The Phnom Penh Post Search

Search form




Logo of Phnom Penh Post newspaper Phnom Penh Post - នំបាក់​ប៊ិនក្លិន​ឈ្ងុយ រសជាតិ​ឆ្ងាញ់ រូបមន្ត​ពិសេស​ពី​ហាង កញ្ញា​ឧត្ដម




នំបាក់​ប៊ិនក្លិន​ឈ្ងុយ រសជាតិ​ឆ្ងាញ់ រូបមន្ត​ពិសេស​ពី​ហាង កញ្ញា​ឧត្ដម

Content image - Phnom Penh Post
បង្អែម​​នំ​បាក់​ប៊ិន​ចម្អិន​ភ្លាមៗ​នៅ​ភោជនីយដ្ឋាន​កញ្ញា​ឧត្ដម​។ ហុង មិនា

នំបាក់​ប៊ិនក្លិន​ឈ្ងុយ រសជាតិ​ឆ្ងាញ់ រូបមន្ត​ពិសេស​ពី​ហាង កញ្ញា​ឧត្ដម

ភ្នំពេញ: ចាន​បង្អែម​មិនទាន់​លើក​មក​ដល់​តុ ប៉ុន្តែ​ក្លិន​ដំឡូង​ឈើ​ដុត​ឈ្ងុយ​ជាមួយ​ស្ករស ទឹក​ដោះគោ​ខាប់ និង​ខ្ទិះដូង អាច​ធ្វើ​ឲ្យ​ភ្ញៀវ​អន្ទះសា​ចង់​ញ៉ាំនំ​បាក់ប៊ិន​ដ៏ឆ្ងាញ់​ពិសា។

បង្អែម​ខ្មែរ​នៅ​ហាង កញ្ញា​ឧត្ដម ដែល​ត្រូវ​បាន​ចម្អិន​ភ្លាមៗ​នោះ​មាន​ដូចជា នំ​បាក់ប៊ិន នំផ្លែ​អាយ ទ្រាប​បាយ ទ្រាប​ខ្មៅ នំ​តើយ​ស្រស់ និង​នំ​ត្រាវ​ទន់​ល្មើយ​រសជាតិ​ផ្អែម​ល្មម។

ក្រៅពី​បម្រើ​នូវ​មុខម្ហូប​ខ្មែរ​ដោយ​ប្រើ​រូបមន្ដ​ប្រចាំ​ត្រកូល​មកពី​ទឹកដី​សៀមរាប​អង្គរ អ្នកស្រី ទុំ ពិសី ជា​ម្ចាស់​ភោជនីយដ្ឋាន កញ្ញា​ឧត្ដម បាន​នាំយក​នូវ​រសជាតិ​បង្អែម​ខ្មែរ​ជា​ច្រើន​មុខ មកច្នៃ​ធ្វើជា​ចំណី​លាង​មាត់​ប្រកប​ដោយ​សោភ័ណភាព និង​អនាម័យ​គួរឲ្យ​ចង់​ទទួល​ទាន។

អ្នកស្រី ទុំ ពិសី បាន​រៀបរាប់​ថា៖ «បាក់​ប៊ិន​នេះ​យើង​ជ្រើស​រើសយក​ដំឡូង​ល្អៗ​មក​ចម្អិន​ជាមួយ​ទឹក​ដោះគោ​ខាប់ ខ្ទិះដូង និង​ពង​ទាស្រែ»។

ការ​ចម្អិន​នំបាក់​ប៊ិននេះ​ប្រើ​រយៈពេល​ប្រមាណ ៤០ នាទី​ក្នុង​ការដុត​ដំឡូង។ នៅ​ពេល​ដំឡូង​ជិត​ឆ្អិន គេយក​វាចេញ​មក​ក្រៅ​ឡ រួច​លាប​ពងទា​ក្រហម​ពីលើ សឹម​ដាក់​ចម្អិន ៥ នាទី​បន្ត​ទៀត ដើម្បី​ឲ្យ​វាមាន​ក្លិន​ឈ្ងុយ។

នំបាក់​ប៊ិន​មួយថាស​តូច​មាន​តម្លៃ ៧ ដុល្លារ។ ភោជនីយដ្ឋាន កញ្ញា ឧត្តម ស្ថិត​នៅ​ផ្ទះ​លេខ ១៥ ផ្លូវ​លេខ ៦០៨ ផ្លូវ​ជួសជុល​ឡាន ទំនាក់​ទំនង​ទូរស័ព្ទ​លេខ ០៦៩ ៧០០ ៦៦០ និង ០១៧៧៣០១៦៨៕

អត្ថបទគួរចាប់អារម្មណ៍