ភ្នំពេញ: ហាងដែលផ្ដើមចេញពីតូបរទេះ រហូតវិវឌ្ឍខ្លួនជាសំណង់កញ្ចក់ ក្នុងបរិវេណវត្តស្វាយពពែគឺអាហារដ្ឋានពុទ្ធិកសាកលវិទ្យាល័យព្រះសីហមុនីរាជា ជាទីបម្រើអាហារភេសជ្ជៈដល់សិស្សានុសិស្ស និងភ្ញៀវទូទៅផងដែរ។
ក្នុងទូកុងតឺន័រពណ៌លឿងលាយខៀវ លោក បឿន ចំរើន ជាម្ចាស់អាហារដ្ឋាន បានរៀបរាប់ថា៖ «កាលពីមុនខ្ញុំធ្លាប់លក់ភេសជ្ជៈក្នុងរទេះនៅជិតរបងទូរទស្សន៍អប្សរា មានអតិថិជនច្រើនគាំទ្រភេសជ្ជៈរបស់ខ្ញុំ ដោយសារតែយើងធ្វើខុសប្លែកពីគេ ដូចជាកាហ្វេលាយជាមួយគ្រាប់ជីរ តែទឹកដោះគោលាយគ្រាប់ជីរ និងភេសជ្ជៈក្រឡុកលាយគ្នាចម្រុះរសជាតិប្លែកមាត់ ដែលខ្ញុំច្នៃដោយខ្លួនឯង ទើបធ្វើឲ្យយើងមានភ្ញៀវមកទិញញ៉ាំច្រើន»។
ដោយសាររងបម្រាមលក់តាមដងផ្លូវ តែក៏មិនចង់បាត់បង់ជំនាញដែលខ្លួនមានស្រាប់ លោកក៏បានបើកអាហារដ្ឋាន Frank Coffee ដោយទទួលបានរាជានុញ្ញាតពីសម្តេចសង្ឃរាជ ប៊ួ គ្រី បើកលក់ភេសជ្ជៈនៅក្នុងពុទ្ធិកសាកលវិទ្យាល័យ ព្រះសីហមុនីរាជា។
នៅទីនេះល្បីបាយស្លឹកឈូកសាច់ជ្រូក (៥០០០៛) ឆ្អឹងជំនីរ អាំងអំបិលម្ទេស (៦០០០៛) និងបាយសាច់គោងៀតអាំង (៨០០០៛) នំបញ្ចុកកំពតសាច់ជ្រូកអាំង (៨០០០៛) និង គុយទាវហ្វឺរ (១០០០០៛) រីឯភេសជ្ជៈវិញតម្លៃចាប់ពី ៣០០០។
ចង់ប្តូរបរិយាកាសញ៉ាំបាយវត្ត? តោះទៅ Frank Coffee ក្នុងបរិវេណវត្តស្វាយពពែ ទាក់ទងតាមទូរស័ព្ទលេខ ០១២ ៤៤៩ ៨៨៩៕