The Phnom Penh Post Search

Search form




Logo of Phnom Penh Post newspaper Phnom Penh Post - នំបញ្ចុក​ផាក់​ឡូវ​រស​ជាតិ​ដើម​ពី​ខេត្ត​កំពង់​ធំ ​មាន​លក់​នៅ​ផ្ទះ​ជូ​រអែម




នំបញ្ចុក​ផាក់​ឡូវ​រស​ជាតិ​ដើម​ពី​ខេត្ត​កំពង់​ធំ ​មាន​លក់​នៅ​ផ្ទះ​ជូ​រអែម

Content image - Phnom Penh Post
ឈុត​នំបញ្ចុក​ផាក់​ឡូវ​មួយ​ថាស​មាន​តម្លៃ​ត្រឹម​តែ ១ ម៉ឺនរៀល​។ រូប សហការី

នំបញ្ចុក​ផាក់​ឡូវ​រស​ជាតិ​ដើម​ពី​ខេត្ត​កំពង់​ធំ ​មាន​លក់​នៅ​ផ្ទះ​ជូ​រអែម

ភ្នំពេញ: ផ្ទះ​ជូរ​អែម គឺជា​ហាង​តូច​មួយ​ដែល​មានការ​តុប​តែង​ស្អាត ជា​មួយ​កៅអី​អង្គុយ​ងាយ​ស្រួល​សម្រាប់់​ការ​ជជែក​គ្នាលេង​កម្សាន្ត​ផង​ និង​ញ៉ាំ​អាហារ​ផង។ ​

បច្ចុប្បន្ន​នេះ​គឺ​ឃើញ​យុវវ័យ​ភាគ​ច្រើន​ចូល​ចិត្ត​ជួប​ជុំគ្នា​ញ៉ាំ​អាហារ​សម្រន់​ដូចជា​បុកល្ហុង មី​បុក បុក​ពោត ​ប្រហិត​អាំង បាយ​ដំណើប​ស្លាប​មាន់ និង​អាហារ​ជាច្រើន​ទៀត​។ មុខ​ម្ហូប​ដ៏ពេញ​និយម​ទាំង​នេះ​សុទ្ធ​សឹង​តែ​មាន​លក់​នៅ​ ផ្ទះ​ជូ​រអែម។

នៅចំ​ពីមុខ​ហាង​វិញ​ភ្ញៀវ​អាច​មើល​ឃើញ​ចុងភៅ​ឈរ​ចម្អិន​សាច់​ និង​បុកល្ហុង​យ៉ា​ង​ញាប់​ដៃ​ផង​ដែរ។

ក្នុង​ផ្ទះ​ជូរអែម​មាន​លក់​អាហារ​ជា​ច្រើន​ប្រភេទ​ដូចជា​ស្លាប​មាន់​ប្រឡាក់​អំបិល​ម្ទេស​អាំង កង្កែប​ប្រឡាក់​អំបិល​ម្ទេស ពង​ទាកូន សាច់​ជ្រូក​អាំង​ទឹកឃ្មុំ តៅហ៊ូ​អាំង ប្រហិត​អប់​លើ​ភ្លើង មី​បុក​ជូរ​អែម បុក​ល្ហុង​កូន​កាត់ ដែល​ជា​អាហារ​ពិសេស​ក្នុង​ហាង​តែម្តង។ ​

ក្នុង​ចំណោម​អាហារ​ទាំង​នោះ នំ​បញ្ចុក​ផាក់​ឡូវ ដែល​ជា​អាហារ​បែប​ខ្មែរ​ ត្រូវ​បាន​ហាង​ជូ​រអែ​មនាំ​យក​រស​ជាតិ​ដើម​ពី​ខេត្ត​កំពង់​ធំ មក​បម្រើ​ដល់​អតិ​ថិជន​ទាំង​អស់។

ក្នុង​តម្លៃ​ត្រឹម​តែ ១ ម៉ឺន​រៀល ភ្ញៀវ​​ទទួល​បាន​ថាស​អាហារ​ដែល​មាន​នំ​បញ្ចុក​ ផាក់​ឡូវ​ឈាម​ជ្រូក​ អណ្ដាត ពោះ​វៀន ក្រពះ ត្រចៀក​ជ្រូក​ ជីរ​ ត្រសក់ ការ៉ុដ សា​លាដ និង​ទឹក​ត្រី​ផ្អែម​រោយ​ម្ទេស​សណ្ដែក​ដី។

ផ្ទះ​ជូរអែម​មាន​ អាសយ​ដ្ឋាន​លេខ 216 ផ្លូវ​លេខ 146 សង្កាត់​ទឹកល្អក់ទី 2 ខណ្ឌ​ទួល​គោក៕

អត្ថបទគួរចាប់អារម្មណ៍