The Phnom Penh Post Search

Search form




Logo of Phnom Penh Post newspaper Phnom Penh Post - បាយ​គ្រឿង​សមុទ្រ​ខ្ទឹម​លីង De Boat




បាយ​គ្រឿង​សមុទ្រ​ខ្ទឹម​លីង De Boat

Content image - Phnom Penh Post
បាយ​គ្រឿង​សមុទ្រ​​ខ្ទឹម​លីង មាន​ពង​មាន់​ចៀន មឹក បង្គា និង​ខ្ទឹមស​លីង​ឈ្ងុយ​។ ហុង មិនា

បាយ​គ្រឿង​សមុទ្រ​ខ្ទឹម​លីង De Boat

ភ្នំពេញ: ស្ថិត​នៅ​លើ​ផ្លូវ ២៩៤ ម្ដុំ​ផ្សារ​កាប់​គោ ភោជ​នីយ​ដ្ឋាន De Boat ទាក់​ទាញ​ក្រសែ​ភ្នែក​អ្នក​ដំណើរ​ឆ្លង​កាត់ ជាមួយ​ការ​រចនា​ហាង​មាន​ខ្សែ​ពួរ​ទូក និង​ពោង​ ហាក់​បីដូច​ជា​ទិដ្ឋ​ភាព​នៅ​ឆ្នេរ​សមុទ្រ។

មិន​ត្រឹម​តែ​នៅ​ខាង​ក្រៅ​ហាង​ប៉ុណ្ណោះ​ទេ នៅ​ខាង​ក្នុង​ក៏​មាន​តុប​តែង​នូវ​គ្រឿង​សង្ហា​រិម​ឈើ សំណាញ់ ចង្កូត​នាវា ស្អាត​ប្លែក​ភ្នែក​ម៉្យាង​ដែរ។ ទី​កន្លែង​ទទួល​ទាន​មាន​ផាសុក​ភាព​នេះ​អាច​ឲ្យ​អ្នក​មក​ទទួល​ទាន​មាន​អារម្មណ៍​ស្រាក​ស្រាន្ត​ពីការ​ងារ។

ជា​ភោជ​នីយ​ដ្ឋាន​បម្រើ​អាហារ​បែប​ថៃ ហាង De Boat ដែល​ជំនាញ​ខាង​​គុយ​ទាវ​ទូក​រសជាតិ​ដើម​បែប​ថៃ​តាំង​ពី​ឆ្នាំ ១៩៧០ ក៏​មាន​គុយ​ទាវ​ច្រើ​ន​ប្រភេទ​ចម្អិន​ដោយ​ចុងភៅ​ជនជាតិ​ថៃ​ផ្ទាល់​​ដូចជា គុយ​ទាវ​ឈាម គុយ​ទាវ​តុម​យ៉ាំ គុយទា​វ​ចំហុយ​គោក គុយ​ទាវ​ស៊ី​អ៊ីវ ផាត់ថៃ​គ្រឿង​សមុទ្រ​ពិសេស គុយទាវ​ឆា​ការី​គ្រឿង​សមុទ្រ​ និង​គុយ​ទាវ​រ៉ាត់​ណា​សាច់​ជ្រូក​ជាដើម។

ក្រៅពី​ជម្រើស​គុយទាវ​ដ៏​សម្បូរ​បែប ហាង De Boat ក៏​មាន​បម្រើ​បាយ​ឆា​ម្រះ​ព្រៅ បាយ​ខ្លាញ់​ជ្រូក​បំពង​ខ្ទឹម​ និង​ម្ទេស បាយ​ឆា​គ្រឿង​សមុទ្រ និង​បាយ​គ្រឿង​សមុទ្រ​ខ្ទឹម​លីង​ឈ្ងុយ​ សម្រាប់​អាហារ​ពេល​ថ្ងៃ។ អាហារ​នៅ​ភោជ​នីយដ្ឋាន​នេះ​មាន​តម្លៃ​ជាទូទៅ​ពី ៣,៨ ទៅ ៤ ដុល្លារ។

ចំពោះ​ភេសជ្ជៈ​វិញ De Boat មាន​លក់​នូវ​តែ​បៃតង តែ​ក្រហម​ទឹក​ដោះ​គោ​ និង​បង្ហែម​បែប​ថៃ។

ភោជ​នីយ​ដ្ឋាន De Boat ស្ថិត​នៅ​ផ្ទះ​លេខ ២៣ ផ្លូវ​លេខ ២៩៤ ទល់​មុខ The Summer Bar៕

អត្ថបទគួរចាប់អារម្មណ៍