The Phnom Penh Post Search

Search form




Logo of Phnom Penh Post newspaper Phnom Penh Post - បាយ​ដំណើប​ស្នូល​សាច់គោ​បំពង​ស្រួយ​ ឈ្ងុយ​ស្លឹក​ខ្ទឹម​ពីហាង​កាហ្វេដី




បាយ​ដំណើប​ស្នូល​សាច់គោ​បំពង​ស្រួយ​ ឈ្ងុយ​ស្លឹក​ខ្ទឹម​ពីហាង​កាហ្វេដី

Content image - Phnom Penh Post
បាយដំណើប​ស្នូល​សាច់គោ​បំពង​ពីហាង​កាហ្វេដី​។ ហេង ជីវ័ន

បាយ​ដំណើប​ស្នូល​សាច់គោ​បំពង​ស្រួយ​ ឈ្ងុយ​ស្លឹក​ខ្ទឹម​ពីហាង​កាហ្វេដី

ភ្នំពេញ: ភោជនីយដ្ឋាន «កាហ្វេដី» មាន​ជំនាញ​ក្នុងការ​ចម្អិន​មាន់​ច្នៃ​ជាម្ហូប​ខុសៗគ្នា​បានជា​ច្រើន​មុខ ដូចជា​មាន់​ដុត​ក្នុង​ពាង ដែល​ជាម្ហូប​មានការ​ពេញនិយម​ខ្លាំង​រហូតដល់​ភ្ញៀវ​ត្រូវ​អង្គុយចាំ​យ៉ាង​តិច ២០ នាទី។

ក្នុង​មួយថ្ងៃ ហាង​កាហ្វេដី​មាន​ការ​កំណត់​ការលក់​មាន់​គឺ​ចន្លោះ​ពី ៦០ ទៅ ៨០ ក្បាល ដើម្បី​ចង់​ពង្រឹង​រសជាតិ និង​គុណភាព​ឲ្យ​បានល្អ។

ទោះ​បីជា​មានការ​លក់ដាច់​ខ្លាំង​យ៉ាងណា ចំពោះមុខ​ម្ហូប​ប្រភេទ​មាន់​និង​ត្រីដុត​នេះគឺ​នៅតែ​មាន​រសជាតិ​ឆ្ងាញ់ មិន​ប្រែប្រួល ឬថយ​គុណភាព​នោះទេ ខណៈ​ភ្ញៀវ​កុម្ម៉ង់​ត្រូវ​អត់ធ្មត់​ចាំ​បន្តិច​ដែរ ព្រោះ​ការចម្អិន​ទាមទារ​ពេល​វេលា​ទើប​វា​ឆ្អិន​ល្អ។

យ៉ាងណា​ដើម្បី​កំដរ​មាត់​ភ្ញៀវ​ក្នុង​អំឡុង​ពេល​រង់ចាំ​ញ៉ាំ​មាន់ និង​ត្រីដុត​ទាំង​នេះ ហាង​កាហ្វេដី ក៏បាន​បង្កើត​ចំណី​សម្រន់​ប្លែកៗ​ជាច្រើន។

សប្តាហ៍​នេះ​កាហ្វេដី​បាន​បង្ហាញ​មុខម្ហូប​មួយ​ប្រភេទ​ទៀត ដែល​មើល​មួយ​ភ្លែត​អាច​ច្រលំ​ថា​ជា​នំគ្រក់។ នេះ​គឺជា​បាយ​ដំណើប​ស្នូល​សាច់គោ​បំពង ដែល​អាច​ទទួល​ទាន​ជាអាហារ​សម្រន់ ឬញ៉ាំ​ជំនួស​បាយ​ក៏បាន។

ចុងភៅ​បាន​យក​សាច់គោ​ប្រឡាក់​គ្រឿង​លាយ​ស្លឹក​ខ្ទឹម​ចិញ្ច្រាំ មករុំ​ខ្ចប់​ជាមួយ​បាយ​ដំណើប​ចំហុយ រួច​យក​វាមក​បំពង​នៅក្នុង​ប្រេងឆា​ក្ដៅ​ខ្លាំង​ធ្វើឲ្យ​បាយ​ដំណើប​ស្រួយ​ឆ្ងាញ់។

កាហ្វេដី​ក៏មាន​មុខម្ហូប​ថ្មី​មួយ​ទៀត​គឺ​ពពែ​អាំង និង​ស្រា​ក្រឡុក​ផ្លែ​ឈើ។

កាហ្វេដី ស្ថិតនៅ​ផ្ទះ​លេខ ២០ ផ្លូវ ៥៩០ ទូរស័ព្ទ លេខ ០៧៧ ៨៥ ៩៩ ៥៩ និង ០១៥ ៨៥ ៩៩ ៥៩៕

អត្ថបទគួរចាប់អារម្មណ៍