The Phnom Penh Post Search

Search form




Logo of Phnom Penh Post newspaper Phnom Penh Post - បាយ​លីង​ផ្ទះ​លូ អ្នក​បាន​ញ៉ាំ​ហើយ​សុទ្ធតែ​លាន់​មាត់​ថា​ឆ្ងាញ់




បាយ​លីង​ផ្ទះ​លូ អ្នក​បាន​ញ៉ាំ​ហើយ​សុទ្ធតែ​លាន់​មាត់​ថា​ឆ្ងាញ់

Content image - Phnom Penh Post
បាយ​លីង​ផ្ទះលូ ជ្រលក់​ទឹក​តៅហ៊ូ ១ ចាន​តម្លៃ ១ ម៉ឺន​រៀល​។ ហុង មិនា

បាយ​លីង​ផ្ទះ​លូ អ្នក​បាន​ញ៉ាំ​ហើយ​សុទ្ធតែ​លាន់​មាត់​ថា​ឆ្ងាញ់

ភ្នំពេញ: រសជាតិ​ឆ្ងាញ់​ប្លែក និង​ឈ្មោះ​ហាង​ចម្លែក បាន​ធ្វើឲ្យ​ហាង «ជើង​មាន់​ផ្ទះ​លូ» ល្បី​ពីមាត់​មួយ​ទៅ​មាត់​មួយ ពិសេស​យុវវ័យ​តែម្ដង។

ថ្វីដ្បិតតែ​ហាង​មាន​ឈ្មោះ​ថា «ជើង​មាន់​ផ្ទះ​លូ» ប៉ុន្តែ​ជម្រើស​មុខម្ហូប​មិនមែន​មានតែ​ជើងមាន់​នោះ​ទេ។

ក្រៅពី​ប្រភេទ​ជើងមាន់ ហាង​ជើង​មាន់​ផ្ទះ​លូ ក៏មាន​បាយ​លីង​រមៀត និង​បាយ​លីង​ផ្ទះលូ រសជាតិ​ឈ្ងុយ អមដោយ​សាច់ជ្រូក​ប្រឡាក់​រោយល្ង បន្លែ​ផ្កា​ខាត់ណា​បៃតង​ប្រូខូលី ពងមាន់​ចៀន សរសៃ​ការ៉ុត និង​ទឹក​តៅហ៊ូ។

លោក ជា ពិសី ម្ចាស់​ហាង​ជើង​មាន់ផ្ទះ​លូ បាន​និយាយ​ទាំង​ទឹកមុខ​ញញឹម​ថា៖ «ខ្ញុំចង់​ធ្វើអ្វី​ឲ្យ​ប្លែក​ពីគេ ហើយ​បែប​ខ្មែរ​តែម្តង ជាមួយ​នឹង​រូបភាព​ការតុបតែង​ហាង​ឲ្យ​ស្អាត​ប្លែក​ពីគេ ជាពិសេស​គឺមិន​ចម្លង​ពី​ប្រទេស​ដទៃ»។

ការច្នៃ​រូបមន្ត​បាយ​លីង​នេះ​ត្រូវ​បាន​ម្ចាស់​ហាង​លើក​ឡើង​ថា៖ «សម្រាប់​បាយ​ហ្នឹង​គឺយើង​ច្នៃ​ឡើង​ដើម្បី​ឲ្យវា​ក្លាយជា​បាយ​ប្រចាំ​ហាង​ផង និង​បាយ​ប្រចាំ​ប្រទេស​យើង​ផង ព្រោះ​ចង់​យក​បាយ​ហ្នឹង​ទៅ​ចូលរួម​តាំង​ពិព័រណ៍​ម្ហូប​នានា នៅ​ថ្ងៃ​អនាគត»។

បាយ​លីង​ផ្ទះលូ និង​បាយ​លីង​រមៀត​នេះ​ក៏ត្រូវ​បាន​លោក ជា ពិសី នាំយក​ទៅ​បង្ហាញ​នូវ​កម្មវិធី​ពិព័រណ៍​ម្ហូប​ឯស្តាត​អូឡាំពិក​កាលពី​ថ្មីៗ​នេះ​ផងដែរ ដោយ​មាន​ការគាំទ្រ​ច្រើន​ពីភ្ញៀវ។

ចំពោះ​តម្លៃ​វិញ ជើង​មាន់​មួយ​ប្រអប់ បាយ​លីង​រមៀត និង​បាយ​លីង​ផ្ទះ​លូ ១ ប្រអប់​តម្លៃ ១ ម៉ឺនរៀល​ដូចគ្នា។

ជើងមាន់​ផ្ទះលូ ស្ថិត​នៅ​ផ្លូវ ៩៥ សង្កាត់​បឹងត្របែក ខណ្ឌចំការមន ទូរស័ព្ទ​លេខ ០៨១៣៣៨ ៦៦៨៕

អត្ថបទគួរចាប់អារម្មណ៍