The Phnom Penh Post Search

Search form

បាយ​អង្ករសំរូប​ ផ្ទាប់ត្រី​អណ្ដែង​ស្រែ​អាំង​ក្ដឹប​អម្ពិល​បុក​ ពី​ផ្ទះ​ម៉ែឡន

Content image - Phnom Penh Post
បាយអង្ករ​សំរូប​ទ្រាប់​ស្លឹកចេក​ឈ្ងុយ ជាមួយ​ត្រី​ស្រែ​អាំង​។ ហុង មិនា

បាយ​អង្ករសំរូប​ ផ្ទាប់ត្រី​អណ្ដែង​ស្រែ​អាំង​ក្ដឹប​អម្ពិល​បុក​ ពី​ផ្ទះ​ម៉ែឡន

ភ្នំពេញ: ជាមួយ​នឹង​ទេសភាព​វាលស្រែ​បៃតង​នា​រដូវភ្លៀង​ធ្លាក់ ផ្ទះ​ម៉ែឡន​មិន​ត្រឹមតែ​ជា​កន្លែង​ញ៉ាំ​អាហារ​លម្ហែកាយ​ប៉ុណ្ណោះ​ទេ ទីនេះ​ក៏​បម្រើ​ម្ហូប​បែប​ស្រុក​ស្រែ​ពិតៗ​ដល់​ភ្ញៀវទេសចរ ដែល​មក​លេង​ទឹកដី​ខេត្ត​សៀមរាប​ផងដែរ។

ក្យូស​ប្រក់ស្បូវ​បី​បួន ហ៊ុមព័ទ្ធ​ដោយ​កម្រាល​ព្រំ​បៃតង សំណាប​ដុះ​ពណ៌​ខៀវខ្ចី ហើយ​ខ្យល់​អាកាស​ក៏​ត្រជាក់​បរិសុទ្ធ។ ផ្ទះ​ម៉ែឡន ជា​កន្លែង​ដែល​ប្រជាជន​ខេត្ត​សៀមរាប និង​អ្នក​ទីក្រុង​ច្រើន​តែ​ទៅ​អង្គុយលេង​ស្រូប​ខ្យល់​អាកាស​ជនបទ និង​ញ៉ាំ​ម្ហូប​ស្រុកស្រែ​ជា​ស្នាដៃ​របស់​ម៉ែឡន ដែល​ល្បី​ខាង​ធ្វើ​ទឹកគ្រឿង​ឆ្ងាញ់ មាន់​កាប់ ៣ កាំបិត និង​ម្ហូប​ស្រុក​ស្រែ​ជាច្រើន​ទៀត។

លោក ចាន់ សុភា ជាម្ចាស់​ក្យូស និង​ជា​កូន​របស់​ម៉ែឡន បាន​រៀបរាប់​ថា៖ «មុន​ដំបូង​ឡើយ គឺ​នៅ​ពេល​ដែល​មក​លេង​ផ្ទះ​ម៉ែ​ខ្ញុំ គឺ​ចេះតែ​កាប់​មាន់​ស្ងោរ​ជ្រក់ ធ្វើ​ទឹកគ្រឿង ចាប់​ត្រី​ក្នុង​ស្រែ​យក​មក​អាំង​ញ៉ាំ​ជាមួយ​អម្ពិល​បុក នៅ​ក្នុង​ខ្ទម​ក្បែរ​ស្រែ​នៅ​ជិត​ផ្ទះម៉ែ​តែម្តង ហើយ​បន្ទាប់​មក​ទៀត ចេះ​តែមាន​គំនិត​ថា​ប្រសិន​ជា​បន្ថែម​ក្យូស​ថែម​ទៀត បើក​ជា​កន្លែង​អង្គុយ​កម្សាន្ត​តាម​បែប​ស្រុកស្រែ​គឺ​ប្រជាជន​ខ្មែរ​យើង​នឹង​ចូលចិត្ត​បរិយាកាស​បែបនេះ»។

ដូចជា​ក្នុង​រូបភាព​នេះ ត្រី​អណ្ដែង​ត្រូវបាន​ចាប់​ពី​ស្រែ​មក​អាំង ផ្ទាប់​ជាមួយ​ក្ដិប​អម្ពិល​ដែល​បេះបោច​ក្នុង​ដីចម្ការ​ក្បែរ​នោះ។ ម្ហូប​ស្រែ​ឆ្ងាញ់ ញ៉ាំ​ជាមួយ​បាយ​អង្ករ​សំរូប ដែល​សម្បូរ​ដោយ​ជីវជាតិ​ល្អ​ទ្រទ្រង់​សុខភាព​ផងដែរ។

ផ្ទះម៉ែឡន ចំណាយ​ពេល​ជិះ​ពី​ក្រុង​សៀមរាប​តែ ១៥ នាទី និង​មាន​ទូរស័ព្ទ​លេខ ០១៧ ២៥៧ ៧៥៥៕

