The Phnom Penh Post Search

Search form




Logo of Phnom Penh Post newspaper Phnom Penh Post - បង្គា​ឌីស្កូ ​ក្រឡុក​តាមចិត្ត​ កៀន​ផ្សារ​ទួលទំពូង




បង្គា​ឌីស្កូ ​ក្រឡុក​តាមចិត្ត​ កៀន​ផ្សារ​ទួលទំពូង

Content image - Phnom Penh Post
បង្គា​ឌីស្កូ ​ដែល​ភ្ញៀវ​អាចបន្ថែម​គ្រឿង​ផ្សំ​ដោយ​ខ្លួនឯង។ ហុង មិនា

បង្គា​ឌីស្កូ ​ក្រឡុក​តាមចិត្ត​ កៀន​ផ្សារ​ទួលទំពូង

ភ្នំពេញ: គ្រាន់តែ​ជិះកាត់​ផ្សារ​ទួលទំពូង​នាពេល​ល្ងាច គ្រឿង​សមុទ្រ​អាំង​ដ៏ឈ្ងុយ​ភាយ​ចេញពី​ហាង «ទួល​ទំពូង​គ្រឿង​សមុទ្រ​អាំង» មកជាប់​ច្រមុះ​តែម្ដង។

ស្ថិត​នៅជាប់​របងផ្សារ​ទួលទំពូង ហាង​ដែលមាន​ម៉ូតូ​ឡានចត​ព្រោងព្រាត​ចូលញ៉ាំ​គ្រឿង​សមុទ្រ កញ្ញា សេង រដ្ឋា ជាអ្នក​លក់បាន​និយាយថា៖ «ខ្ញុំ​បើក​កន្លែង​លក់​គ្រឿង​សមុទ្រ​អាំង​នេះបាន​រយៈពេល ៤ ឆ្នាំ​ជាង​មកហើយ គឺមាន​ភ្ញៀវ​ចូល​គ្រាំទ្រ​កាន់តែ​ច្រើនឡើង ដោយសារតែ​អាហារ​របស់​យើង​ត្រូវមាត់​អតិថិជន»។

យោងតាម​អ្នកលក់​រូបនេះ អតិថិជន​ស្គាល់​ហាង ទួល​ទំពូង​គ្រឿង​សមុទ្រ​អាំង ដោយសារ​រសជាតិ​ក្តាមឆា​ប្រចាំ​ហាង ដែល​កញ្ញា​បាន​អះអាងថា៖ «ភ្ញៀវ​គាត់ថា​រសជាតិ​ក្តាមឆា​នេះ​មានតែ​មួយ ដែល​ខុសពី​ហាង​ដទៃទៀត»។

កញ្ញា​បញ្ជាក់​ទៀតថា៖ «ចំពោះ​គ្រឿង​សមុទ្រ​នៅក្នុង​ហាង​ខ្ញុំគឺ​ថ្មី​រាល់ថ្ងៃ គឺយើង​លក់​មួយថ្ងៃ​ទិញ​មួយថ្ងៃ អ៊ីចឹង​គ្រឿង​សមុទ្រ​ទាំងអស់​គឺ​ស្រស់​តែម្តង»។

យ៉ាងណា​មិញ អ្នកលក់​រូបនេះ​ទទួលស្គាល់ថា ដោយសារតែ​ភ្ញៀវ​ច្រើនពេក​សេវាកម្ម​អាចមាន​ភាព​យឹតយ៉ាវ​បន្តិច ដែល​ភ្ញៀវត្រូវ​រង់ចាំ​ប្រមាណ​ជា ១០ ទៅ ១៥ នាទី សម្រាប់​ការចម្អិន​ក្ដាម។

ក្រៅពី​ឆាក្តាម មឹក​អាំង បង្គា​អាំង ឥឡូវនេះ ហាង​ក៏​ទើបតែ​បានបន្ថែម​ម្ហូប «បង្គា​ឌីស្កូ» ជាបង្គា​ឆៅ​ក្រឡុក​ក្នុង​កែវហឹរ​ឆ្ងាញ់ ដោយ​ភ្ញៀវ​អាចផ្សំ​រសជាតិ​ខ្លួនឯង​តែម្តង ក្នុងតម្លៃ ២ ម៉ឺនរៀល។

ទួលទំពូង​គ្រឿង​សមុទ្រ​អាំង មាន​ទូរស័ព្ទ​លេខ ០១៧ ៩៩៨ ៧៥៧៕

អត្ថបទគួរចាប់អារម្មណ៍