The Phnom Penh Post Search

Search form




Logo of Phnom Penh Post newspaper Phnom Penh Post - បុក​សណ្ដែក​កួរ​ហឹរ​ឆ្ងាញ់​ទាក់​ទាញ​ភ្ញៀវ​ចូល​ហាង​មាតុ​ភូមិ​ពេញៗ




បុក​សណ្ដែក​កួរ​ហឹរ​ឆ្ងាញ់​ទាក់​ទាញ​ភ្ញៀវ​ចូល​ហាង​មាតុ​ភូមិ​ពេញៗ

Content image - Phnom Penh Post
បុក​សណ្ដែក​កួរ​ផ្ទាប់​អន្លក់​ច្រើន​ប្រភេទ​នៅ​ហាង មាតុភូមិ​។ ហុង មិនា

បុក​សណ្ដែក​កួរ​ហឹរ​ឆ្ងាញ់​ទាក់​ទាញ​ភ្ញៀវ​ចូល​ហាង​មាតុ​ភូមិ​ពេញៗ

ភ្នំពេញ: ជាមួយ​នឹង​ឈ្មោះ «មាតុភូមិ» ហាង​អាហារ​ខ្មែរ​ដែល​ទើប​បើក​ដំណើរការ​បាន​ប្រមាណ​មួយ​ខែ ពិតជា​រក្សា​នូវ​អត្តសញ្ញាណ​របស់​ខ្លួន ដោយ​ម្ចាស់​ហាង​បាន​អះអាង​ដោយ​ផ្ទាល់ថា លោក​នឹងមិន​បម្រើ​អាហារ​អ្វី​ផ្សេង​ក្រៅពី​ម្ហូប​ខ្មែរ​ឡើយ។

ហាង «មាតុភូមិ ប្រហុក និង​អន្លក់» បានរ​ក្សា​អត្ត​សញ្ញាណ​ខ្មែរ​តាំងពី​ការ​ចម្អិន​ម្ហូប​អាហារ ការ​តុប​តែង និង​តន្ត្រី​បុរាណ​ចាក់​កំដរ​ភ្ញៀវ។

នៅខាង​មុខ​ហាង​មាន​ម្ហូប​អាហារ​ឆ្អិន​ស្រាប់​តាំង​ពី​ខប្រហុក ត្រីកប់ ប្រហុក​ចិញ្ច្រាំ​​ឆៅ កាពិផៅ ក្ដាម​ប្រៃ ខមាំ ប្រហុក​គ្រឿង​អាំង ផ្អក​ចំហុយ ផ្អក​ចៀន កាពិបុក ម៉ាំ​ឆៅពោះ​វៀន​តាន់ និង​សម្លខ្មែរ​ជា​ច្រើន​ទៀត។

ម្ចាស់​ហាង លោក​ មាស ម៉ែន បាន​អះអាង​ថា៖ «យើង​យកម្ហូប​ខ្មែរ​មួយ​ជ្រុង​មក​លក់ ដោយ​មិន​លាយឡំ​ជា​មួយ​ម្ហូប​បរទេស​ឡើយ»។

លោក​បន្តថា៖ «ម្ហូបខ្មែរ​គឺ​ជា​ប្រភេទ​ម្ហូប​អាហារ​ការពារ យើង​បាន​រើស​បន្លែ​ជា​បន្លែ​គ្មាន​ជាតិ​គីមី ទាំង​អន្លក់ បន្លែ​យក​មក​ស្ល និង​បន្លែ​ប្រភេទ​អាំង»។

ចំពោះ​គ្រឿង​បុក ៤ ប្រភេទ​មាន បុក​សណ្ដែក​កួរ បុក​ក្រសាំង​សាច់ជ្រូក បុក​កំពឹស​អម្ពិល​ខ្ចី និង​បុក​ក្រសាំង​ត្រីឆ្អើរ​ ផ្ទាប់​បន្លែ​អន្លក់​ស្រស់ៗ​តាម​រដូវ​កាល​ប្រមាណ​ជា ៣០ មុខ។

ក្នុង​ចំណោម​បុក​សណ្ដែកកួរ​ទទួល​បានការ​ពេញ​និយម​ជាង​គេ និង​មាន​តម្លៃ​ត្រឹមតែ ៧៥០០ រៀល​ប៉ុណ្ណោះ។

ហាង មាតុភូមិ ប្រហុក និង​អន្លក់ ស្ថិត​នៅ​ម្ដុំ​មេភ្លើង ជាប់​សាកល​វិទ្យាល័យ ប៊ែលធី៕

អត្ថបទគួរចាប់អារម្មណ៍