The Phnom Penh Post Search

Search form

Logo of Phnom Penh Post newspaper Phnom Penh Post - បាយសាច់គោ​ជាប់ខ្លាញ់​ ផុយ​ឆ្ងាញ់​ ឆាម្រេចខ្ចី​ពី​ហាង​អ៊ុយគុយទាវ​




បាយសាច់គោ​ជាប់ខ្លាញ់​ ផុយ​ឆ្ងាញ់​ ឆាម្រេចខ្ចី​ពី​ហាង​អ៊ុយគុយទាវ​

Content image - Phnom Penh Post
បាយ​សាច់គោ​ខ្មែរ​ឆា​ម្រេចខ្ចី នៅ​ភោជនីយដ្ឋាន អ៊ុយគុយទាវ ផ្សារទំនើប​អ៊ីអនម៉ល​។ ឈឹម ស្រីនាង

បាយសាច់គោ​ជាប់ខ្លាញ់​ ផុយ​ឆ្ងាញ់​ ឆាម្រេចខ្ចី​ពី​ហាង​អ៊ុយគុយទាវ​

ភ្នំពេញ: ស្ថិតនៅផ្សារ​ទំនើប​អ៊ីអន​ម៉ល ​អ៊ុយ គុយ​ទាវ នៅ​តាមច្រកចូល ​A-Sweet Zone ជាន់ផ្ទាល់​ដី នៅខាងឆ្វេង​ដៃ យើង​នឹង​ឃើញ​សភាព​មមាញឹក​របស់​បុគ្គលិក​ភោជនីយដ្ឋាន អ៊ុយ គុយទាវ (Uy Kuyteav)។

ក្រៅ​ពី​ល្បី​មាន​គុយទាវ​ឆ្ងាញ់រសជាតិ​ដើម​ហើយ​នោះ​គឺ​ថែមទាំង​មាន​បាយសាច់​គោ​ខ្មែរ​ឆា​ម្រេចខ្ចី​ ដែល​មានរស​ជាតិឆ្ងាញ់​ប្លែក​ ដោយ​ការ​ប្រើ​គ្រឿង​ផ្សំ​មានស្រាប់​នៅក្នុងស្រុក។​

សាច់​គោ​ត្រូវ​បានរើសយក​សាច់​ល្អ​ ហើយ​ផុយជាប់ខ្លាញ់​តិចៗ​ ដែល​គេ​ប្រឡាក់​ជា​មួយនឹងទឹក​ជ្រលក់​ ហើយ​ដុតរយៈ​ពេល​ពីរម៉ោង​ដើម្បី​ធ្វើ​ឲ្យ​សាច់និង​ទឹក​ជ្រលក់​រលាយជាតិ​ចូលគ្នា​សព្វ​។

ក្រោយពីដុត​រួច​ត្រូវឆា​ជាមួយ​ម្រេចខ្ចី ​ខ្ទឹម​ក្រហមបំពង និង​បន្ថែម​ជ្រក់​បន្តិច ដាក់​លើ​បន្ទះដែក។

ក្រៅពីនេះ​នៅ​ភោជនីយដ្ឋាន​ អ៊ុយ​គុយទាវ ក៏​ល្បី​ឈុតបាយ​ប្រហុកខ្ទិះ​ បង្អែម​ខ្មែរ​ជា​ច្រើន​មុខ គុយទាវ​ភ្នំពេញ​ពិសេសជា​អាហារ​ប្រចាំ​ហាង​ ​គុយទាវ​គ្រឿងសមុទ្រ​ គុយ​ទាវ​ខគោ ​គុយទាវ​ចៀន​បន្ទះ​ដែក មី​គាវ​គ្រឿងសមុទ្ធ ​សុទ្ធ​សឹង​តែ​មាន​រស​ជាតិ​តម្រូវ​រសនិយម​របស់​ខ្មែរ។

គុយទាវ​ចាន​តូចមានតម្លៃ​ចាប់​ពី ២,៥០ ​ដល់ ​៣,៥០ ​ដុល្លារ​ ចាន​ធំ​គឺ ​៣,៥០ ដល់ ​៤ ដុល្លារ​ សាច់​គោខ្មែរឆាម្រេច​ខ្ចី​ ៣,៥០​ ដុល្លារ​ និង​បាយ​ប្រហុកខ្ទិះ ៣,២០ ដុល្លារ៕

អត្ថបទគួរចាប់អារម្មណ៍