The Phnom Penh Post Search

Search form

Logo of Phnom Penh Post newspaper Phnom Penh Post - នំប៉ាវ​ប៊ឺហ្គឺរ​ អាហារ​វប្ប​ធម៌​អាស៊ី​ ញាត់​គ្រឿង​អឺរ៉ុប​ថ្មី​នៅ​កម្ពុជា​




នំប៉ាវ​ប៊ឺហ្គឺរ​ អាហារ​វប្ប​ធម៌​អាស៊ី​ ញាត់​គ្រឿង​អឺរ៉ុប​ថ្មី​នៅ​កម្ពុជា​

Content image - Phnom Penh Post
ទិដ្ឋភាព​នៅ​ក្នុងហាង De'Bao ដែល​មាន​បម្រើ​នំប៉ាវ​ប៊ឺហ្គឺរ​មាន​រសជាតិ​កាត់​បស្ចិម​ប្រទេស​។ Athena Zelandonii

នំប៉ាវ​ប៊ឺហ្គឺរ​ អាហារ​វប្ប​ធម៌​អាស៊ី​ ញាត់​គ្រឿង​អឺរ៉ុប​ថ្មី​នៅ​កម្ពុជា​

ភ្នំពេញ: មុខ​ម្ហូប​កុម្ម៉ង់​ពេញ​និយម​បំផុត​នៅ​ភោជនី​យដ្ឋាន De'Bao លើ​វិថី​ ២៨៨ នៅ​បឹង​កេង​កងទី ១ លក់​អាហារ​តាម​ចិញ្ចើម​ផ្លូវ​គុណភាព​ខ្ពស់ថ្មី​បំផុត​នៅ​ក្រុង​ភ្នំពេញ គឺជា​ប្រភេទ​នំប៉ាវ​ប៊ឺហ្គឺរ។

នំប៉ាវ​ប៊ឺហ្គឺរ ជា​ប្រភេទ​នំប៉ាវ​តៃវ៉ាន់​ដែល​លក់តាម​ចិញ្ចើ​មផ្លូវ​ខ្ចប់​ពោះ​ជ្រូក សណ្ដែកដី សារាយ​សមុទ្រ​ស្ងួត និង​គ្រាប់​ល្ង​ជា​ដើម។

លោក Teksaing Phou ជា​ម្ចាស់​ហាង​បាន​វិលមក​មាតុ​ប្រទេស​វិញ​ក្រោយ​ពី​ចំណាយ​ពេល​ ៦ ឆ្នាំនៅ​សហរដ្ឋ​អាមេរិក​និង​ ២-៣ ឆ្នាំ​នៅ​សិង្ហបុរី​ហើយ​លោក​បាន​សម្រេច​ចិត្ដ​ថា លោក​ចង់​បន្ថែម​គ្រឿង​ផ្សំខ្លះ​ទៅក្នុង​មុខ​ម្ហូប​ដោយ​ការ​ចាំបាច់​បញ្ចូល​រសជាតិ​អាហារ​អាស៊ី និង​អឺរ៉ុប។

នៅ​ហាង​ De'Bao ជម្រើស ​អាហារ​ផ្សេង​ៗ​មានតម្លៃ​ក្រោម​ ៨០០០ រៀល​រួមទាំង​នំប៉ាវ​ប៊ឺហ្គឺរ​ប្រចាំ​ហាង​ តម្លៃ​ប្រមាណ ៧០០០ រៀល។ វាត្រូវ​ប្រើ​នំប៉ាវ​ពុះជា​ពីរ​ញាត់​សាច់​ ម៉ាយ៉ូ​ណែស ខ្ទឹម​បារាំង​ឈីស​សាលា​ដនិង​សណ្ដែក​ដី។

ផ្ទះបាយ​របស់ De'Bao ចាប់​បើក​ទ្វារ​ពីព្រឹក​ព្រលឹម​ដោយ​បុគ្គលិក​រៀបចំ​ចិញ្ច្រាំង​សាច់​ និង​ចំហុយ​នំប៉ាវ​ឲ្យ​បាន​រួចរាល់។

