The Phnom Penh Post Search

Search form




Logo of Phnom Penh Post newspaper Phnom Penh Post - បបរស ខ​កង្កែប​ម្ទេស​ក្រៀម ពីហាង​ត្បាល់​ខ្មែរ




បបរស ខ​កង្កែប​ម្ទេស​ក្រៀម ពីហាង​ត្បាល់​ខ្មែរ

Content image - Phnom Penh Post
បបរ​ស និង​ខកង្កែប​ម្ទេស​ក្រៀម ​អាច​ញ៉ាំបាន​គ្នា​ពីរនាក់។ ហុង មិនា

បបរស ខ​កង្កែប​ម្ទេស​ក្រៀម ពីហាង​ត្បាល់​ខ្មែរ

ភ្នំពេញ: បន្ទាប់ពី​ជោគជ័យ​ចំពោះ​មុខរបរ​លក់​យ៉ាវហន និង​បុកល្ហុង ហាង ត្បាល់​ខ្មែរ បាន​វិវឌ្ឍ​ខ្លួនពី​អាជីវកម្ម​ត្រឹមតែ​ផ្ទះមួយ​ល្វែង​នៅម្ដុំ​ទួល​ទំពូង ទៅជា​ភោជនីយដ្ឋាន​មួយទៀត​មានការ​តុបតែង​កាន់តែ​ល្អប្រសើរ បន្ថែម​ពីលើ​ទីតាំង​ចាស់។

ស្ថិត​នៅក្រោយ​វិទ្យាល័យ ជា ស៊ីម បឹងកេងកង វិថី​លេខ ៧១ កែង​ផ្លូវ៣ ៦០ ភោជនីយដ្ឋាន ត្បាល់​ខ្មែរ ទើបនឹង​បើក​ដំណើរការ​ថ្មីថ្មោង ផ្ដល់​ឲ្យភ្ញៀវ​ងាយស្រួល​ក្នុង​ការចត​យានជំនិះ កន្លែង​អង្គុយធំ​ទូលាយ ស្រស់ស្អាត និង​មាន​ផាសុកភាព។ ខុសប្លែក​ពីទីតាំង​ចាស់​ដែល​សមស្រប​សម្រាប់​យុវវ័យ​ទទួលទាន ហាង​ត្បាល់​ខ្មែរ ទីតាំង​ថ្មីអាច​ទទួលភ្ញៀវ​មកជា​លក្ខណៈ​គ្រួសារ ឬ​ជួបជុំ​មិត្តភក្ដិ​ជាក្រុម​ធំ។

អ្វីដែល​ពិសេស​នោះ​គឺតម្លៃ​នៅ​រក្សា​ដដែល បើទោះបីជា​ទីតាំង​ថ្មី​មានការ​តុបតែង​ស្អាត​ប្លែក​ជាង​កន្លែងចាស់​ក្ដី។ បន្ថែម​ពីតម្លៃ​មិន​ប្រែប្រួល ទីតាំង​ថ្មី​ក៏មាន​បន្ថែម​មុខម្ហូប​ដូចជា បុកល្ហុង​មឹក បុកល្ហុង​ពោះគោ បុកល្ហុង​ស្បែក​កង្កែប បុកខ្យង និងបុក​ក្ដាមប្រៃ។ ចំពោះ​តម្លៃ​សម្រាប់​ម្ហូប​ប្រភេទ​គ្រឿង​បុកនេះ​គឺចាប់ពី ១ ដល់ ៣,៥ ដុល្លារ។

លើសពីនេះ​ក៏មាន​ការបម្រើ​នូវម្ហូប​គ្រឿង​សមុទ្រ​មាន បង្គា​អាំង​អំបិលម្ទេស មឹក​ឆាបន្ទះ​ដែក ខ្យង​ផ្លិត​អប់មីសួ និង​ខ្យង​ផ្លិត​ឆាស្រា​អ៊ិចអូ។ តម្លៃ​ម្ហូប​គ្រឿង​សមុទ្រ​ចន្លោះ​ពី ៣ ទៅ ៦,៥ ដុល្លារ។

ចំពោះ​ម្ហូប​ធ្វើពី​កង្កែប​មានដូចជា កង្កែប​ប៉ារ៉ា​បំពង កង្កែប​បំពង​ខ្ទឹមស ខកង្កែប​ម្ទេស​ក្រៀម និង​ខ​កង្កែបខ្ញី។ ម្ហូប​ធ្វើ​ពីកង្កែប​មានតម្លៃ ៦,៥ ដុល្លារ។

ភោជនីយដ្ឋាន ត្បាល់​ខ្មែរ អាច​ទំនាក់ទំនង​ទូរស័ព្ទ​លេខ ០១២ ៧៧ ៥៨ ៦៨៕

អត្ថបទគួរចាប់អារម្មណ៍