The Phnom Penh Post Search

Search form

Logo of Phnom Penh Post newspaper Phnom Penh Post - បាយ​បង្គា​ប្រហុក​ខ្ទិះ​ពី​ហាង អ៊ុយ គុយទាវ




បាយ​បង្គា​ប្រហុក​ខ្ទិះ​ពី​ហាង អ៊ុយ គុយទាវ

Content image - Phnom Penh Post
បាយ​បង្គា​ប្រហុកខ្ទិះ​​ រសជាតិបែប​ខ្មែរ​មាន​ក្លិន​ឈ្ងុយ អម​ជាមួយ​បន្លែ​អន្លក់​​​​។ រូបថត ឈឹម ស្រីនាង​

បាយ​បង្គា​ប្រហុក​ខ្ទិះ​ពី​ហាង អ៊ុយ គុយទាវ

ភ្នំពេញ: ស្ថិត​នៅ​ផ្សារ​ទំនើប​ អ៊ីអន ​ម៉ល ​អ៊ុយ ​គុយទាវ​ (Uy Kuyteav)​ មាន​​បម្រើ​នូវ​ម្ហូប​ជា​ឈុត​ដូច​ជា​ឈុត​បាយ​ប្រហុក​ខ្ទិះ​ សាច់​គោ​ឆា​ម្រេច​ គុយ​ទាវ​ខ​គោ ​គុយ​ទាវ​ចៀន​បន្ទះ​ដែក​ មី​គាវ​គ្រឿង​សមុទ្រ និង​បង្អែម​ខ្មែរ​ជា​ច្រើន​មុខ។

ក្នុង​ចំណោម​ម្ហូប​ទាំង​នោះ​ភោជនីយដា្ឋន អ៊ុយ ​គុយ​ទាវ​ បាន​បង្ហាញ​ពី​របៀប​ធ្វើ​ប្រហុក​ខ្ទិះ​បង្គា​ងាយៗ​ដោយ​មាន​គ្រឿង​ផ្សំ​សម្រាប់​ធ្វើ​​ដូច​ជា សាច់​ជ្រូក​បី​ជាន់​ បង្គា ​ខ្ទិះ​ដូង ​ស្ករ​ត្នោត​ គ្រឿង​បុក​ (គល់​ស្លឹក​គ្រៃ រំដេង រមៀត ស្លឹក​ក្រូចសើច និង​ខ្ទឹមស​បុក​ចូល​គ្នា​ឲ្យ​ម៉ដ្ឋ) ប្រហុក ​ខ្ទឹម​ក្រហម​បំពង ​ម្ទេស​ប្លោក​ក្រហម​ ត្រប់​ពុត​លំញង។ រីឯ​អន្លក់​មាន​​ត្រសក់ ត្រប់​ស្រួយ ​និង​សណ្តែក​កួរ។

របៀប​ធ្វើ​ គឺ​មុន​ដំបូង​ ត្រាំ​ម្ទេស​ជាមួយ​ទឹក​ក្តៅ​ឲ្យ​រីក​សិន​សឹម​យក​មក​ចិញ្ច្រាំ​បុក​គ្រឿង​ឲ្យ​ម៉ដ្ឋ។ រីឯ ​សាច់​ជ្រូក​បី​ជាន់​ក៏​ចិញ្ច្រាំ​ដែរ។

បន្ទាប់​មក​យក​ខ្ទិះ​ខាប់ (ដើមទឹក) ​ដាក់​កូរ​ជា​មួយ​ម្ទេស​ចិញ្ច្រាំ​ ខ្ទឹម​ស ដែល​ចិញ្ច្រាំ​រួច ហើយ​យក​ទៅ​លីង​ឲ្យ​ឡើង​ក្លិន​ឈ្ងុយ​ទើប​ដាក់​គ្រឿង​បុក​ និង​ប្រហុក​ចិញ្រ្ចាំ​ចូល កូរ​វា​ឲ្យ​ចូល​ជាតិ​គ្នា​សឹម​ចាក់​សាច់​ជ្រូក​ចិញ្រ្ចាំ​​ចូល​លីង​ជាមួយ​គ្នា​ ដោយ​បន្ថែម​អំបិល​ ម្សៅ​ស៊ុប ​ស្ករ​ត្នោត ​ត្រប់​ពត់​លំញង ​និង​​ប្រហុក​បន្តិច រួច​រម្ងាស់​ឲ្យ​ពុះ​​សឹម​ដាក់​បង្គា​ចូល​ជា​ការ​ស្រេច។

បាយ​បង្គា​ប្រហុក​ខ្ទិះ​​នេះ​មាន​តម្លៃ​ ៣,២០ ដុល្លារ​ក្នុងមួយ​ចាន​នៅ​ហាង អ៊ុយ គុយទាវ៕

អត្ថបទគួរចាប់អារម្មណ៍