The Phnom Penh Post Search

Search form




Logo of Phnom Penh Post newspaper Phnom Penh Post - នំគ្រក់​ក្បែរ​រដ្ឋសភា​ចាស់ រសជាតិ​នៅតែ​ល្បី ១០ គ្រាប់ ៥ ពាន់រៀល




នំគ្រក់​ក្បែរ​រដ្ឋសភា​ចាស់ រសជាតិ​នៅតែ​ល្បី ១០ គ្រាប់ ៥ ពាន់រៀល

Content image - Phnom Penh Post
សកម្មភាព​មមាញឹក​របស់​អ្នកលក់​នំគ្រក់ក្បែរ​រដ្ឋសភាចាស់​។ ហុង មិនា

នំគ្រក់​ក្បែរ​រដ្ឋសភា​ចាស់ រសជាតិ​នៅតែ​ល្បី ១០ គ្រាប់ ៥ ពាន់រៀល

ភ្នំពេញ: ក្រៅពី​នំគ្រក់​ល្បីឆ្ងាញ់​ក្នុងផ្សារ​បឹងកេងកង គឺមាន​មួយកន្លែង​ទៀតនៅ​ខាងក្រោយ​រដ្ឋសភា​ចាស់។

ជាមួយនឹង​វត្តមាន​អតិថិជន​អង្គុយ​រង់ចាំ​ទទួលទាន និង​ខ្លះទៀត​ឈរ​កុម្ម៉ង់​ខ្ចប់នោះ អ្នកស្រី ស្រីអូន កំពុង​ញាប់​ដៃជើង​ចាក់​នំគ្រក់​ដាក់ក្នុង​កញ្ច្រែង​ឫស្សី បណ្តើរ​និយាយ​បណ្តើ​រថា៖ «នំគ្រក់​នេះ​គឺគាត់​ចាប់ផ្តើម​លក់យូរ​មកហើយ ប្រមាណ​ជា ៤ ឆ្នាំ»។

អ្នកស្រី​ក៏បាន​បង្ហើប​ពីលក្ខណៈ​ពិសេស​របស់​នំគ្រក់​របស់ខ្លួន​ថា៖ «ដោយ​សាច់នំ​ទន់​ខាងក្នុង​សម្បក​វិញ​ស្រួយខ្ញោក​មិនជាប់​ខ្លាញ់ ឬ​ធ្វើឲ្យ​រងាន់​នោះទេ ជាពិសេស​ទឹកត្រី​តែម្តង​គឺមាន​រសជាតិ​ឆ្ងាញ់​នៅពេល​ដែល​ញ៊ាំ​ជាមួយ​នំគ្រក់ក្តៅ»។

អ្នកស្រី​បាន​និយាយថា៖ «នំគ្រក់​សំខាន់​ទៅលើ​ទឹកត្រី និង​ម្សៅ​របស់វា​តែម្តង បើយើង​មិនចេះ​ធ្វើ​គឺអាច​ធ្វើឲ្យ​ម្សៅ​នំរឹង មិន​ស្រួយ​នោះទេ។

ចំណែកឯ​ទឹកត្រី​វិញ​គឺត្រូវធ្វើ​យ៉ាងណា​ឲ្យវា​ត្រូវជាតិ​គ្នា​ជាមួយនិង​សាច់នំ។ អ្នកដំណើរ​ជាច្រើន​ដែលជិះ​ឆ្លងកាត់​កន្លែងលក់​នំគ្រក់​នេះគឺ​មិនដែល​រំលង​នោះទេ អ្នកខ្លះទៅ​ខ្ចប់​យកទៅ​ផ្ទះ ឬ​កន្លែងធ្វើការ រីឯ​អ្នកខ្លះ​អង្គុយ​ទទួលទាន​នៅទីនោះ​តែម្ដង។

ក្រៅពី​នំគ្រក់​ក៏មាន​លក់​បាញ់ឆែវ​ឆ្ងាញ់​ផងដែរ​គឺ​រសជាតិ​មិនចាញ់​គ្នា​ប៉ុន្មាន​ទេ ហើយតម្លៃ​សមរម្យ​ទៀតផង។សម្រាប់​នំគ្រក់​វិញគឺ ១០ គ្រាប់​តម្លៃ ៥០០០ រៀល។

ហាង​នំគ្រក់​ស្ថិតនៅ​ផ្លូវ ២៤៦ ក្រោយ​រដ្ឋសភាចាស់ ជាប់​ហាងលក់​បាយ​សាច់ជ្រូក​អាំង Christian របស់​កញ្ញា អាណូ៕

អត្ថបទគួរចាប់អារម្មណ៍