The Phnom Penh Post Search

Search form




Logo of Phnom Penh Post newspaper Phnom Penh Post - បាយ​ដំណើប​ចំហុយត្រី​​ ម៉ាន់អ៊ី ពី​ភោជនីយដ្ឋាន Lan Pin




បាយ​ដំណើប​ចំហុយត្រី​​ ម៉ាន់អ៊ី ពី​ភោជនីយដ្ឋាន Lan Pin

Content image - Phnom Penh Post
ម្ហូបពិសេស​ប្រចាំ​ខែមីនា​នេះគឺ​បាយដំណើប​ចំហុយ​ត្រី​ម៉ាន់អ៊ី។ ឈឹម ស្រីនាង

បាយ​ដំណើប​ចំហុយត្រី​​ ម៉ាន់អ៊ី ពី​ភោជនីយដ្ឋាន Lan Pin

ភ្នំពេញ: ឈាន​ជើង​ចូលទៅ​ក្នុង​ភោជនីយដ្ឋាន Lan Pin ភ្លាម អារម្មណ៍​ដ៏កក់ក្ដៅ​ដំបូង​ដែល​ភ្ញៀវ​ទទួលបាន​គឺការ​ឱន​លំទោន​ស្វាគមន៍​របស់​រូបចម្លាក់​បុរស​ពីរនាក់​ទឹកមុខ​ញញឹម​ពព្រាយ ធ្វើឲ្យ​ភ្ញៀវ​តែងតែ​ឆ្លៀត​ថតរូប​ជាមួយ​ចម្លាក់​នោះ​ទុកជា​អនុស្សាវរីយ៍។

Content image - Phnom Penh Post

នៅ​ពីមុខ​ហាង​ក៏មាន​តាំង​លម្អ​នូវ​រូបសំណាក​សត្វសេះ​ធំមួយ​ផលិត​ពីឈើ​ចាស់ៗ ជា​ចម្លាក់​ផ្តល់​សំណាង។

Lan Pin គឺជា​ភោជនីយដ្ឋាន​ចិន​ដែល​តុបតែង​បែបចិន​សម័យ​ទំនើប រួម​ក្បាច់រចនា​បុរាណ​នៅតាម​បង្អួច។ តុមូល​ធំៗ​សម្រាប់​គ្រួសារ​សមាជិក​ច្រើន និងមាន​បន្ទប់​ឯកជន​ធំទូលាយ​សម្រាប់​ភ្ញៀវ​ត្រូវការ​ភាពស្ងប់ស្ងាត់។

ភោជនីយដ្ឋាន​នេះមាន​បម្រើ​នូវ​មុខម្ហូប​បែប​អាស៊ី​ដូចជា ចិន តៃវ៉ាន់ និង​ខ្មែរ​ផងដែរ។ ប៉ុន្តែ​ភាគច្រើន​គឺ​ផ្តោតទៅលើ​ម្ហូប​ចិន សា្នដៃ​មេចុងភៅ​ដ៏ចំណាន​ផ្សំ​គ្រឿង​ពីឱសថ​រុក្ខជាតិ​បុរាណ​ចិន និង​គ្រឿង​ជំនួយ​សុខភាព​ជាច្រើន​ទៀត។

ម្ហូប​ពិសេស​ប្រចាំ​ខែមីនា​នេះគឺ​បាយដំណើប​ចំហុយត្រី​ម៉ានអ៊ី និងស្ពៃ​ពួយឡេង ឡោម​សាច់​ក្តាម។

ចំពោះ​បាយ​ដំណើប​ចំហុយត្រី​ម៉ាន់អ៊ី គឺជា​មុខម្ហូប​ចិនតៃវ៉ាន់ ដែលគេ​ពេញនិយម​ញ៉ាំ​ជុំគ្នា​លក្ខណៈ​មិត្តភក្ដិ និង​ក្រុមគ្រួសារ​ជាដើម គឺអាច​ញ៉ាំបាន​គ្នា ៧ នាក់។

ក្រៅ​ពីនេះ Lan Pin ក៏មាន​បម្រើ​ជូន​អាហារ​ពេលព្រឹក​ទៅតាម​ខែដែរ ដោយខែ​នីមួយៗ​គឺមាន​ម្ហូបខុសៗគ្នា ដូចជា​បាយ​មាន់ស្ងោរ បាយ​ឡុកឡាក់ និងម្ហូប​ច្រើនមុខ​ទៀត ក្នុងមួយ​ចាន​តម្លៃ​ត្រឹមតែ ៤ ដុល្លារ​ប៉ុណ្ណោះ។

Lan Pin ស្ថិតនៅក្នុង​សណ្ឋាគា​រតាយ​ម៉េង ផ្លូវ ព្រះនរោ​ត្ដម ទូរស័ព្ទ​លេខ ០៧៧ ២២១១៩៥៕

Content image - Phnom Penh Post
ភោជនីយដ្ឋានចិន Lan Pin។ រូបថត ឈឹម ស្រីនាង

អត្ថបទគួរចាប់អារម្មណ៍