The Phnom Penh Post Search

Search form




Logo of Phnom Penh Post newspaper Phnom Penh Post - បង្កង​ចំហុយ​ដាក់​កញ្រ្ចែង​ទឹកត្រី​ម្ទេស​ខៀវ​នៅ Best Food ផ្សារ​អ៊ីអន




បង្កង​ចំហុយ​ដាក់​កញ្រ្ចែង​ទឹកត្រី​ម្ទេស​ខៀវ​នៅ Best Food ផ្សារ​អ៊ីអន

Content image - Phnom Penh Post
បង្កង​ចំហុយ​ជ្រលក់ទឹក​ត្រី​ម្ទេស​ខៀវរសជាតិជូរ​អែមហឹរ។ ហុង មិនា

បង្កង​ចំហុយ​ដាក់​កញ្រ្ចែង​ទឹកត្រី​ម្ទេស​ខៀវ​នៅ Best Food ផ្សារ​អ៊ីអន

ភ្នំពេញ: នៅ​ពេល​ម៉ោង​បាយ​ថ្ងៃ​ស្ថិត​នៅក្នុង​ផ្សារ​ទំនើប​អ៊ីអន ក្បែរ​ការ៉េម​តូតូ មនុស្ស​ជាច្រើន​អង្គុយ​ទទួលទាន​មាន់​អាំង​ដាក់​ចង្អេរ ស៊ុប តុមយ៉ាំ បង្កង ក្តាម ស៊ុប​លត និង​បង្កង​ចំហុយ​ក្នុង​កញ្រែ្ចង​ជាដើម។

ហាង The Best Food ក្រៅពី​ល្បី​មាន់​អាំង​ស្រុក​ពួក​ហើយ​ក៏នៅ​មាន​ម្ហូប​ជាច្រើន​មុខ​ទៀត​ដែរ​កំពុងតែ​ទទួល​ការចាប់អារម្មណ៍​ពី​អតិថិជន​មិន​ថា​ក្មេង ឬ​ចាស់។

លោក សុទ្ធ វិ​បុត្រ ថៅកែ​វ័យ​ក្មេង​ដែល​បាន​នាំយក​នូវ​រសជាតិ​មាន់​អាំង​ស្រុក​ពួក​មកលក់​នៅ​ទីក្រុង​ភ្នំពេញ និង​ធ្វើឲ្យ​ល្បី​ខ្លាំង​ហើយ​ក្លាយ​ជាម្ហូប​ប្រចាំ​ហាង The Best Food បាន​និយាយ​ថា៖ «ខ្ញុំ​ឃើញ​បង្កង​ក្នុងស្រុក​យើង​ស្រស់​ល្អ ទើប​សម្រេចចិត្ត​លក់​បង្កង​នៅពេល​ល្ងាច​បន្ថែម​ទៀត ដើម្បី​ឲ្យ​ភ្ញៀវ​អាច​ញ៉ាំ​បង្កង​ហ្នឹង​ក្នុងតម្លៃ​ធូរថ្លៃ​សមរម្យ»។

លោក​បាន​បញ្ជាក់​ទៀត​ថា៖ «ខុសប្លែក​ពី​បង្កង​ចំហុយ​ទូទៅ នៅទីនេះ​យើង​ច្នៃ​ទឹក​ជ្រលក់​ម្ទេស​ខៀវ មក​ជំនួស​ទឹកត្រី​កោះកុង​វិញ ដោយ​វាមាន​រសជាតិ​ហឹរជូរ​ផ្អែម​ឆ្ងាញ់ ស៊ីគ្នា​ទៅនឹង​រសជាតិ​បង្កង​តែម្ដង»។

បង្កង​ចំហុយ​តម្លៃ​ជាង ២ ម៉ឺនរៀល​មាននៅ​ហាង Best Food ពីរ​សាខា​គឺទី ១ នៅ​ផ្លូវ​លេខ ១២២ សន្ធរម៉ុក ខាង​ក្រោយ Tous Les Jours កម្ពុជា​ក្រោម និង​សាខា​ទី ២ នៅ​ផ្សារ​ទំនើប​អ៊ីអន ក្បែរ​ការ៉េម​តូតូ ទូរស័ព្ទ​លេខ ០៩៨ ៨០៩ ៧៨៩៕

អត្ថបទគួរចាប់អារម្មណ៍