The Phnom Penh Post Search

Search form




Logo of Phnom Penh Post newspaper Phnom Penh Post - ប៉ាកម៉ គុយទាវ​ថៃ​ ខ្ចប់​គ្រឿង​ចម្រុះ​ញ៉ាំ​ជាមួយ​ស៊ុប​តុមយ៉ាំ




ប៉ាកម៉ គុយទាវ​ថៃ​ ខ្ចប់​គ្រឿង​ចម្រុះ​ញ៉ាំ​ជាមួយ​ស៊ុប​តុមយ៉ាំ

Content image - Phnom Penh Post
ស៊ុបតុមយ៉ាំ និង​ប៉ាក់ម៉ គុយទាវ​ដែល​គេ​ចាក់​ភ្លាមៗ​រួច​ខ្ចប់​គ្រឿង​ផ្សំ​។ ហុង មិនា​

ប៉ាកម៉ គុយទាវ​ថៃ​ ខ្ចប់​គ្រឿង​ចម្រុះ​ញ៉ាំ​ជាមួយ​ស៊ុប​តុមយ៉ាំ

ភ្នំពេញ: ម្ហូប​រំលេច​ពណ៌​ចម្រុះ​គួរ​ឲ្យចង់​ភ្លក្ស​នេះ​ឈ្មោះ​ថា ប៉ាកម៉ ជា​គុយទាវ​ថៃ​ដែល​គេ​ចាក់​ភ្លាមៗ​នៅ​លើ​កូន​ឆ្នាំង បន្ទាប់​មក​ខ្ចប់​ជាមួយ​នឹង​បន្លែ​ដូចជា​ពោត ស្ពៃក្តោប ស្វាយ ស្លឹក​ខ្ទឹម ការ៉ុត សណ្តែក​ជាដើម។

ភ្ញៀវ​អាច​ជ្រើសរើស​ប្រភេទ​បន្លែ​ដែល​ខ្លួន​ពេញ​ចិត្ត​សម្រាប់​យក​ទៅ​ខ្ចប់​ភ្លាមៗ​ជាមួយ​នឹង​គុយទាវ​ដែល​កំពុងតែ​ចាក់​នៅ​លើ​ឆ្នាំង​តូច។ ប៉ាកម៉​នេះ​គឺគេ​ញ៉ាំ​ជាមួយ​នឹង​ទឹក​ស៊ុប​តុមយ៉ាំ ឆ្អឹង​ជំនីរ​ជ្រូក​លាយ​សម្បក​គាវ​បំពង និង​ប្រហិត​សាច់ជ្រូក ដោយ​ក្នុង​មួយ​ចាន​តម្លៃ ៨០០០ រៀល។

ប៉ាកម៉ មាន​លក់​នៅ ភោជនីយដ្ឋាន​ឌី អែន ភង្ស ថៃហ្វូត ស្ថិត​នៅ​ទល់មុខ​សាលា​អាយយូ ជិត​ពេទ្យ​សែនសុខ ដែល​ជា​ហាង​ល្បី​ឈ្មោះ​ខាង​លក់​ម្ហូប​ថៃ​រសជាតិ​ដើម​ពិត។

ភោជនីយដ្ឋាន​មាន​កន្លែង​អង្គុយ​ធំ​ទូលាយ និង​តម្លៃ​ម្ហូប​ចាប់ពី ៦ ពាន់​រៀល​ដល់ ២ ម៉ឺន​រៀល។

អ្នកស្រី ដួង សុផាវី ម្ចាស់​ហាង បាន​ថ្លែង​ថា៖ «ម្ហូប​នីមួយៗ​គឺ​យើង​ធ្វើ​ឡើង​ដោយ​ផ្ចិតផ្ចង់​ជាមួយ​នឹង​គ្រឿង​ផ្សំ​ម្ហូប​ថៃ​ពិត។ អ៊ីចឹង​ជនជាតិ​ថៃ​ដែល​គាត់​មក​ញ៉ាំ​នៅ​ទីនេះ​គឺគាត់​មាន​អារម្មណ៍​ដូចជា​ញ៉ាំ​នៅ​ប្រទេស​ថៃ​អ៊ីចឹង​ដែរ»។

ចង់​ញ៉ាំ​ម្ហូប​ថៃ​ពិត​នៅ ឌីអែន​ភង្ស ថៃ​ហ្វ៊ូត ទំនាក់ទំនង​ទូរស័ព្ទ​លេខ ០១៥ ៨២ ០០ ៨៦៕

អត្ថបទគួរចាប់អារម្មណ៍