The Phnom Penh Post Search

Search form

Logo of Phnom Penh Post newspaper Phnom Penh Post - បាញ់​ហយ​ដាក់​កូន​ឈ្នាង​នៅ​ហាង 123 Pig គួ​រ​ឲ្យចង់​ទទួល​ទាន​




បាញ់​ហយ​ដាក់​កូន​ឈ្នាង​នៅ​ហាង 123 Pig គួ​រ​ឲ្យចង់​ទទួល​ទាន​

Content image - Phnom Penh Post
បាញ់​ហយ​ឈ្នាង​មាន​សាច់​ប៉ាត់តេ ​សាច់បី​ជាន់ ​ផ្ទាប់​បន្លែ​ស្រស់​។ ឈឹម ស្រីនាង

បាញ់​ហយ​ដាក់​កូន​ឈ្នាង​នៅ​ហាង 123 Pig គួ​រ​ឲ្យចង់​ទទួល​ទាន​

ភ្នំពេញ: ហាង​តូច​មួយ​ដែលមាន​យីហោ​ថា ​123 Pig ជា​ហាង​លក់​ចំណីអាហារ​ មានការ​ច្នៃ​តុបតែង​បែប​ខ្មែរ​សម័យ​ទំនើប ស្ថិតនៅ​​ផ្លូវ ១២៣ ហួស​វិទ្យា​ល័យ​ទួល​ទំពូង​បន្តិច។ម្ចាស់​ហាងបាន​ច្នៃ​ផ្ទះ​ខ្មែរ​ម៉ូដ​ចាស់​​ឲ្យ​មាន​លក្ខណៈ​ជាខ្មែរ​សម័យទំនើប​ ជាមួយឈើ​មូលតូចៗ​តម្រៀប​ជា​ជ​ញ្ជំ​ង។

ដំបូលហាង​វិញ​គឺ​រក្សាទុក​នៅ​ម៉ូដ​បុរាណ​ដោយ​គ្រាន់តែ​បន្ថែម​នូវ​អំពូល​​ពងមាន់​បី​បួន រំយោល​ធ្លាក់ចុះ​មកក្រោម ធ្វើ​ឲ្យ​សម្រស់​ហាង​នេះ​រឹតតែ​មាន​ភាព​ទាក់ទាញ។​

កន្លែង​អង្គុយ​ដែលមាន​ផាសុកភាព ហើយ​មាន​អារម្មណ៍​ថា​ដូចជា​កំពុងអង្គុយ​ញ៉ាំ​នៅក្នុង​សួន​បៃតង​មួយ​អ៊ីចឹង​។ នៅ​ពីមុខ​ហាង​​មាន​រូប​កូនជ្រូក​បៃតង​កាន់​ទឹក​តែ​​ខៀវ​ ជាមួយ​​មីគោក​ឆា​បែប​ខ្មែរ មើល​ទៅ​គួរ​ឲ្យ​ចង់​ទទួលទាន។

ទើប​នឹង​បើក​ដំណើរ​ការ​ថ្មីៗ​នេះ ​ហាង 123 Pig មានលក់​អាហារ​សម្រន់​ប្លែកៗដែលមាន​ការច្នៃ​បន្ថែម ជាពិសេស​គឺ​គេ​យក​កូន​ឈ្នាង​មក​ដាក់​ម្ហូប មើលទៅ​គឺ​វាប្លែក​ម្យ៉ាងដែរ។ ​

ឈ្នាង​ជា​ឧបករណ៍​ជញ្ជាត់​​ត្រី​តែ​នៅទី​នេះ​គេ​​យកវា​មក​ដាក់​សង្វាក់ និង​បាញ់ហយ​ជាមួយ​បន្លែ​សាលាដ ជី​រ ជាដើម។ ក្រៅពីនេះ ហាង 123 Pig មាន​បម្រើ​នូវ​ស៊ុប​ឈាមជ្រូក មាន់​ចៀន​គល់​ស្លឹក​គ្រៃ មី ១២៣ រសជាតិ​ការី និង​ប្រហិត​ទ្រង់គ្រឿង​។

ចំពោះ​តម្លៃ​វិញ​គឺចន្លោះពី ៦០០០ ដល់ ១៥០០០ រៀល។ ​បាញ់​ហយ​ដាក់​ឈ្នាង​មាន​តម្លៃ ៧ ពាន់​រៀល​។ ហាងក៏មានលក់​ទឹក​ម្ជូរ​ព្រឹក តែ​ហ្គិ​ច​ហួយ និង​ផា​សិនទឹក​ដោះ​គោ ជាដើម ៕​

អត្ថបទគួរចាប់អារម្មណ៍