.jpg)
បាយផាក់ឡូវមានទាំងពងទាខ ទឹកស៊ុប ជ្រក់ និងទឹកជ្រលក់ដ៏ឈ្ងុយឆ្ងាញ់។
ភ្នំពេញ: បន្ទាប់ពីល្បី បាយមាន់ស្រែ ខ្ចប់ស្លឹកឈូក តាមអនឡាញ និងមានការពេញនិយមកុម្ម៉ង់ច្រើន ម្ចាស់បាយមាន់ស្រែ បានសម្រេចចិត្តបើកជាហាង និងបានបន្ថែមអាហារមួយមុខទៀតគឺបាយផាក់ឡូវ។
ដោយដាក់លក់មិនទាន់បានប៉ុន្មានផង បាយផាក់ឡូវ ក៏មានការពេញនិយមមិនចាញ់ បាយមាន់ស្រែប៉ុន្មានទេ។ ការវេចខ្ចប់បាយផាក់ឡូវ ក៏មិនខុសពីការវេចខ្ចប់របស់បាយមាន់ស្រែដែរ ដោយសារតែម្ចាស់ហាងនៅតែប្រកាន់ខ្ជាប់នូវគំនិតរបស់ខ្លួនគឺប្រើប្រាស់កញ្ច្រែងធ្វើដោយខ្មែរយើងមកដាក់ជំនួសចានវិញ។
ភាពច្នៃប្រឌិតខុសប្លែកពីគេនេះ បានរួមចំណែកក្នុងការទាក់ទាញភ្ញៀវចូលញ៉ាំច្រើន ហើយណាមួយជួយលើកតម្កើងប្រជាជនខ្មែរគាត់នៅបន្តធ្វើកញ្ច្រែងនេះលក់ទៅមុខទៀត។
បាយផាក់ឡូវដាក់ពីលើស្លឹកឈូកទ្រាប់កញ្ច្រែងនេះ មានតម្លៃត្រឹមតែ ១២០០០ រៀលប៉ុណ្ណោះគឺបរិមាណបាយច្រើនល្មមឆ្អែតតែម្តង។
អតិថិជនចងញ៉ាំបាយក្តៅៗ និងមានជម្រើសច្រើន គួរតែទៅម៉ោង ៧ ព្រឹក ទើបងាយស្រួលមិនបាច់រង់ចាំយូរ។
បើអតិថិជនដែលធ្លាប់កុម្ម៉ង់ បាយមាន់ស្រែ ខ្ចប់ស្លឹកឈូក តាមអនឡាញ ហើយចង់ប្តូរបរិយាកាសមកញ៉ាំនៅហាងផ្ទាល់ គឺអាចអញ្ជើញទៅហាងដែលស្ថិតនៅលើផ្លូវ ២៥៣ សង្កាត់ទឹកល្អក់ ៣ ចូលតាមការ៉ាស់សាំងកាល់តិច ម៉ុងឌីយ៉ាល់ ប្រហែល ១៥០ ម៉ែត្រ ហើយបន្តបត់ស្ដាំប្រហែល ៣០ ម៉ែត្រ នៅខាងស្ដាំដៃ។ ទាក់ទងតាមទូរស័ព្ទលេខ ០៦៩ ២៥៧៥៥៤៕
