The Phnom Penh Post Search

Search form

Logo of Phnom Penh Post newspaper Phnom Penh Post - បង្អែម​ត្រាវ និង​ដំឡូង​ឈើ​ចំហុយ​ ជ្រលក់​ទឹក​ខ្ទិះ​ពីហាង​ផ្ទះ​យ៉ាវហន




បង្អែម​ត្រាវ និង​ដំឡូង​ឈើ​ចំហុយ​ ជ្រលក់​ទឹក​ខ្ទិះ​ពីហាង​ផ្ទះ​យ៉ាវហន

Content image - Phnom Penh Post
ត្រាវ ​និង​ដំឡូង​ឈើ​ចំហុយ​ជ្រលក់​ទឹកខ្ទិះ​មាន​ស្លឹក​ខ្ទឹម​ឈ្ងុយ​ៗ​។ ឈឹម ស្រីនាង

បង្អែម​ត្រាវ និង​ដំឡូង​ឈើ​ចំហុយ​ ជ្រលក់​ទឹក​ខ្ទិះ​ពីហាង​ផ្ទះ​យ៉ាវហន

ភ្នំពេញ: ស្ថិតនៅតាម​បណ្តោយ​ផ្លូវ ១៦៣ ខាង​លិច​ឆៀង​ខាងត្បូង​ផ្សារ​ទួលទំពូង ហាង​ផ្ទះ​យ៉ាវ​ហន មាន ការតុបតែង​ស្អាត ​ជាមួយ​តុ​កៅអី​ឈើគំនូរ​ក្មេងស្រី ប្រុស​ស្លៀកក្បិន​ពាក់​ស្បែកជើង​ស្គី​កាន់​កែវ​ចាន និងឆ្នាំងដី​យ៉ាវ​ហន​បែប​ខ្មែរ នៅលើ​ជញ្ជាំង​មើល​ទៅទាក់ភ្នែក​ម្យ៉ាង​សម្រាប់​ភ្ញៀវ​ដែល​ចូល​ញ៉ាំយ៉ាវ​ហននៅ​ហាង​នេះ។

ក្រៅពី​លក់​យ៉ាវហ៊ន ហាង​របស់​លោក​ សុខ ហេង ​ក៏មាន​នូវ​បង្អែម​ដ៏​សាមញ្ញ​ដែល​ច្រើនតែ​លក់នៅ​ក្នុង​ផ្សារដ៏អ៊ូអរ​ ហើយ​កម្រ​មាន​ហាង​ណា​​ចម្អិន​លក់​ណាស់។​

ម្ចាស់​ហាង​លោក សុខ​ ហេង បាន​លើក​ឡើង​ថា៖ «ដោយសារ​តែ​ឃើញ​ក្មេងៗ​ឥឡូវ​ចូលចិត្ត​ញ៉ាំ​របស់​តាំង​ពី​កុមារ​ភាព​ដែល​គាត់​ធ្លាប់ញ៉ាំ ហើយ​គាត់​ចង់​រំឭក​អនុស្សាវរី​យ៍កាលពី​នៅ​រៀន​ អ៊ីចឹង​ហើយ​ទើប​ខ្ញុំ​នឹក​ឃើញ​យក​អាហារ​សម្រន់ដែល​ធ្លាប់តែ​លក់​ក្នុង​ផ្សារ មកលក់​ក្នុងហាង​វិញ»។

នោះ​គឺ​ជា​បង្អែម​ត្រាវ និង​ដំឡូង​ឈើ​ដែល​គេ​យក​មក​ចំហុយ ហើយ​ជ្រលក់​ជាមួយ​ទឹក​ខ្ទិះ​មានរសជាតិ​ផ្អែម។

របៀបធ្វើទឹក​ខ្ទិះ​គឺ​ដំបូង​ត្រូវ​យក​ខ្ទិះ​ដូង​ (ដើមខ្ទិះ) យកមក​ដាក់​ចូល​ឆ្នាំង​ដាំ​ឲ្យ​ពុះ រួច​ទើប​ចាក់​ស្ករស និង​បង់​អំបិល​បន្តិច​ឲ្យផ្អែម​មុត។

បន្ទាប់មក​យក​ម្សៅឆា​លាយ​ទឹក​ក្នុងកូនចាន​ឲ្យ​រលាយ​ រួច​ចាក់​ចូល​ឆ្នាំង​ខ្ទិះកំពុង​តែ​ពុះ​ រួច​សឹម​បិទភ្លើង។ ចុង​ក្រោយ​ត្រូវ​បន្ថែមស្លឹក​ខ្ទឹម​ជាការ​ស្រេច។

ក្រៅពី​ជ្រលក់ញ៉ាំ​ជាមួយ​ត្រាវ និង​ដំឡូង​ចំហុយ ទឹក​ខ្ទិះ​ស្លឹក​ខ្ទឹម​នេះ​ក៏​អាច​ជ្រលក់​ទទួល​ទាន​ជាមួយ​នំបុ័ង​អាំង​ផង​ដែរ៕

អត្ថបទគួរចាប់អារម្មណ៍