អត្ថបទគួរចាប់អារម្មណ៍

  • សណ្ឋាគារ​ប្រណីត​នៅ​កោះរ៉ុង បើក​ជា​ផ្លូវការ

    ភ្នំពេញៈ សណ្ឋាគារ​ដ៏ប្រណីត Royal Sands នៅលើ​កោះរ៉ុង​របស់​លោក គិត ម៉េង បាន​បើក​ដំណើរការ​ជា​ផ្លូវការ​កាលពី​ថ្ងៃ​ម្សិលមិញ ដែល​គេ​រំពឹង​ថា​នឹង​ទាក់ទាញ​ភ្ញៀវទេសចរ​កាន់តែ​ច្រើន​។

  • ដំរី​ដែល​ចូល​ចម្ការ​អ្នក​ភូមិ​បាន​គេច​ទៅ​ភ្នំ​ដងរែក

    ឧត្តរមានជ័យៈ ក្រុម​មន្ត្រី​បាន​និយាយ​ថា​សត្វ​ដំរី​ញី​មួយ​ក្បាល​ដែល​បាន​ចូល​លុកលុយ​ក្នុង​ចម្ការ​អ្នកភូមិ​រំដួល​ចាស់ ឃុំ​អម្ពិល ស្រុក​បន្ទាយ​អម្ពិល ខេត្ត​ឧត្តរមានជ័យ​កាលពី​ព្រឹក​ថ្ងៃ​អាទិត្យ​នោះ​បាន​គេច​ខ្លួន​ចូល​ទៅ​ក្នុង​តំបន់​ជួរ​ភ្នំ​ដងរែក​វិញ​ហើយ ខណៈ​ដែល​ក្រុម​មន្ត្រី​ជំនាញ​បរិស្ថាន និង​អាជ្ញាធរ​កំពុង​បន្ត​ឃ្លាំ​មើល​ពី​ដំណើរ​របស់​វា​។

  • ព្រះមហាក្សត្រ​អំពាវនាវ​ឲ្យ​ធានា​ការពារ​យុត្តិធម៌​ និង គោរព​សិទ្ធិ​មនុស្ស

    ភ្នំពេញៈ ក្រោយពី​ឈ្នះ​អាសនៈ​ទាំង​ ៥៨ ដោយ​មិន​មាន​អតីត​បក្ស​សង្គ្រោះ​ជាតិ​ដែល​ជា​គូប្រកួត​ដ៏ស័ក្តិសម​នឹង​គ្នា​សម្រាប់​ការបោះឆ្នោត​ព្រឹទ្ធសភា​ពី​ខែ​កុម្ភៈ គណបក្ស​កាន់​អំណាច​ដែល​ទទួល​ជ័យជម្នះ​បាន​បន្ត​គ្រប់គ្រង​ស្ថាប័ន​នីតិប្បញ្ញត្តិ​ជាថ្មី​ដោយ​បើក​សម័យប្រជុំ​លើក​ដំបូង នីតិកាល​ទី​ ៤ ​នៃ​ព្រឹទ្ធសភា​ពី​ម្សិលមិញ​ក្រោម​ព្រះរាជាធិបតីភាព​ព្រះមហាក្សត្រ​ព្រះបាទ​សម្តេច​ព្រះនរោត្តម សីហមុនី ដែល​ព្រះអង្គ​អំពាវនាវ​ឲ្យ​មាន​ការធានា​ការពារ​យុត្តិធម៌ និង​គោរព​សិទ្ធិ​មនុស្ស និង​រួម​សាមគ្គី​គ្នា​ជា​ធ្លុង​មួយ​។

  • នាយក​រដ្ឋមន្ត្រី​បញ្ជា​ឲ្យ​ដកហូត​កោះ​ ៣០ ​មក​វិញ និង​ឲ្យ​ពិនិត្យ​អ្នក​នៅ​ពី​ក្រោយ​ការទន្ទ្រាន​យក​ដី

    ព្រះសីហនុៈ លោក​នាយករដ្ឋមន្ត្រី ហ៊ុន សែន បាន​បញ្ជា​ឲ្យ​ដកហូត​កោះ​ដែល​មិន​បាន​អភិវឌ្ឍ​ប្រមាណ​ ៣០ ​មក​វិញ​ ខណៈ​អត្តសញ្ញាណ​របស់​ម្ចាស់​ក្បាល​ដី​ចំនួន​ ៥៨៤ ​ដែល​មាន​ទាំង​មន្ត្រី​មាន​អំណាច​កំពុង​ត្រូវបាន​ពិនិត្យ​រឿង​នៅ​ពី​ក្រោយ​ខ្នង​ការកាប់​ទន្ទ្រាន​យក​ដី​ដ៏ក្តៅគគុក​នៅ​កោះរ៉ុង ហើយ​មន្ត្រី​ជាន់ខ្ពស់​ខ្លះ​នឹង​មិន​ត្រូវ​ឲ្យ​ចូលរួម​បង្កើត​រដ្ឋាភិបាល​ថ្មី​នៅ​​អាណត្តិ​ក្រោយ​ឡើយ​។