The Phnom Penh Post Search

Search form




Logo of Phnom Penh Post newspaper Phnom Penh Post - នំ​អីគេ គ្រាន់​តែ​ឃើញ​ធ្វើ​ឲ្យ​អ្នក​អៀន និង​អស់​សំណើច




នំ​អីគេ គ្រាន់​តែ​ឃើញ​ធ្វើ​ឲ្យ​អ្នក​អៀន និង​អស់​សំណើច

Content image - Phnom Penh Post

នំ​អីគេ គ្រាន់​តែ​ឃើញ​ធ្វើ​ឲ្យ​អ្នក​អៀន និង​អស់​សំណើច

ភ្នំពេញ: ចំណីអាហារ​នំប្លែកៗ​ជាច្រើន​មាន​លក់​នៅ​ក្នុង​ផ្សារ​រាត្រី ជេត កុងតឺន័រ​ជាមួយ​ការ​តុបតែង​រទេះ​តូប ស្អាតៗ ទៅ​តាម​ប្រភេទ​អាហារ​ដែល​គេ​លក់។ ទន្ទឹម​នឹង​នោះ​ដែរ​ថ្មីៗ​នេះ​ក៏មាន​អ្នក​រទេះ​លក់​នំ​ប្លែក​ម្យ៉ាង មាន​រូបរាង​ដូចជា​លិង្គ​ដោយ​គេ​ស្រូប​ជាមួយ​សូកូឡា ឬក៏​ទឹក​ប៉េងប៉ោះ។

នំ​ប្រភេទ​នេះ​មានការ​ពេញ​និយម​ទិញ​ច្រើន​ពី​យុវវ័យ ដោយសារ​តែវា​មាន​រូបភាព​ប្លែក និង​មើល​ទៅ​គួរ​ឲ្យ​ចង់​អស់​សំណើច ដែល​ភាគ​ច្រើន​ក្មេងៗ​ចូលចិត្ត​ទិញ​ហើយ​នាំគ្នា​ថតរូប​លេង។

អ្នកនាង សុជាតា ម្ចាស់​រទេះ​នំ​ចម្លែក​នេះ​បាន​និយាយ​ទាំង​ដៃ​កំពុង​តែ​ចាក់​ម្សៅ​នំ​ចូល​ពុម្ព​ថា៖ «ខ្ញុំ​ទើបតែ​ចាប់ផ្តើម​លក់នំ​នេះ​បាន​ប្រហែល​ជា ៤ សប្តាហ៍​ប៉ុណ្ណោះ​ដោយ​មុន​ដំបូង​ខ្ញុំ​គ្រាន់​តែ​លក់​នំបុ័ង​ឈីស​តែប៉ុណ្ណោះ គឺ​ខ្ញុំ​បាន​នាំចូល​ឈីស​ពី​ជប៉ុន​ដោយ​ខ្លួនឯង​ផ្ទាល់​តែម្តង ពី​ព្រោះ​ថា​ឈីស​ប្រភេទ​នេះ​វា​ពិបាក​ក្នុង​ការ​រក​ទិញ​នៅ​ក្នុង​ស្រុក​យើង»។

អ្នកនាង​បន្តថា៖ «ចំណែក​ឯ​នំ​ពង​ទា​រូបរាង​លិង្គ​នេះ ដោយសារ​តែ​ឃើញ​នៅ​ប្រទេស​តៃវ៉ាន់​មាន​ការ​ល្បី​ខ្លាំង​ទើប​ខ្ញុំ​សម្រេចចិត្ត​លក់​នំ​ប្រភេទ​នេះ​បន្ថែម ដើម្បី​ឲ្យ​វា​ប្លែក​ពី​គេ ទាំង​រសជាតិ និង​រូបរាង​តែម្តង»។

អ្នកនាង​បន្តថា៖ «ចំពោះ​នំ​លិង្គ​នេះ​ខ្ញុំ​គិតថា បច្ចុប្បន្ន​នេះ​គឺ​មាន​តែ​ខ្ញុំ​ទេ​លក់ តែ​ទៅ​មុខ​ទៀត​ប្រហែល​ជា​មាន​គេ​លក់​ច្រើន ក៏ប៉ុន្តែ​សម្រាប់​នំ​នេះ​តាំង​ពី​ដាក់​លក់​មក មាន​អ្នកទិញ​គាត់​ចូលចិត្ត​មក​ទិញ​ច្រើន ដោយសារ​វា​មាន​រសជាតិ​ឆ្ងាញ់ មិន​រងាន់ និង​មាន​ជម្រើស​ឲ្យ​គាត់​ដូចជា​រសជាតិ​ឈីស​ខាង​ក្នុង និង​ហតដក​ជាដើម»។

ហាង Tokyo ក៏​រទេះ​នំ​លិង្គ​នេះ មាន​លក់​នៅ​ផ្សារ​រាត្រី ជេត កុងតឺន័រ (Jet's Container Night Market) ដែល​មាន​តម្លៃ ១០០០០ រៀល​ប៉ុណ្ណោះ ទាក់ទង​ទូរស័ព្ទ​លេខ ០៧៧ ៥៥៥ ៩៦៩៕

Content image - Phnom Penh Post
អ្នក​នាង សុជាតា ចាក់​ម្សៅ​នំ​ចូល​ពុម្ព​រូប​លិង្គ។ រូបថត ប៉ាន់ រចនា

Content image - Phnom Penh Post
មនុស្ស​រោម​ទិញ​នំ​លិង្គ​នៅ​ហាង​រទេះ Tokyo។ រូបថត ប៉ាន់ រចនា

អត្ថបទគួរចាប់អារម្មណ៍