The Phnom Penh Post Search

Search form




Logo of Phnom Penh Post newspaper Phnom Penh Post - បាយ​សាច់​ផាក់​ឡូវ​ឆ្ងាញ់​ ពី​អា​ហារ​ដ្ឋាន​ម៉ៅ​សេទុង




បាយ​សាច់​ផាក់​ឡូវ​ឆ្ងាញ់​ ពី​អា​ហារ​ដ្ឋាន​ម៉ៅ​សេទុង

Content image - Phnom Penh Post
បាយ​សាច់​ផាក់ឡូវ​មាន​សាច់​ត្រចៀក អណ្ដាត និង​ក្រពះ​ជ្រូក។ ឈឹម ស្រីនាង

បាយ​សាច់​ផាក់​ឡូវ​ឆ្ងាញ់​ ពី​អា​ហារ​ដ្ឋាន​ម៉ៅ​សេទុង

ភ្នំពេញ: អាហា​រដ្ឋា​ន ម៉ៅ​សេទុង ដែលជា​ហាង​សម្បូរ​ទៅ​ដោយ​ម្ហូប​ប្លែកៗ​ឆ្ងាញ់ និង​មាន​តម្លៃ​សមរម្យ​សម្រាប់់​អ្នក​ដែល​ចង់​បរិភោគ​អាហារ​សាមញ្ញ​បែប​ខ្មែរ ថៃ គឺនៅ​អាហា​រដ្ឋាន ម៉ៅ​សេទុង​ មាន​បម្រើ​ជូន​ជាច្រើន​មុខ​ទាំង​បី​ពេល​តែ​ម្តង។

កាល​ពី​សប្តាហ៍​មុន​យើង​បាន​បង្ហាញ​ពី​គុយ​ទាវ​ទូក​ពិសេស​ប្រចាំ​ហាង​ដល់​ប្រិយមិត្ត​បាន​ដឹង ហើយ​ចង់​មក​ភ្លក្ស​នូវរ​សជាតិ​នេះ​ម្តង​ទៀត​ គឺ​ សាច់​គុយ​ទាវ​ច្រើន​ជាង​មុនដែល​ធ្វើ​ឲ្យ​អតិ​ថិជន​ញ៉ាំ​តែ​មួយ​ចាន​ធំ​នេះ ឆ្អែត​តែម្តង។

ដោយ​ឡែក​នៅ​ក្នុង​សប្តាហ៍​​នេះ អាហា​រដ្ឋាន​នេះ​បង្ហាញ​ពី​អាហារ​ពេលព្រឹក​ពិសេស​តែម្តង ដែល​ភ្ញៀវ​ភាគ ច្រើន​ចូលចិត្ត​ញ៉ាំ​គឺ​បាយ​សាច់​ផាក់​ឡូវ ចម្រុះ មាន​សាច់​ត្រចៀក ជ្រូក ពោះ វៀន សាច់​សុទ្ធ​ស្រូប​ទឹក​ខ្ទឹម​លាយ​ជាមួយ ជីវ៉ាន់​ស៊ុយ ជ្រក់​និង​ទឹក ត្រី​ពិសេស​ប្រចាំ​ហាង​តែ ម្តង។

រឹត​តែ​ឆ្ងាញ់​គឺ​ភ្ញៀវ​អាច​ទទួល​ទាន​ជាមួយ​ទឹក​សណ្ដែក​ស​លាយ​ចាហួយ​ខ្មៅ​រស​ជាតិ​ឆ្ងាញ់ ដែលជា​ស្នាដៃ​ធ្វើ​ផ្ទាល់ពី​ហាង​នេះ​ផង​ដែរ។ បាយ​ស្រូប​សាច់​ផាក់​ឡូ​វនេះ​មាន​តម្លៃ ១០០០០ រៀល។ នៅពេល​ព្រឹក​ក្រៅពី​មាន​បាយ​សាច់​ផាក់​ឡូវ អាហារ​ដ្ឋាន​ក៏​មាន​បាយ​មាន់​អាំង គុយ​ទាវ​ទូក មី​គាវ និង​អាហារ​ជាច្រើន​មុខ​ទៀត។

នៅ​ពេល​រសៀល​បន្តិច អាហារ​ដ្ឋាន ម៉ៅ​សេទុង ​មាន​លក់​គាវ​បំពង ប្រហិត​អាំង ប្រហិត​ត្រី​បំពង និង​ប្រហិត​ត្រី​ឈីង​ចាំង ១ ប្រអប់​តម្លៃ ១ ម៉ឺន​រៀល។ រីឯ​ពេល​ថ្ងៃ​ត្រង់​មាន​បម្រើ​នូវ​អាហារ​ចម្អិន​ស្រាប់​ដូច​ជា ខ​ជើង​ជ្រូក ត្រី​ប្រមា​ចំហុយ​ពង​ទា ត្រី​ចៀន​ជួន សម្ល​កកូរ និង​ទឹក​គ្រឿង​ជាដើម សម្រាប់​សិស្ស​និស្សិត និង​បុគ្គលិក​បម្រើ​ការ​ក្បែរៗ​នោះ​ទទួល​ទាន​ជា​មួយ​បាយ។

អាហា​រដ្ឋា​ន ម៉ៅ​សេទុង ស្ថិត​នៅ​ផ្ទះ​លេខ ២៣៦ មហា​វិថី​ម៉ៅ​សេទុង ជាប់​ធនាគារ May Bank៕​

អត្ថបទគួរចាប់អារម្មណ៍