The Phnom Penh Post Search

Search form




Logo of Phnom Penh Post newspaper Phnom Penh Post - នំកូន​ត្រី​ដូង​ខ្ចី​ បង្អែម​ច្នៃ​ប្រឌិត​ថ្មី​ពី​ហាង​ប៉ូរឃ្វី​ហ្ស៊ីន​នៅ​ខេត្ត​សៀម​រាប​




នំកូន​ត្រី​ដូង​ខ្ចី​ បង្អែម​ច្នៃ​ប្រឌិត​ថ្មី​ពី​ហាង​ប៉ូរឃ្វី​ហ្ស៊ីន​នៅ​ខេត្ត​សៀម​រាប​

Content image - Phnom Penh Post
បង្អែម​នំកូន​ត្រី​ដូង​ខ្ចី​នេះ ភ្ញៀវ​អាច​ទទួល​ទាន​ទាំង​នំអ៊ី លាយ​សាច់ដូង​ដ៏​ផ្អែម​ក្រអូប​។ ឈឹម ស្រីនាង

នំកូន​ត្រី​ដូង​ខ្ចី​ បង្អែម​ច្នៃ​ប្រឌិត​ថ្មី​ពី​ហាង​ប៉ូរឃ្វី​ហ្ស៊ីន​នៅ​ខេត្ត​សៀម​រាប​

សៀមរាប: នំពង​ត្រី ធ្វើ​អំពី​ម្សៅ​អង្ករ​ដំណើប មាន​សណ្តែក​បាយ ចំហុយ​ដាក់​អំបិល​ពូត​ជា​ដុំស្នូល​ពណ៌​លឿង ដូច​ពងត្រី និង​មាន​ទឹកផ្អែម ធ្វើ​ពីស្ករ​ត្នោត ឬស្ករ​អំពៅ ថែម​បន្ទះខ្ញី រោយ​ល្ង​លីង។

នៅ​តំបន់​ខ្លះ​នៃ​ស្រុក​ខ្មែរគេ​ថែម​ទឹកខ្ទិះ​ដូង​មុន​នឹង​បរិភោគ។

រីឯ​នំកូន​ត្រី​ជា​នំម្សៅ ដែល​គេ​លញ់​តូចៗ បណ្តែត​ជា​មួយ​នំពងត្រី តែ​វា​គ្មាន​ស្នូល។ អ្នកខ្លះ​ហៅ​នំពង​ត្រី​ជា​នំបាញ់ ចានឿក រីឯ​កូនត្រី​គេ​ហៅ​ថា​នំអ៊ី​​តាម​ចិន​វិញ។

នៅ​ខេត្ត​សៀមរាប ភោជនី​យដ្ឋាន ប៉ូរ ឃ្វីហ្ស៊ីន (Por Cuisine) ល្បី​ខាង​កែច្នៃ​មុខ​ម្ហូប​ខ្មែរ​ឲ្យមាន​រសជាតិ​ប្លែក​ដោយ​ផ្អែក​លើ​រូបមន្ត​ប្រចាំ​គ្រួសារ​អ្នក​ស្រី ចែប លីអ៊ី​ង តាំងពី​ឆ្នាំ ១៩៨១ មក​នោះ បាន​យក​បង្អែម​នំកូន​ត្រី​មកច្នៃ​ប្រឌិត​ដាក់ក្នុង​ដូង​ខ្ចី ដែល​ភ្ញៀវ​អាច​ទទួលទាន​ទាំង​បង្អែម​ និង​សាច់​ដូង​ដ៏​ផ្អែម​ក្រអូប​ក្នុង​ពេល​តែមួយ។

នំកូន​ត្រី​នេះ​ចម្រុះ​ពណ៌​​អណ្ដែត​ក្នុងផ្លែ​ដូងខ្ចី​ត្រូវ​បាន​ប្រើ​គ្រឿង​​ផ្សំ​ធម្ម​ជាតិ​ដូចជា​ពណ៌​បៃតង​ផ្សំពី​ស្លឹក​តើយ ពណ៌​ក្រហម​ស្ត្រប៊ើរី និង​ពណ៌​ទឹក​ក្រូចផ្សំ​ពី​ក្រូច​លឿង។

ភោជ​នីយដ្ឋាន ប៉ូរ ឃ្វីហ្ស៊ីន ស្ថិត​នៅ​ផ្ទះ​លេខ ២៩៨ ភូមិ​វត្តបូរ ខេត្ត​សៀមរាប៕

អត្ថបទគួរចាប់អារម្មណ៍