The Phnom Penh Post Search

Search form




Logo of Phnom Penh Post newspaper Phnom Penh Post - នំ​គ្រក់​ស្នូល​ខ្យង​ផ្ទាប់​បន្លែ​ទឹក​ត្រី​កោះ​កុង​ពី Cambo Meatball




នំ​គ្រក់​ស្នូល​ខ្យង​ផ្ទាប់​បន្លែ​ទឹក​ត្រី​កោះ​កុង​ពី Cambo Meatball

Content image - Phnom Penh Post
នំគ្រក់​ស្នូល​ខ្យង​សមុទ្រ​មាន​លាយ​គ្រាប់​ពោត និង​ស្លឹកខ្ទឹម​​។ ផា លីណា

នំ​គ្រក់​ស្នូល​ខ្យង​ផ្ទាប់​បន្លែ​ទឹក​ត្រី​កោះ​កុង​ពី Cambo Meatball

ភ្នំពេញ: ក្រោយ​ពី​ជោគ​ជ័យ​ក្នុងការ​បើក​ហាង​ស៊ុប​ចង្កាក់​ Volcano បាន ៨ សាខា​រួចមក ម្ចាស់​ហាង​លោក ឡោ​ ស៊ុន​ថេ​ង កំលោះ​វ័យ​ក្មេង​រូបនេះ​បាន​មាន​គំនិត​បើក​ហាង​ថ្មី​មួយ​ទៀត ផ្ដល់​ជម្រើស​ម្ហូប​ពិសេស​ជាង​មុន​ជាច្រើន​ស្ថិត​នៅជិត​ស្ពាន​នាគ​កោះ​ពេជ្រ។

ដៃ​ឈរ​កាត់​ក្តាម​ដាក់ឆា​បណ្តើរ ​និយាយ​បណ្តើ​រ ម្ចាស់​ហាង​រូបនេះ​ថ្លែង​ថា៖ «ខ្ញុំ​បើក​ហាង Cambo Meatball នេះ​ឡើងគឺ​ចង់​បង្ហាញ​នូវមុខ​ម្ហូបថ្មីៗ​ប្លែក​ដែល​មិនសូវ​មាន​លក់​នៅ​ប្រទេស​យើង។ មុន​នឹង​បាន​បើកហាង​មួយ​នេះ​គឺខ្ញុំ​ខំគិត និង​ដើរ​លេងទៅ​ប្រទេស​គេ​ច្រើន រួចមាន​គំនិត​យក​ម្ហូប​ប្លែកៗ​យកមក​ច្នៃ​បន្ថែម។ ខ្ញុំ​សាក​ល្បង​ធ្វើ​ដោយ​ខ្លួន​ឯង​នៅផ្ទះ​សិន ភ្លក្ស​ជាច្រើន​ដង​ទម្រាំ​ត្រូវ​រសជាតិ​ទើប​ចាប់ផ្តើម​ដាក់​លក់​ជូនឲ្យ​ភ្ញៀវ ហើយ​ចាំ​ទទួល​ការ​រិះគន់​ពីភ្ញៀវ​មួយ​អាទិត្យ ទើប​យើង​ផ្សំ​រសជាតិ​ឲ្យ​ត្រូវចិត្ត​ភ្ញៀវ»។

ហាង​នេះ​ដំបូង​ឡើយ​ផ្តើម​លក់​ នំគ្រក់​ខ្យង និង​នំគ្រក់​គ្រឿង​សមុទ្រ ដែល​ជា​អាហារ​ថ្មី​ប្រចាំ​ហាង​តែម្តង។ ខុស​ប្លែក​ពី​នំគ្រក់​ទូទៅ នំគ្រក់​នៅ​ហាង Cambo Meatball មាន​សម្បក​ស្រួយ​ខ្ញោក រីឯ​ស្នូល​វិញ​មាន​សាច់​ខ្យង ឬគ្រឿង​សមុទ្រ​លាយ​គ្រាប់ពោត​ និង​ស្លឹក​ខ្ទឹម​មានក្លិន​ឈ្ងុយ។

នំគ្រក់​ស្នូល​ខ្យង​​នេះ​ គេ​ញ៉ាំ​ផ្ទាប់​ជាមួយ​ស្ពៃ​ក្ដោប​ស្រួយ (Iceberg Cabbage) និង​ជីរ រួច​ជ្រលក់​ទឹកត្រី​កោះ​កុង​រឹត​តែ​ឆ្ងាញ់​។

Cambo Meatball មាន​ទូរស័ព្ទ​​​លេខ​ ០១២​ ៩០​០ ៤០៤៕

អត្ថបទគួរចាប់អារម្មណ៍