The Phnom Penh Post Search

Search form




Logo of Phnom Penh Post newspaper Phnom Penh Post - ប្រហុក​ដុត​ជ្រញ់​ ម្ហូប​ខ្មែរ ​រស​ជាតិ​បែប​ស្រុក​ស្រែ​នៅ​ហាង​ វ័នម័រ​




ប្រហុក​ដុត​ជ្រញ់​ ម្ហូប​ខ្មែរ ​រស​ជាតិ​បែប​ស្រុក​ស្រែ​នៅ​ហាង​ វ័នម័រ​

Content image - Phnom Penh Post
ប្រហុក​ដុត​ជ្រញ់​ហឹរ​ឆ្ងាញ់​អាច​ទទួល​ទាន​ផ្ទាប់​ជាមួយ​បន្លែ​អន្លក់​តាម​ចំណូលចិត្ដ​។ ឈឹម ស្រីនាង

ប្រហុក​ដុត​ជ្រញ់​ ម្ហូប​ខ្មែរ ​រស​ជាតិ​បែប​ស្រុក​ស្រែ​នៅ​ហាង​ វ័នម័រ​

ភ្នំពេញ: ប្រហុក​គឺជា​មុខ​ម្ហូប​ដ៏​ពេញ​និយម​សម្រាប់​ប្រជាជន​ខ្មែរ​យើង ដោយសារ​តែវា​អាច​រក្សា​ទុក​រហូត​ពេញ​មួយ​ឆ្នាំ និងអាច​យក​មកច្នៃ​ធ្វើ​ម្ហូប​បាន​ច្រើន​ប្រភេទ​តាំងពី​មុខ​ចំហុយ អាំង រហូត​ដល់​ស្ល។

សប្តាហ៍​នេះ ភ្នំពេញ ប៉ុស្តិ៍ នឹង​នាំ​អារម្មណ៍​អស់​លោក​អ្នកទៅ​ភ្លក្ស​ម្ហូប​រសជាតិ​បែប​ខ្មែរ​ថៃគឺ «ប្រហុក​ចិញ្ច្រាំ​អាំងជ្រញ់​» នៅ​ភោជនីយ​ដ្ឋាន វ័នម័រ​ ម្ដុំ​ទួលគោក ​ជាទី​ទទួល​ទាន​អាហារ​រចនា​បែប​ទំនើប​ហ៊ុមព័ទ្ធ​ដោយ​រុក្ខជាតិ​បៃតង។

មុខ​ម្ហូប​នេះ​ផ្សំពី​ប្រហុក គល់​ស្លឹកគ្រៃ ក្រសាំង ខ្ទឹមស សាច់​ជ្រូក​បីជាន់ ស្ករស ម្សៅស៊ុប។ រីឯ​បន្លែ​ពិសេស​ប្រើ​សម្រាប់​ជាអន្លក់​នោះ​មាន​ដូចជា ត្រប់​ស្រួយ សណ្តែក​កួរ ម្រះ ត្រសក់ ប៉េងប៉ោះ​ និងការ៉ុដ​ជាដើម។

របៀប​ធ្វើគឺ​ យក​សាច់ជ្រូក​បីជាន់​ចិញ្ច្រាំ​ជាមួយ​ប្រហុក​ខ្ទឹម​ស និងគល់​ស្លឹក​គ្រៃ​ឲ្យ​ម៉ដ្ឋ​។

បន្ទាប់មក​ចិញ្រ្ចាំ​ក្រសាំង​ដាក់​លាយ​ចូល​ប្រហុក​ដែល​ចិញ្រ្ចាំ​រួច​បន្តិច រួច​សឹមបន្ថែម​គ្រឿង​ផ្សំចូល​ដូចជា​ស្ករស​និង​ម្សៅ​ស៊ុប ច្របល់​ចូលគ្នា​ឲ្យ​ចូល​ជាតិ​ ហើយ​ដួស​ដាក់​លើ​ជ្រញ់​និង​បន្ថែម​ម្ទេស ពីលើ​។ បន្ទាប់​មក​ទៀត​ដាក់​ជ្រញ់​នោះ​ដុតលើ​ចង្ក្រាន​ធ្យូង​ទាល់​តែ​ឆ្អិន៕

អត្ថបទគួរចាប់អារម្មណ៍