Content image - Phnom Penh Post
​នំប៉ាវ​ប៊ឺហ្គឺរ​មាន​ច្រើន​ជម្រើស និង​​រសជាតិ​ប្លែក​។ Athena Zelandonii

ម្ចាស់​ហាង​អះអាង​ថា៖ «​វាមិន​មែន​ជា​ប្រភេទ​អាហារ​ទាន់​ចិត្ដ​ឡើយ​»។

តារាង​មុខ​ម្ហូបក៏​មាន​នំប៉ាវ​បង្គា​ចៀន តម្លៃ ៦ ០០០ រៀល នំប៉ាវ​សាច់​ផុយលាយ​ពង​តម្លៃ ៦ ៥០០ រៀល​ និង​នំប៉ាវ​សាច់​ធម្មតា​តម្លៃជិត ៥ ០០០ រៀល​។ បទ​ពិសោធ​ដំបូង​របស់​លោក Phou គឺ​នំប៉ាវ​ចៀន​ញាត់​ការ៉េម ដែល​លោក​ប្រើ​ការ៉េម​រសជាតិ​តែ​បៃតង ត្រាវ ឬ​វ៉ានីឡា។

ម្ចាស់​ហាង​វ័យ ២៣ ឆ្នាំ ថា៖ «នំប៉ាវ​ប៊ឺហ្គឺរ​ គឺជា​មុខម្ហូ​បពេញ​និយម​ជាង​គេ។ យើង​លក់ពី​ ១០០ ទៅ ១៥០ នំ​នៅថ្ងៃ​ដែល​លក់​ដាច់​បំផុត»។

អ្វីៗ​គ្រប់​យ៉ាង​សុទ្ធ​តែ​ផលិត​ឡើង​ដោយ​ខ្លួនឯង​ តែ​លោក Phou បាន​ផ្តោត​សំខាន់​លើ​គុណភាព​នំប៉ាវ​របស់​លោក​។ ភោជ​នីយដ្ឋាន​នំអាស៊ី​ញាត់​សាច់​បែប​បស្ចិម​ប្រទេស​នេះ បាន​​ផលិត​នំថ្មីៗ​ប្រមាណ ២០០ គ្រាប់​រៀង​រាល់ថ្ងៃ​ដោយ​ប្រើ​រូបមន្ដ​របស់​លោក​ផ្ទាល់។

វាត្រូវ​ចំណាយ​ពេល​ច្រើន​ដែរ។ លោក Phou ចង់​ប្រើ​នំប៉ាវ​របស់​លោក​បង្កើតជា​អ្វីមួយ​ប្លែក​សម្រាប់​ទីផ្សារ​កម្ពុជា​។លោក​បាន​ពន្យល់​ថា​៖ «នៅ​ពេល​យើង​ទទួល​ទាន​នំប៉ាវ​លើ​ចិញ្ចើម​ផ្លូវ​នៅទីនេះ វាគ្រាន់​តែជា​ប្រភេទ​នំម្សៅ​ និងស្អិត​ជាប់​អណ្ដាត​ជានិច្ច។ ខ្ញុំ​សម្រេចថា ខ្ញុំត្រូវ​គិត​រិះរក​វិធី​បង្កើត​រូបមន្ដ​ដោយ​ខ្លួនឯង ខ្ញុំបាន​សាកល្បង​អស់​នំជា​ច្រើន»។

ខណៈ​ដែល​តម្លៃ​ខ្ពស់ជា​នំប៉ាវ​ទូទៅ​បន្តិច លោក​បាន​និយាយថា​៖ «​ប្រជាជន​កម្ពុជា​មិន​គាំទ្រ​លើ​ផលិត​ផល​ផលិត​ដោយ​ដៃនោះទេ​ ពីព្រោះ​វា​ចំណាយ​ខ្ពស់​។ ប៉ុន្ដែ​ខ្ញុំ​ចង់​ធ្វើវា​សម្រាប់​​មនុស្ស​គ្រប់​រូប​។ ខ្ញុំ​ត្រូវត្បិត​ត្បៀត​ចំពោះ ការ​ចំណាយ​ តែ​មាន​រសជាតិ​ប្រកប​ដោយ​គុណ​ភាព​»៕HR

អត្ថបទគួរចាប់អារម្មណ៍