ភ្នំពេញ : ស្ថិតនៅខាងក្រោយវិទ្យាល័យបឹងកេងកង ភោជនីយដ្ឋានមួយជ្រកក្រោមស្លាកយីហោរូបក្ដាមដ៏ធំមួយ ដោយសរសេរថា «ក្ដាមប្រៃ»។
ហាងនេះមានមុខម្ហូបច្នៃប្រឌិតជាច្រើន ហើយថ្ងៃនេះភ្នំពេញប៉ុស្ដិ៍សូមបង្ហាញនូវម្ហូប «បុកទឹកគ្រឿងសាច់ជ្រូកជូរអែម»។
គ្រឿងផ្សំរបស់វារួមមាន សាច់ជ្រូក ខ្ទឹមក្រហម ម្ទេសក្រៀម ប៉េងប៉ោះទុំ អំពិលទុំ អំបិល ស្ករស ប្រេងឆា និងប៊ីចេង។
បន្លែ អន្លក់សម្រាប់ញ៉ាំជាមួយម្ហូបបុកទឹកគ្រឿងសាច់ជ្រូកជូរអែមនេះ រួមមាន ផ្កាខាត់ណា ត្រសក់ ពពាយ ការ៉ុដ ស្ពៃក្ដោប និងសណ្ដែកគួរ។
ដំបូង ត្រូវយកសាច់ជ្រូកមកចិញ្ច្រាំជាមួយខ្ទឹមក្រហម និងម្ទេសក្រៀម រួចឆាជាមួយប្រេងឆាឲ្យឆ្អិនល្មម សឹមបន្ថែមប៉េងប៉ោះទុំចូល។
ចាប់ផ្ដើមដាក់គ្រឿងផ្សំរសជាតិរួមមានទឹកអំពិលទុំ ស្ករស និងប៊ីចេងចូលហើយដួសដាក់ចាននោះជាការស្រេច។
ចង់ដឹងថា »បុកទឹកគ្រឿងសាច់ជ្រូកជូរអែម» មានរសជាតិបែបណា លោកអ្នកអាចទៅភ្លក្សផ្ទាល់នៅហាងក្ដាមប្រៃ ស្ថិតនៅផ្លូវ៧១ ទូរស័ព្ទលេខ ០១៧៣០៧០៦០ និង០៦៧៨៨៨៨២០។
ការទទួលទានអាហារចាប់ពី១០ដុល្លារឡើងទៅ នឹងទទួលបានការបញ្ចុះតម្លៃ១៥ភាគរយ៕
