The Phnom Penh Post Search

Search form




Logo of Phnom Penh Post newspaper Phnom Penh Post - បាយ​កក​ឆា​បង្គា​ និង​បន្លែ​គ្រប់​មុខ​ ជា​រូប​មន្ដ​ដូន​តា​របស់​ជនជាតិ​ចិន​

បាយ​កក​ឆា​បង្គា​ និង​បន្លែ​គ្រប់​មុខ​ ជា​រូប​មន្ដ​ដូន​តា​របស់​ជនជាតិ​ចិន​

បាយ​ឆា​បង្គា និង​បន្លែ​គ្រប់​មុខ​​បែប​ប្រពៃណី​ចិន​។
បាយ​ឆា​បង្គា និង​បន្លែ​គ្រប់​មុខ​​បែប​ប្រពៃណី​ចិន​។ រូបថត សហ​ការី

បាយ​កក​ឆា​បង្គា​ និង​បន្លែ​គ្រប់​មុខ​ ជា​រូប​មន្ដ​ដូន​តា​របស់​ជនជាតិ​ចិន​

លោក​អ្នក​សាក​ល្បង​ឆាបាយ​កក​​បែប​ចិន​ល​មើល​ ​តើ​រសជាតិ​ឆ្ងាញ់​យ៉ាង​ណា? ដោយ​លោក​អ្នក​គ្រាន់​តែ​យក​បាយ​កក​មក​​លីង​​ឲ្យ​ក្រៀមបន្តិច​​សិនមុន​​នឹង​ដាក់​លាយ​ជា​មួយ​សាច់​និង​បន្លែ​​​ស្ពៃ​ក្តោប ខាត់ណា​ខៀវ ​ការ៉ុត ឬម្ទេស​ប្លោក​ទុំ។ នេះ​ជា​មុខ​ម្ហូប​មួយ​បែប​ថ្មី មាន​រស​ជាតិ​ឈ្ងុយ​ឆ្ងាញ់​ខុស​ប្លែកពី​គេ​​របស់​ចិន។

គ្រឿង​ផ្សំៈ ប្រេង​ឆា​បី​ស្លាបព្រា​បាយ បង្គា​តូច៨​ក្បាល​បក​សម្បក​រួច​ និង​ហាន់​ល្អិតៗ សាច់​ជ្រូក​ប្រមាណ​ជា ​១​ខាំ​ហាន់​ជា​បន្ទះ​ស្តើងៗ ​សណ្តែក​ហោឡាំងតាវ​កន្លះ​ពែង ប្រើ​ទឹក​ស៊ីអ៊ីវ​ ១​ស្លាប​ព្រា​បាយដោយ​បន្ថែម​ប៊ីចេង​តាម​​ចំណូល​ចិត្ត​ ប្រើ​ពង​មាន់ ឬពង​ទា​ពីរ​គ្រាប់​ ​​ខ្ទឹម​បារាំង​ ៣-៤​កំពិស អំបិល​ ១​ចិប និង​លាយ​ម្រេច​បន្តិច ​​បាយ​កក​ដែល​លីង​រួច ​៣​ពែង និង​ស្រា​ស​​ផលិត​ពី​​អង្ករ​ ១​​ ស្លាប​ព្រា​បាយ​ ឬ​ស្រា​ប្រភេទ Dry Sherry ​១​ស្លាប​ព្រា​បាយ​។

របៀប​ធ្វើៈ ត្រូវ​កម្តៅខ្ទះ​ឲ្យ​ក្តៅ​ល្មម​ មុន​ដាក់​គ្រឿង​ផ្សំ​ ដូច​ជា ​សាច់​បង្គា សាច់​ជ្រូក គ្រាប់​សណ្តែក​ហោ​ឡាំង​តាវ​ចូល​ក្នុង​ខ្ទះ​ប្រមាណ​១​នាទី ដោយ​បន្ថែម​ទឹក​ស៊ីអ៊ីវ​ចូល ហើយ​ដាក់​ទុក​ក្នុង​ចាន​ទុក​ឲ្យ​ក្តៅ​ល្មម។ ​​ បន្ទាប់​មក​ចាក់​ប្រេង​ឆា​ចូល​ខ្ទះ​ទុក​ឲ្យ​ក្តៅ​ ហើយ​គោះ​​ពង​ទា ឬ​ពង​មាន់ លាយ​ជា​មួយ​ខ្ទឹម​បារាំង ដោយ​រោយ​អំបិល និង​ម្រេច​ចូល​ផង​។

ក្រោយ​មក​ចៀន​ពង​ទា ឬ​ពង​មាន់​​ឆ្អិន និង​ដាក់​ចាក់​សាច់​បង្គា​ និង​បាយ​លីង​ចូល​​ច្របល់​​គ្នា​ និង​យក​ស្រា​ស​មក​ចាក់​​បន្ថែម។ ដាក់​ទឹក​ស៊ីអ៊ីវ លាយ​ប៊ីចេង អំបិល និង​ម្រេច​​ចូល​តាម​ចំណូល​ចិត្ដ​។ ទុក​វា​ឲ្យ​ក្តៅ​បន្តិច​​ ទើប​ដាក់​បន្លែ​ស្ពៃ​ក្តោប ខាត់​ណា​ខៀវ ​ការ៉ុត ឬ​ម្ទេស​ប្លោក​ទុំ និង​សាច់​ចូល​ជា​ការ​ស្រេច៕ PR

អត្ថបទគួរចាប់អារម្មណ៍