ក្រុង ញូវយ៉កៈ នេះពុំមែនជារឿងសម្ងាត់នោះឡើយ ដែលប្រធានាធិបតីអាមេរិកដែលទើបបានជាប់ឆ្នោតមួយអាណត្តិថ្មីទៀត លោក បារ៉ាក់ អូបាម៉ា បានបង្ហើបពីចំណូលផ្ទាល់ចិត្តខ្លួនថា លោកចូលចិត្តញ៉ាំបង្អែមដ៏សាមញ្ញ នោះគឺនំឡូងជ្វា។
នៅពេលកំពុងធ្វើដំណើរបំពេញការងារនៅក្នុងប្រទេសរបស់ខ្លួនលោក អូបាម៉ា បានរំឭកថា៖ «កាលណោះ ក្រុមការងារយើងពិតជាឃ្លានណាស់ ហើយយើងក៏សម្រេចចិត្តសំចតរកអាហារពេលល្ងាចទទួលទាន។ ពេលនោះខ្ញុំពិតជានឹកឃើញចង់ញ៉ាំបង្អែមខ្លាំងពេក។ ខ្ញុំចង់ញ៉ាំបង្អែមនំដំឡូងជ្វាសំណព្វចិត្តរបស់ខ្ញុំនេះណាស់ ខណៈពេលបានមកកាន់ទឹកដីនៃរដ្ឋហ្វីឡាឌែលហ្វៀនេះព្រោះបានល្បីថា នៅទីនេះពូកែធ្វើនំដំឡូងជ្វា ហើយវាមានឱជារសឈ្ងុយឆ្ងាញ់ណាស់។ ខ្ញុំនឹងយកវាជាកាដូផ្ញើម្តាយក្មេកខ្ញុំផងដែរនៅពេលដែលខ្ញុំត្រឡប់ទៅផ្ទះវិញ»។
នំដំឡូងជ្វាដែលគេនិយមចម្អិនក្នុងថាសមានអង្កត់ផ្ចិត២ចំអាមនោះ មានគ្រឿងផ្សំដូចជា ដំឡូងជ្វាពណ៌លឿង ប៊័រទន់ៗ ស្ករស ទឹកដោះគោស៊ុត សណ្ដែកកិន ម្សៅឧបឈើយ (cinnamon) ម្សៅរសជាតិវ៉ានីឡា និងម្សៅនំដុតស្រួយ។
វិធីធ្វើនំដំឡូងជ្វានេះគឺងាយស្រួលណាស់ ដោយដំបូងត្រូវស្ងោរដំឡូងរយៈពេលពី៤០ ទៅ៥០នាទី ដើម្បីឲ្យវាឆ្អិនស្មើសាច់ រួចប្រើទឹកត្រជាក់លាងដំឡូងទាំងសម្បក ដើម្បីងាយស្រួលក្នុងការបកសម្អាតវាចេញ។
ចាប់ផ្ដើមវាយបំបែកសាច់ដំឡូង រួចបន្ថែមប៊័រ ស្ករស ទឹកដោះគោ សណ្ដែកដី ម្សៅឧបឈើយ ម្សៅរសជាតិវ៉ានីឡា និងម្សៅនំដុតស្រួយ រួចដាក់ក្នុងថាស និងដុតកម្ដៅ ១៧៥អង្សាររយៈពេល១ម៉ោងនោះជាការស្រេច៕
