​ពិ​ មីឆា​បន្ទះ​ដែក និង​ប៊ឺហ្គឺរ រីឯ​ពេល​ថ្ងៃ​ត្រង់​ និង​ល្ងាច​មាន​ជម្រើស​ម្ហូប​ខ្មែរ​ជា​ច្រើន។

សប្តាហ៍​នេះ​ហាង​ឆេក អីុន បាន​លើក​យក​នូវម្ហូប​ខ្មែរ​មួយ​មុខ​ទៀត​មក​បង្ហាញ​គឺ ទឹក​គ្រឿង​សៀម​រាប។​ សម្រាប់​ម្ហូប​នេះ​មាន​គ្រឿង​ផ្សំ​មាន​ដូចជា សាច់​ត្រី​រ៉ស់ ប្រហុក ម្ទេស ខ្ទឹមស ទឹក​ត្រី ស្ករ​ស ឬ ​ត្នោត ស្លឹក​ខ្ទឹម​ និង​ទឹក​ខ្ទិះ​ដូង។

បន្លែ​អន្លក់​មាន ត្រប់​ស្រួយ ​ស្ពៃ​បូកគោ ត្រសក់ ព្រលឹត កញ្ឆែត ការ៉ុត​និង​សណ្ដែក​កួរ។វិធី​ចម្អិន ដំបូង​ត្រូវ​យក​សាច់​ត្រីទៅ​ស្ងោរ​ឲ្យ​ឆ្អិនល្អ​រួច​យក​ទៅបុក​ជាមួយ​ខ្ទឹមស​ទុក​មួយ​ឡែក​។ បន្ទាប់​មក​ជ្រំ​ប្រហុក​ជាមួយ​ទឹក​ដែល​ស្ងោរ​ត្រី​នោះ រួច​ដាក់​សាច់ត្រី​ចូល សឹមបង់​ទឹក​ត្រី​ ស្ករ ស្លឹក​ខ្ទឹម សណ្តែក​ដី និង​ម្ទេស​ហឹរ​ នោះ​ជាការ​ស្រេច។

ហាង ឆេក​អ៊ីន​ នៅ​ខាង​កើត​សាលា​បញ្ញា​សាស្ត្រ ២០០ ម៉ែត្រ​ក្នុង​ភូមិវត្ត​បូព៌ ទូរស័ព្ទ ០៩៨ ៧៧៦ ៧៧៧ និង ០១៥ ៨៨៨ ៨៩៨៕

អត្ថបទគួរចាប់អារម្មណ៍