ភ្នំពេញ : ស្ថិតនៅខាងក្រោយវិទ្យាល័យបឹងកេងកង ភោជនីយដ្ឋានមួយជ្រកក្រោមស្លាកយីហោរូបក្ដាមដ៏ធំមួយ ដោយសរសេរថា «ក្ដាមប្រៃ»។
ហាងនេះមានមុខម្ហូបច្នៃប្រឌិតជាច្រើនដូចជា «បុកល្ហុង» ដែលគ្រាន់តែឮឈ្មោះភ្លាម លោកអ្នកច្បាស់ជាចង់ដឹងថា តើនោះជាអាហារបែបណាដែរ?
បុកល្ហុងដែលមានរសជាតិហឹរ ជូរ ផ្អែម និងប្រៃតិចៗនោះមានគ្រឿងផ្សំដូចជា សរសៃល្ហុងឈូស ស្ពៃបូកគោ ក្រូចឆ្មារ ត្រកួន ជីររណារ ត្រសក់ សណ្ដែកកួរ ខ្ទឹមស ម្ទេស ប៉េងប៉ោះ ក្ដាមប្រៃ ការ៉ុត សណ្ដែកដីលីង បង្គាក្រៀម អម្ពិលទុំ កាពិ ស្ករស ប៊ីចេង និងទឹកត្រី។
ដំបូងត្រូវយកសរសៃល្ហុងឈូសទៅបំពងឲ្យស្រួយ រួចទុកមួយអន្លើសិន។
បន្ទាប់មកផ្សំគ្រឿងដោយយកខ្ទឹមស និងម្ទេស បុកចូលក្នុងត្បាល់ មុននឹងដាក់ស្ករត្នោត ទឹកអម្ពិល កាពិ បង្គាក្រៀម និងទឹកត្រីបន្តិច រួចសឹមច្របាច់ក្រូចឆ្មារ និងដាក់ក្តាមប្រៃ។ បន្ទាប់មកត្រូវដាក់សណ្តែកដីលីង មុននឹងបន្ថែមបន្លែអន្លក់។
ចុងក្រោយត្រូវយកបន្លែ និងគ្រឿងក្នុងត្បាល់យកទៅស្រូបពីលើល្ហុងបំពងនោះជាការស្រេច។
ចង់ ដឹងថា «បុកល្ហុង» មានរសជាតិបែបណា លោកអ្នកអាចទៅភ្លក្សផ្ទាល់នៅហាងក្ដាមប្រៃ ស្ថិតនៅផ្លូវ៧១ ទូរស័ព្ទលេខ ០១៧៣០៧០៦០ និង០៦៧៨៨៨៨២០។
ការទទួលទានអាហារចាប់ពី១០ដុល្លារឡើងទៅ នឹងទទួលបានការបញ្ចុះតម្លៃ១៥ភាគរយ៕
