The Phnom Penh Post Search

Search form

Logo of Phnom Penh Post newspaper Phnom Penh Post - បុកផ្លែ​ឈើ​ ពី​ តាំមួ ភោជនីយដ្ឋានម្ហូប​ថៃឦសាន




បុកផ្លែ​ឈើ​ ពី​ តាំមួ ភោជនីយដ្ឋានម្ហូប​ថៃឦសាន

Content image - Phnom Penh Post
បុកផ្លែឈើ​ដាក់​ក្នុង​ចានម្នាស់​ស្រស់ នៅ​ហាង តាំមួ។ ហុង មិនា

បុកផ្លែ​ឈើ​ ពី​ តាំមួ ភោជនីយដ្ឋានម្ហូប​ថៃឦសាន

ភ្នំពេញ: ស្ថិត​តាម​បណ្តោយផ្លូវ ៦៣ កែង ៤០០ សង្កាត់​បឹងកេងកង ១ ខណ្ឌ ចំការមន ភោជនីយដ្ឋាន​ តាំ​មួ ជាហាង​បម្រើ​​នូវម្ហូបថៃរសជាតិ​ដើម​បែបថៃ​ឦសាន ដែល​មាន​មានភាពល្បីល្បាញ​នៅ​ស្រុកថៃ​អស់​រយៈ​ពេល ៣០ ឆ្នាំមក​និង​មាន​ការពេញនិយមញ៉ាំ​ទាំង​ភ្ញៀវជាតិ​ និងអន្ដរជាតិ។

​បច្ចុប្បន្ន ភោជនី​យដ្ឋាន​នេះ​មានសាខា​ជាង ៧០ ទូទាំងពិភព​លោក​ និងសាខា​ផ្សេង​ទៀតក្នុងប្រទេស​ភូមា ចិន ឡាវ​ និង​កម្ពុជា ដែល​នាំចូលដោយ​ក្រុមហ៊ុន «Metropolitan International Brands Co., Ltd»​។

តាំមួ​មាន​បម្រើ​នូវមុខ​ម្ហូប​ប្រមាណជា ៨០ មុខ ក្នុងនោះម្ហូប​ដែល​ពិសេស​ប្រចាំហាង​គឺ តាំមួ ជា​បុកល្ហុ​ហឹរ​ គុយទាវឆា (Pad Thai) និង ត្រី​ស្ពង់ចម្អិនជាមួយ​រូបមន្ដ​បុរាណ។ ភ្ញៀវដែល​មក​ក្នុង​ហាងនេះ​គឺមាន​ភាពងាយស្រួល​ក្នុងការជ្រើស​រើសមុខម្ហូប​តាមរយៈ​ការ​ប្រើប្រាស់​ឧបករណ៍​អេឡិច​ត្រូនិក (iPad) ដែល​មាន​ស្រាប់​នៅលើតុ។

ម្ហូប​ដែល​តាំ​មួ​បង្ហាញជូន​ថ្ងៃនេះគឺ «បុកផ្លែឈើ»ដែលជា​មុខម្ហូបមួយ​មាន​ការ​ពេញនិយម​ផងដែរ​នៅក្នុង​ហាង ដោយមាន​គ្រឿងផ្សំ​ដូចជា ប៉ោម​ក្រហមមួយ​​ចំហៀង ប៉ោម​ខៀវ​មួយ​ចំហៀង ម្នាស់​មួយ​ចំហៀង ទំពាំងបាយជូរ ៥ គ្រាប់​ ឬ​ច្រើ​នជាង​នេះ​ទៅតាម​ការចូលចិត្ត ស្វាយ​ទុំ​មួយ​ចំហៀង ការ៉ុត​មួយ​កំណាត់ ទឹក​ត្រី​មួយ​ស្លាបព្រា​កាហ្វេ សណ្តែកដី​លីង​មួយវែក ស្ករស ២ ស្លាប​ព្រា​កាហ្វេ និង​បង្គាក្រៀម។

សម្រាប់​របៀបធ្វើ​ម្ហូប គឺ​យក​ផ្លែឈើ​ទាំងនោះមក​ហាន់​ជាដុំបួនជ្រុងតូច​ល្មម ទើប​ដាក់​បុក​ថ្មមៗ​ក្នុង​ត្បាល់ដោយ​ថែម​គ្រឿងផ្សំ​ដូចជា ទឹកត្រី​មួយ​ស្លាបព្រា​កាហ្វេ សណ្តែកដី​លីង​មួយ​វែក ស្ករស ២ ស្លាបព្រាកាហ្វេ បង្គារ​ក្រៀម បុក​ញុលៗចូលគ្នា​ជាការស្រេច។

​ផ្លែម្នាស់​ត្រូវ​កាត់​ជា​ពីរហើយ​ខ្វេះ​យក​សាច់ចេញ​ ដើម្បីប្រើ​សម្បកវា​ជា​ចាន​ដាក់​បុក​ផ្លែ​ឈើ​យ៉ាង​ស្រស់ស្អាត៕

អត្ថបទគួរចាប់អារម្មណ៍