The Phnom Penh Post Search

Search form




Logo of Phnom Penh Post newspaper Phnom Penh Post - ទឹក​គ្រឿង​ឦសាន​ម្ហូប​ខ្មែរ​ញ៉ាំ​មិន​រងាន់​នៅ​រដូវ​ភ្ជុំ​បិណ្ឌ​




ទឹក​គ្រឿង​ឦសាន​ម្ហូប​ខ្មែរ​ញ៉ាំ​មិន​រងាន់​នៅ​រដូវ​ភ្ជុំ​បិណ្ឌ​

Content image - Phnom Penh Post
ទឹកគ្រឿង​ឦសាន​រសជាតិ​បែប​ខ្មែរ មាន​បន្លែ​អន្លក់​ជា​ច្រើន​មុខ​​។ ហុង មិនា

ទឹក​គ្រឿង​ឦសាន​ម្ហូប​ខ្មែរ​ញ៉ាំ​មិន​រងាន់​នៅ​រដូវ​ភ្ជុំ​បិណ្ឌ​

ភ្នំពេញ: ជាមួយ​នឹង​ឈ្មោះ «មាតុភូមិ» ហាង​អាហារ​ខ្មែរ​មួយ​នៅម្ដុំ​មេភ្លើង​ ពិតជា​រក្សា​នូវ​អត្ត​សញ្ញាណ​ខ្មែរ ​ដោយ​ម្ចាស់​ហាង​អះអាង​ដោយ​ផ្ទាល់​ថា លោក​នឹងមិន​បម្រើ​អាហារ​អ្វីផ្សេង​ក្រៅពី​ម្ហូប​ខ្មែរ​ឡើយ។

នៅ​ខាង​មុខ​ហាង​មាន​ម្ហូប​ឆ្អិន​ស្រាប់​រាប់​តាំងពី​ខប្រហុក ត្រីកប់ ប្រហុក​ចិញ្ច្រាំ​ឆៅ ក្ដាម​ប្រៃ ខមាំ ប្រហុក​គ្រឿង​អាំង ផ្អក​ចំហុយ ផ្អក​ចៀន កាពិបុក កាពិ​ផៅ ម៉ាំ​ឆៅ​ពោះ​វៀន​តាន់ និង​សម្លខ្មែរ​ជា​ច្រើន​មុខ។

ហាង «មាតុភូមិ ប្រហុក និង​អន្លក់» បានរ​ក្សា​អត្ត​សញ្ញាណ​ខ្មែរ​តាំងពី​ការ​ចម្អិន​ម្ហូប​អាហារ ការ​តុប​តែង និង​តន្ត្រី​បុរាណ​ចាក់​កំដរ​ភ្ញៀវ។

ម្ចាស់​ហាង លោក​ មាស ម៉ែន បាន​អះអាង​ថា៖ «យើង​យកម្ហូប​ខ្មែរ​មួយ​ជ្រុង​មក​លក់ ដោយ​មិន​លាយឡំ​ជាមួយ​ម្ហូប​បរទេស​ឡើយ»។

សម្រាប់​រដូវកាល​បុណ្យភ្ជុំ​បិណ្ឌ ពុទ្ធ​បរិស័ទ​ក៏អាច​ទិញ​ម្ហូប​អាហារ​ឆ្អិន​ស្រាប់​ពីហាង​ មាតុភូមិ​ ដើម្បី​ដាក់​ចាន​ស្រាក់​ ទៅ​វត្ត​ប្រគេន​ព្រះសង្ឃ​។ ដូច​ជា​ទឹក​គ្រឿង​ឦសាន​បែប​ខ្មែរ ដែល​ម្ចាស់​ហាង​អះអាង​ថា​មាន​ប្រភព​មកពី​ខេត្ត​រតនគិរី មណ្ឌលគិរី និង​ក្រចេះ។

លោក មាស ម៉ែន បាន​លើក​ឡើង​ថា៖ «យើង​អាច​ផ្លាស់ប្ដូរ​ពីសម្ល​ការី ឬ​ម្ហូប​ឆានា​នា។ យើងអាច​យក​ប្រភេទ​ម្ហូបខ្មែរ​ដូចជា​ទឹក​គ្រឿង បុក​សណ្ដែក​កួរ ឬ​ផ្អក​លីង​ ផ្ទាប់​អន្លក់ ​ប្រគេន​ព្រះ​សង្ឃ ដែល​លោក​អាច​ឆាន់​បាន​ រីឯ​ពុទ្ធ​បរិស័ទ​ក៏មិន​រងាន់​ដែរ»។

សម្រាប់​ភ្ញៀវ​​ចង់​ទិញ​ម្ហូបម្ហា​នៅ​រដូវ​ភ្ជុំ​នេះ ពួកគេ​ក៏អាច​ធ្វើការ​កុម្ម៉ង់​ជាមុន​ ដែល​អាច​ឲ្យ​បុគ្គលិក​រៀបចំ​ទុក​ជា​ស្រេច។

ហាង មាតុភូមិ ស្ថិត​នៅម្ដុំ​មេភ្លើង ជាប់​សាក​ល​វិទ្យាល័យ ប៊ែលធី ទំនាក់​ទំនង​ទូរស័ព្ទ​លេខ ​០១៦ ៨៦៨០១៦៕

អត្ថបទគួរចាប់អារម្មណ៍