ភ្នំពេញ: ជាមួយម្ហូបស្រែឆ្ងាញ់ៗ បរិយាកាសល្អ ទេសភាពស្រស់ស្អាត និងខ្យល់អាកាសបរិសុទ្ធ ខ្ទមស្រែ នៅស្រះស្រង់ ទទួលបានទាំងភ្ញៀវទេសចរជាតិ និងអន្តរជាតិ ទោះជាទីតាំងហាក់ដូចជានៅឆ្ងាយបន្តិចក្ដី។
ដូច្នេះហើយ ម្ចាស់ហាង ខ្ទមស្រែ បានបើកសាខាមួយទៀតនៅក្នុងក្រុងសៀមរាប តែម្តង ដើម្បីឲ្យមានភាពងាយស្រួលដល់ភ្ញៀវ ដែលមិនមានពេលជិះទៅដល់ស្រះស្រង់។
លោក ម៉ាន ចាន់ណា បាននិយាយថា៖ «ខ្ញុំសម្រេចចិត្តបើកហាង ខ្ទមស្រែ Plus មួយទៀតនៅក្នុងក្រុងសៀមរាប ដើម្បីឲ្យពួកគាត់ងាយស្រួលក្នុងការជិះមកញ៉ាំ មិនបាច់ចំណាយពេលយូរជិះទៅដល់ខ្ទមស្រែស្រះស្រង់នោះទេ។ ម្យ៉ាងទៀតហាងថ្មីនេះ គឺយើងបានរៀបចំតុបតែងស្អាត បែបជាក្យូស ធ្វើពីឫស្សី ងាយស្រួលសម្រាប់អង្គុយជួបជុំគ្នា ជាលក្ខណៈមិត្តភកិ្ត ក្រុមគ្រួសារ ដែលមានគ្នាច្រើន អង្គុយជជែកគ្នាលេងបណ្តើរ និងញ៉ាំម្ហូបខ្មែរបណ្តើរ»។
លោកបានរៀបរាប់ពីជម្រើសម្ហូបបែបស្រុកស្រែដ៏សម្បូរបែបជាងនៅខ្ទមស្រែ ស្រះស្រង់ ដូចជាត្រីដុតទឹកត្រីផ្អែម កង្កែបបំពង ភ្លាសាច់គោ សណ្តែកបណ្តុះ សម្លក្រិកសាច់ទា និងម្ហូបជាច្រើនមុខទៀត ហើយម្ហូបនៅក្នុងហាងថ្មីនេះមានតម្លៃចាប់ពី ៥ ដុល្លាររហូតដល់ ១៥ ដុល្លារ។
ហាងខ្ទមស្រែ Plus ស្ថិតនៅ ភូមិស្វាយដង្គុំ ក្រោយសាលាបឋមសិក្សាស្វាយដង្គុំប្រមាណ ៣០០ ម៉ែត្រ។
ទាក់ទងទូរស័ព្ទលេខ ០៧០ ៣៣៤ ៤៩។ សម្រាប់ខែឧសភា មានការបញ្ចុះតម្លៃពិសេស ១០% ផងដែរ៕