The Phnom Penh Post Search

Search form




Logo of Phnom Penh Post newspaper Phnom Penh Post - បង្គា​បំពង​ទឹក​ម៉ាយូណេស​ពី​ភោជនីយដ្ឋាន Fu Lu Zu




បង្គា​បំពង​ទឹក​ម៉ាយូណេស​ពី​ភោជនីយដ្ឋាន Fu Lu Zu

បង្គា​បំពង​ទឹក​ម៉ាយូណេស​ពី​ភោជនីយដ្ឋាន Fu Lu Zu

Content image - Phnom Penh Post
បុគ្គលិកហាងបង្ហាញបង្គាស្រូបម៉ាយូណេស ឈឹម ស្រីនាង
120703_22a
120703_22a

ភ្នំពេញ : ជម្រាប​សួរ​មិត្ត​អ្នក​អាន​ភ្នំពេញ​ ប៉ុស្ដិ៍ ជាទីមេត្រី! សប្ដាហ៍​នេះ​ នាង​ខ្ញុំ​នឹង​នាំ​លោក​អ្នក​ទៅ​ភ្លក្ស​អាហារ​បែប​ចិន នៅ​ភោជនីយដ្ឋាន Fu Lu Zu ដែល​មាន​ទីតាំង​ក្នុង​សណ្ឋាគារ​សូហ្វីតែល ភូកេត្រា ភ្នំពេញ។ អាហារ​នេះ​មាន​លក្ខណៈ​ជា​អាហារ​សម្រន់ ដែល​លោក​អ្នក​អាច​ស្វែង​រក​គ្រឿង​ផ្សំ​មក​ចម្អិន​ទទួល​ទាន​បាន ជា​ពិសេស​គឺ​សម្រាប់​បណ្ដា​មេផ្ទះ​សម័យ​ថ្មី​ដែល​មិន​សូវ​មាន​ពេលវេលា​ច្រើន ក្នុង​ការ​ចូល​ផ្ទះ​បាយ។

សូម​ធានា​ថា លោក​អ្នក​ចំណាយ​ពេល​ត្រឹម​តែ​២០​នាទី​ប៉ុណ្ណោះ ក៏​អាច​រៀបចំ​ម្ហូប «បង្គា​បំពង​ស្រូប​ទឹក​ម៉ាយូណេស» នេះ​រួច​រាល់​ជា​ស្រេច​។

ដូច្នេះ​ហើយ សូម​ប្រិយមិត្ត​រីករាយ​នឹង​វិធី​ចម្អិន​ងាយៗ​ដូច​ខាង​ក្រោម​នេះ។

គ្រឿងផ្សំ : បង្គាស្រស់​ធំៗ ម្សៅ​ពោត​សម្រាប់​បំពង ទឹក​ម៉ាយូណេស ល្ង​ ពងមាន់ ម្សៅស៊ុប ត្រសក់ និង​ស្លឹក parsley។

វិធីចម្អិន : ដំបូង​ត្រូវ​ជ្រើសរើស​យក​បង្គា​ដែល​ស្រស់ ហើយ​ធំៗ យក​មក​លាង​បក​សម្បក​ចេញ​ឲ្យ​ស្អាត​ មុន​នឹង​យក​ទៅ​វះ​ខ្នង​ដក​សរសៃ​ខ្មៅ​ចេញ។ បន្ទាប់​មក​យក​បង្គា​ទៅ​លាយ​ជាមួយ​នឹង​ម្សៅ​បំពង រួច​ប្រលាក់​ពង​មាន់​បន្តិច មុន​នឹង​ដាក់​ក្នុង​ខ្ទះ​ប្រេង​បំពង​មួយ​សន្ទុះ​ខ្លី។ បន្ទាប់​មក​ត្រូវ​យក​ទឹក​ម៉ាយូណេស​លាយ​ជាមួយ​ម្សៅ​ស៊ុប នឹង​ល្ង មុន​នឹង​យក​ទៅ​ស្រូប​ពី​លើ​បង្គា​ដែល​បំពង​រួច​ នោះ​ជា​ការ​ស្រេច។

ប្រសិន បើ​លោក​អ្នក​ចង់​ភ្លក្ស​រសជាតិ​ដើម​នៃ​អាហារ​នេះ សូម​អញ្ជើញ​ទៅ​ភោជនីយដ្ឋាន Fu Lu Zu នៅ​សណ្ឋាគារ​សូហ្វីតែល ភូកេត្រា ភ្នំពេញ ដែល​ស្ថិត​នៅ​តាម​បណ្ដោយ​មហាវិថី​សុធារស សង្កាត់​ទន្លេ​បាសាក់ រាជធានី​ភ្នំពេញ។

ភោជនីយដ្ឋាន​បែប​ចិន​នេះ មាន​ផ្ដល់​នូវ​អាហារ​រសជាតិ​ដើម​ដែល​ជា​ស្នាដៃ​ចុង​ភៅ​បរទេស និង​ក្នុង​ស្រុក​ដែល​មាន​ទេពកោសល្យ​ជា​ច្រើន​ឆ្នាំ។

មុខ​ម្ហូប​នៅ​ភោជនីយដ្ឋាន Fu Lu Zu ​មាន​តម្លៃ​ចាប់​ពី​៣​ដុល្លារ​ឡើង​ទៅ។ ឈុត​អាហារ​ថ្ងៃ​ត្រង់ និង​ពេល​ល្ងាច​សម្រាប់​គ្នា​ពីរ​នាក់ មាន​តម្លៃ​ចាប់​ពី​៦៨​ដុល្លារ​ឡើង​ទៅ៕

អត្ថបទគួរចាប់អារម្មណ៍