The Phnom Penh Post Search

Search form




Logo of Phnom Penh Post newspaper Phnom Penh Post - នំបុ័ង​សាច់គោ​អាំង​ចិញ្ចើម​ថ្នល់តែ​ ៣៥០០ រៀល​ ឆ្អែត​ឆ្ងាញ់មាត់​




នំបុ័ង​សាច់គោ​អាំង​ចិញ្ចើម​ថ្នល់តែ​ ៣៥០០ រៀល​ ឆ្អែត​ឆ្ងាញ់មាត់​

Content image - Phnom Penh Post
នំបុ័ង​មួយ​កំណាត់​ ៣៥០០ រៀល មាន​ញាត់​សាច់គោ​ ២ ចង្កាក់។ ឈឹម ស្រីនាង

នំបុ័ង​សាច់គោ​អាំង​ចិញ្ចើម​ថ្នល់តែ​ ៣៥០០ រៀល​ ឆ្អែត​ឆ្ងាញ់មាត់​

ភ្នំពេញ: នៅម្ដុំ​សាកល​វិទ្យាល័យ​អាស៊ី​អឺរ៉ុបថ្មី ដែល​សម្បូរ​ទៅ​ដោយ​អាហារ​បែប​ចិញ្ចើម​ថ្នល់​ថោកៗ រាប់​តាំងពី​ប្រហិត​ភ្នំភ្លើង ​ប្រហិត​ក្រឡុក អាំង គ្រឿង​សមុទ្រ​អាំង បុក​ល្ហុង ស្លាប​មាន់អាំង និង​ស៊ុបពង​ទាកូន ជាដើម​នោះ អាហារ​ងាយ​ស្រួល​វេចខ្ចប់ យក​តាមខ្លួន​ញ៉ាំ និង​តម្លៃ​ថោក​នោះ​អាច​ថា ជា​នំបុ័ង​សាច់គោ​អាំង។

ស្ថិតនៅ​ផ្លូវ​លេខ ១៤៦ សង្កាត់​ទឹក​ល្អក់ ២ ខណ្ឌ​ទួល​គោក រទេះ​អាំង​សាច់គោ​ចង្កាក់ បាន​បំភាយ​ក្លិន និង​​ផ្សែង​យ៉ាង​ឈ្ងុយ​ ប៉ះ​ច្រមុះ​អ្នក​ដំណើរ ដែល​បានស្រង់​ក្លិន​រួច ចង់​បញ្ឈប់​យាន​ជំនិះ​ចុះទិញ​ទទួលទាន។

រទេះ​លក់​សាច់​គោអាំង​​នេះ​ មាន​កន្លែង​អង្គុយតែ​ប្រមាណ​ពី​រតុ​ និង​កៅអី​បីបួន​ប៉ុណ្ណោះ ដោយសារ​អតិថិជន​ភាគច្រើន​និយម​កុម្ម៉ង់​ខ្ចប់​យកទៅ​ទទួល​ទាន​តែម្ដង ចំពោះ​អ្នក​ដែលពុំ​មាន​ពេលវេលា​ច្រើនក្នុង​ការអង្គុយ​ញ៉ាំ​អាហារ​នោះ​។

អតិថិជន​រទេះ​សាច់គោ​អាំង​ចង្កាក់​នេះ​ ភាគច្រើន​ជា​សិស្ស​សាលា ព្រោះ​ពួកគេ​ចំណាយ​​មិន​ដល់ ១ ដុល្លារ​ផង​ក៏​អាច​ញ៉ាំ​បាន​ឆ្អែត​មួយពេល។ សាច់​គោអាំង​ ឬ​ថ្លើម​គោ​ប្រឡាក់​គ្រឿង​ក្រហម​ឆ្អិន​ឆ្អៅ ​អាំងមួយ​ចង្កាក់​តម្លៃ ១៥០០ រៀល។

ភ្ញៀវ​ក៏អាច​ទិញ​នំបុ័ង​ញាត់​សាច់គោ​អាំង​ ដោយ​មួយ​កំណាត់​មាន​សាច់​គោពីរ​ចង្កាក់ ក្នុង​តម្លៃ​ប្រមាណ ៣៥០០ រៀល។

សាច់គោ​អាំង​ក្ដៅៗ ជាមួយ​សរសៃ​​ជ្រក់​ល្ហុង ស្រូប​ម្ទេស​ឆា ញាត់​ក្នុង​នំបុ័ង​អាំងប៊័រ ពិតជា​មាន​រសជាតិ​ឆ្ងាញ់​ត្រូវ​មាត់​តែម្ដង៕

អត្ថបទគួរចាប់អារម្មណ៍