The Phnom Penh Post Search

Search form

Logo of Phnom Penh Post newspaper Phnom Penh Post - នំ​បញ្ចុក​ ពោះ​គោ​ទឹក​ប្រហុក​​ ថែម​ម្ទេស​ហឹរ​​ កាន់​តែ​ឆ្ងាញ់




នំ​បញ្ចុក​ ពោះ​គោ​ទឹក​ប្រហុក​​ ថែម​ម្ទេស​ហឹរ​​ កាន់​តែ​ឆ្ងាញ់

Content image - Phnom Penh Post
នំ​​បញ្ចុក​ពោះគោទឹកប្រហុកជា​អាហារ​សម្រន់ និង​អាហារ​ពេល​ល្ងាច​ក៏បាន​​​។ រូបថត ឈឹម ស្រីនាង​

នំ​បញ្ចុក​ ពោះ​គោ​ទឹក​ប្រហុក​​ ថែម​ម្ទេស​ហឹរ​​ កាន់​តែ​ឆ្ងាញ់

ភ្នំពេញ: ស្ថិតនៅ​ចំហៀង​វិទ្យាល័យ​ទួល​ទំពូង​អាហារ​ដ្ឋាន​ត្បាល់​ខ្មែរ​ដែល​ល្បី​បុក​ល្ហុង​មាន់​អាំង​​ឆ្ងាញ់ បាន​ពង្រីក​សាខា​បន្ថែម​ដោយ​មាន​មុខ​ម្ហូប​ប្លែកៗ ជាច្រើន​ទៀត​ដូចជា ​ស៊ុប​ឆ្នាំង​ភ្លើង​រាប់​ចង្កាក់ គោ​ឡើង​ភ្នំ ពោះគោ​ទឹក​ប្រហុក និង​នំ​បញ្ចុក​ពោះគោ​ទឹក​ប្រហុក។

អ្នកនាង ​ថោង វិការ វ័យ ៣០ ឆ្នាំ​ជា​ម្ចាស់​ហាង​ត្បាល់​ខ្មែរ​បាន​និយាយ​ថា នំ​បញ្ចុក​ពោះគោ​ទឹក​ប្រហុក​នេះ គឺ​ខ្ញុំ​ចូលចិត្ត​ធ្វើ​ញ៉ាំ​ហើយក៏​យក​មក​លក់​តែម្តងទៅ។ សម្រាប់​ពោះគោ​ទឹក​ប្រហុក​នៅក្នុង​ហាង​ត្បាល់​ខ្មែរ​គឺ មាន​អនាម័យ​ខ្ពស់​ដោយ​​យើង​រើស​យក​ពោះគោ​ដែល​ល្អ លាង​ទឹក​ឲ្យ​ស្អាត​ពីរ​បី​ទៅ​បួន​ដង»។

នំ​បញ្ចុក ពោះគោ​ទឹកប្រហុក​ នេះ​មួយ​ចាន​មាន​តម្លៃ​តែ​ ៥០០០ ​រៀល​ប៉ុណ្ណោះ។ ពោះ​គោ​ត្រូវ​បាន​​ស្ងោរ​​ជាមួយ​​គល់​ស្លឹកគ្រៃ រំដេង​ និង ស្លឹក​​ក្រូច​សើច ​ពី​ ៣ ទៅ ៤ ម៉ោង​​ ដើម្បី​ឲ្យ​វា​ផុយ​ល្អ។

ប្រហុក​សាច់​ត្រូវ​ចិញ្ច្រាំ​ឲ្យ​ម៉ដ្ឋ​ដោយ​លាយ​ម្នាស់ រំដេង ខ្ទឹមស ស្លឹក​ក្រូចសើច រួច​ចាក់ទឹក​ក្តៅ​ចូល​​កូរ​​​ឲ្យ​សព្វ។

សម្រាប់​​បន្លែ​វិញ​មាន​ត្រយូង​ចេក ​ត្រកួន កញ្ឆែត ​ការ៉ុត ​និង​ចេក​ខ្ចី។ បន្លែ​​ត្រូវបាន​​រៀប​ដាក់​ចាន រួច​បន្ថែម​​​ចង្វាយ​នំ​បញ្ចុក​ ​​ពោះគោ ​​ស្រូប​​ទឹក​ប្រហុក រោយ​សណ្ដែក​​ដី ​ច្របាច់​ក្រូច​ឆ្មារ និង​ដាក់​ម្ទេស​បន្តិច​ជាការ​ស្រេច៕

អត្ថបទគួរចាប់អារម្មណ៍