The Phnom Penh Post Search

Search form

Logo of Phnom Penh Post newspaper Phnom Penh Post - បាញ់​ស្រ៊ុងដេលី សាច់​ច្រើន​មុខ​ ថែម​ខ្ទឹម​ក្រហម​បំពង​រឹត​តែ​ឈ្ងុយ




បាញ់​ស្រ៊ុងដេលី សាច់​ច្រើន​មុខ​ ថែម​ខ្ទឹម​ក្រហម​បំពង​រឹត​តែ​ឈ្ងុយ

Content image - Phnom Penh Post
បាញ់ស្រ៊ុង​មាន​ដាក់​ចាយ៉ សាច់​ជ្រូកអាំង សាច់ប៉ាតេ និង​ប៊ី។ ឈឹម ស្រីនាង

បាញ់​ស្រ៊ុងដេលី សាច់​ច្រើន​មុខ​ ថែម​ខ្ទឹម​ក្រហម​បំពង​រឹត​តែ​ឈ្ងុយ

ភ្នំពេញ: ស្ថិត​នៅ​ម្ដុំផ្សារកណ្ដាល អាហារដ្ឋាន​លក្ខណៈ​ផ្ទះល្វែង​មួយ​មាន​បម្រើ​អាហារ​សរសៃ​ជា​ច្រើន​ប្រភេទ​ស្រូបជាមួយ​ទឹក​ត្រី​ផ្អែម ព្រម ទាំង​បបរមាន់​ផង​ដែរ។

នោះគឺ​ជាហាង បាញ់ស្រ៊ុង​ដេលី ឬ​ស្រីមុំ​បាញ់ស្រ៊ុង ដែលជ្រុង​ម្ខាង​មានតុ​កៅអី​វែងៗ​ពណ៌​ខ្មៅ​។

ដែល​មាន​លក់ដូច​ជា​ បាញ់ស្រ៊ុង បាញ់​ហយ គុយទាវ​កាត់ បបរ​មាន់ គួង ចាយ៉ និង​ភេសជ្ជៈ​នានា។ ដោយ​សារ​តែ​យីហោហាងមានឈ្មោះ​ថា បាញ់​ស្រ៊ុង ស្រាប់​នោះ ភ្ញៀវដែល​មក​កាន់​ហាង​នោះ​ច្បាស់​ជានឹក​ចង់​​កុម្ម៉ង់​វាញ៉ាំមុនគេ​មិនខាន។

ខុស​ប្លែក​ពី​បាញ់ស្រ៊ុង​នៅ​តាមផ្សារ​ បាញ់ស្រ៊ុង​ នៅ​ហាង​ខាង​លើនេះ​មាន​សាច់ច្រើន​ប្រភេទ​ក្នុង​មួយ​ចាន។ នៅពីក្រោម​សរសៃ​បាញ់ស្រ៊ុងដែល​​លាប​ស្លឹក​​ខ្ទឹម​ចិញ្ច្រាំ មាន​បន្លែ​ត្រសក់ ជីរ និង​សណ្ដែក​បណ្ដុះ។

នៅពី​លើ​សរសៃ​បាញ់ស្រ៊ុងមាន​ចំណិត​ចាយ៉ សាច់ប៉ាតេ សាច់​ជ្រូកអាំង ប៊ី (ស្បែក​ជ្រូក​ហាន់ជា​សរសៃ) ខ្ទឹម​ក្រហមបំពង និងសណ្ដែក​ដី។

ប្រសិន​បើ​ចង់​ឲ្យ​វា​ចូលជាតិ​ល្អ ពេល​ទទួលទាន​ត្រូវច្របល់​ ដោយ​បន្ថែម​ម្ទេស​ជ្រក់​បន្តិច​ជាមួយ​ទឹកត្រីផ្អែម នោះ​រសជាតិ​វា​នឹង​រឹតតែ​ឆ្ងាញ់។

នៅហាង​នេះ ​បាញ់ស្រ៊ុង​មួយ​ចាន​មាន​តម្លៃ ៦០០០ រៀល គួងមួយ​មាន​តម្លៃ ១៥០០ រៀល ប្រហាក់ប្រហែល​នឹង​តម្លៃ​នៅ​ផ្សារ​ដែរ។

អាហារដ្ឋាន បាញ់ស្រ៊ុង​ដេលី ស្ថិតនៅ​ផ្ទះលេខ ៤៩ ផ្លូវ ១៣០ សង្កាត់​ផ្សារ​កណ្ដាល ទំនាក់ទំនង​ទូរស័ព្ទ ​០១២​ ២០០ ៩៧២៕

អត្ថបទគួរចាប់អារម្មណ៍