The Phnom Penh Post Search

Search form




Logo of Phnom Penh Post newspaper Phnom Penh Post - បុកល្ហុង​បង្គា​បំពង​រូបភាព​ក៏ទំនង រសជាតិ​ក៏ឆ្ងាញ់ នៅម្ដុំ​ស្ពាននាគ




បុកល្ហុង​បង្គា​បំពង​រូបភាព​ក៏ទំនង រសជាតិ​ក៏ឆ្ងាញ់ នៅម្ដុំ​ស្ពាននាគ

Content image - Phnom Penh Post
បុកល្ហុង​បង្គា​បំពង​នៅហាង Combo Meatball ម្ដុំ​កោះពេជ្រ​។ ហេង ជីវ័ន

បុកល្ហុង​បង្គា​បំពង​រូបភាព​ក៏ទំនង រសជាតិ​ក៏ឆ្ងាញ់ នៅម្ដុំ​ស្ពាននាគ

ភ្នំពេញ: ហាង Cambo Meatball ស្ថិតនៅ​ជិត​ស្ពាននាគ​កោះពេជ្រ​ដែល​ល្បីខ្លាំង​នូវម្ហូប​ដុតមីសួ​ឆ្នាំងដី​គ្រឿង​សមុទ្រ ក៏ដូចជា​នំគ្រក់​គ្រឿង​សមុទ្រ​ជាដើម​នោះ ឥឡូវនេះ​ម្ចាស់​ហាង​បាន​នឹកឃើញ​បន្ថែមនូវ​មុខម្ហូប​ជាច្រើន​ប្រភេទប្លែកៗ​ឆ្លើយតប​តាម​តម្រូវ​ចិត្តភ្ញៀវ។

សប្តាហ៍​នេះ ម្ចាស់​ហាង លោក ឡោ ស៊ុនថេង រៀបរាប់ថា៖ «ដោយសារ​ភ្ញៀវខ្លះ​មិនសូវ​ចេះញ៉ាំ​គ្រឿង​សមុទ្រឆៅៗ​អ៊ីចឹង​ហើយ​ទើប​ខ្ញុំបាន​នឹកឃើញ​បង្កើត​ម្ហូបប្លែកៗពីរ​បីមុខ​ដូចជា បុកល្ហុង​បង្គា​បំពង មឹកបំពង នំគ្រក់​ទឹកដោះគោ ឆ្អឹងជំនីរ​ជ្រូក​អាំង ស៊ុប​មាន់ខ្មៅ​ថាសហោះ បុក​ងាវ និង​មុខម្ហូប​ជាច្រើន​ទៀត»។

លោក​បានឲ្យ​ដឹងថា៖ «សម្រាប់​មុខម្ហូប​នេះ​ភាគច្រើន​គឺមាន​លក់តែ​នៅក្នុង​ហាងចិន​ធំៗ​តែប៉ុណ្ណោះ អ៊ីចឹង​ហើយ​បានជា​ខ្ញុំ​ចាប់អារម្មណ៍​យកមុខ​ម្ហូបនេះ​មក​ចែករំលែក​ដល់ភ្ញៀវ​គ្រប់រូប​គាត់អាច​ញ៉ាំបាន ដោយ​មិន​ចាំបាច់​ចូលទៅ​ហាងធំៗ​នោះទេ»។

ក្រៅពីនេះ លោក​ក៏បាន​ណែនាំ ឲ្យ​អតិថិជន​ភ្លក្ស​រសជាតិ​ប្លែកនៃ​បុកល្ហុង​បង្គា​បំពង​ម្សៅ​ស្រួយខ្ញោក ជាមួយ​រសជាតិ​ខុសពី​បុកល្ហុង​ទូទៅ។

ចាប់ពី​ថ្ងៃទី ១៦ ដល់ ៣០ ខែវិច្ឆិកា ពី​ម៉ោង ១១ ព្រឹក​រហូត ដល់​ម៉ោង ៤ រសៀល ភ្ញៀវ​ដែល​បាន​អាន​កាសែត​ភ្នំពេញ ប៉ុស្តិ៍ នឹង​ទទួលបាន​ការបញ្ចុះ​តម្លៃ​ពិសេស ២០ ភាគរយ ដោយ​គ្រាន់​ប្រាប់​ទៅ​បុគ្គលិក​គិតលុយ។

ហាង Cambo Meatball អាច​ទំនាក់ទំនង​តាមលេខ​ទូរស័ព្ទ ០៧០ ៨៩ ៨៨ ២៣៕

អត្ថបទគួរចាប់អារម្មណ៍