ភ្នំពេញ : បាយកូរ៉េ ប៊ីប៊ីមបាប់ គឺជាអាហារប្រពៃណីដែលប្រជាជនកូរ៉េនិយមទទួលទានប្រចាំថ្ងៃ។ សូម្បីតែនៅក្នុងខ្សែភាពយន្តកូរ៉េ ក៏យើងតែងឃើញតួអង្គប្រើចានថ្ម ឬចានដែកច្របល់បាយ និងគ្រឿងផ្សំទាំងឡាយចូលគ្នាមុននឹងបន្ថែមប្រេងល្ង ឬទឹកម្ទេសដើម្បីទទួលទានគ្រប់ពេល មិនថា ព្រឹក ថ្ងៃត្រង់ ពេលល្ងាច ពេលយប់ ឬជាអាហារសម្រន់ឡើយ។
អាហារនេះសម្បូរដោយវីតាមីន ដោយសារតែវាផ្សំឡើងពីបន្លែចម្រុះ រួមមាន ផ្សិតក្រោម គល់ខ្ទឹម ការ៉ុត ឆៃថាវ ត្រប់ (zucchini) សាច់គោ បាយ ស៊ុត ខ្ទឹមស ទឹកស៊ីអ៊ីវកូរ៉េ អំបិល ម្រេចស ម្សៅម្ទេសកូរ៉េ ស៊ុបសារាយសមុទ្រកូរ៉េ ប្រហិតសាច់ជ្រូក ខ្ញែរសមុទ្រ និងស្ពៃជ្រក់គឹមឈី។
ដោយឡែកនៅភោជនីយដ្ឋាន ផ្ទះឈួយ បាយប៊ីប៊ីមបាប់មានតម្រូវការគ្រឿងផ្សំដូចជា បាយស ផ្សិតស ផ្សិតត្រចៀកកណ្ដុរ ការ៉ុត សណ្ដែកបណ្ដុះកូរ៉េ ផ្ទី ពងមាន់ ល្ង កូជូយ៉ាន (ទឹកម្ទេស) និងស៊ុបផេនយ៉ាងគុបបែបកូរ៉េ។
ប្រសិនបើលោកអ្នកចង់ភ្លក្សរសជាតិបាយប៊ីប៊ីមបាប់បែបកូរ៉េនេះផ្ទាល់ សូមអញ្ជើញទៅកាន់ភោជនីយដ្ឋានផ្ទះឈួយ អាសយដ្ឋានលេខ ៣១ ផ្លូវលេខ៣៦០ សង្កាត់បឹងកេងកង១ ខណ្ឌចំការមន រាជធានីភ្នំពេញខាងជើងវិទ្យាល័យបឹងកេងកង។ ទំនាក់ទំនងលេខទូរស័ព្ទ ០៧០ ៩៧ ៨០ ០៦ និង ០២៣ ៩៦ ៤១ ១២។
ភោជនីយដ្ឋាន សាលាបង្រៀនធ្វើម្ហូប និងលោកអ្នកដែលចង់ចែករំលែកវិធីចម្អិនម្ហូបរបស់ខ្លួនជាមួយប្រិយមិត្តអ្នកអានសារព័ត៌មានភ្នំពេញ ប៉ុស្ដិ៍ សូមទាក់ទងមកផ្នែកជីវិតកម្សាន្តតាមរយៈលេខ ០៧៧ ៧១៧ ៧១៥ និង ០១៦ ៩៣ ១៣ ១៣៕
