The Phnom Penh Post Search

Search form




Logo of Phnom Penh Post newspaper Phnom Penh Post - បុក​ល្ងខ្មៅ​ ពិសេស​ពី​ហាង​ផ្ទះបាយ​ជនជាតិ​ដើម នៅ​ទួល​ទំពូង




បុក​ល្ងខ្មៅ​ ពិសេស​ពី​ហាង​ផ្ទះបាយ​ជនជាតិ​ដើម នៅ​ទួល​ទំពូង

Content image - Phnom Penh Post
ម្ហូប​បុក​ល្ង​ខ្មៅពិសេស​ ដែល​​គេ​ញ៉ាំ​ផ្ទាប់​ជាមួយ​បន្លែ​នានា​។ ហេង ជីវ័ន

បុក​ល្ងខ្មៅ​ ពិសេស​ពី​ហាង​ផ្ទះបាយ​ជនជាតិ​ដើម នៅ​ទួល​ទំពូង

ភ្នំពេញ: តើអ្នក​ធ្លាប់បាន​ភ្លក្ស​ល្ង​បុក​ពិសេស​ពី​ផ្ទះបាយ​ជនជាតិ​ហើយ​ឬ​នៅ? ដោយ​មិន​ចាំបាច់​ចំណាយ​ពេល​ជិះ​ទៅ​ដល់​រតនគិរី ឬ​មណ្ឌលគិរី​ឡើយ ព្រោះ​ឥឡូវនេះ​នៅ​រាជធានី​ភ្នំពេញ​ក៏មាន​ហាង​លក់​ម្ហូប​ជនជាតិដើម​ដែរ​ធ្វើ​ដោយ​ចុងភៅ​ជនជាតិ​កួយ ព្នង និង​ខ្មែរ​ផងដែរ។

ល្ងបុក​គឺជា​អាហារ​ជនជាតិ​នៅ​ខេត្ត​រតនគិរី​និយម​បរិភោគ​ជាប្រចាំ ដោយសារ​តែវា​មាន​គុណ​ប្រយោជន៍​ច្រើន​ដល់​សុខភាព អ៊ីចឹង​ហើយ​បានជា​បងប្អូន​ជនជាតិ​ចូលចិត្ត​ធ្វើ​ញ៉ាំ​ជា​ប្រចាំ។

អត្ថប្រយោជន៍​របស់​ល្ង​មាន​ច្រើន​ដែល​យើង​ទាំងអស់គ្នា​មិនទាន់​បាន​ដឹង​ដោយសារ​តែ​ល្ងខ្មៅ​មាន​គុណ​សម្បត្តិ​ច្រើន​ដូចជា មាន Omega 3,6,9. Vitamin E. Menesium, Calcium, ដែក, vitamin A, B ការពារ​មិន​ឲ្យ​ឆ្អឹង​ពុក ជួយ​សម្រួលការ​បត់ជើង​ធំ Vitamin E ការពារ​កុំឲ្យ​មាន​ជំងឺ ភ្លេចភ្លាំង​ច្រើន ការពារ​មិន​ឲ្យ​ភ្នែក​ឡើង​បាយ ជំរុញ​ឲ្យ​គេង​លក់​ស្រួល បន្ថយ​ភាព​តានតឹង និង​បញ្ហា​ឡើង​សម្ពាធ​ឈាម ជាដើម។

លោកអ្នក​អាចម​កញុំា​បុកល្ង​ខ្មៅ​បាន​នៅ​ផ្ទះ​បាយ​ជនជាតិ​ដើម​ដែល​លក់​សុទ្ធតែ​ម្ហូប​ធម្មជាតិ ក្នុង​តម្លៃ​ចាប់ពី ៦០០០ រៀល​រហូតដល់ ១២០០០ រៀល។ ក្រៅពី​ម្ហូប​ជនជាតិ​ដើម និង​ម្ហូប​ខ្មែរ នៅ​ទីនោះ​ក៏មាន​លក់​ទឹកឃ្មុំ​សុទ្ធ ១០០ ភាគរយ​មកពី​រតនគិរី ស្រាពាង ផ្លែប៊័រ និង​ផ្លែក្រូច​វល្លិ។

ផ្ទះបាយ​ជនជាតិដើម សិ្ថត​នៅ​ផ្ទះ​លេខ ៦៨A ផ្លូវ ៤៥៦ សង្កាត់​ទួលទំពូង ១ ទាក់ទង​តាម​ទូរស័ព្ទ​លេខ ០៧៧ ៩៩ ៤២ ៥៤៕

អត្ថបទគួរចាប់អារម្មណ៍