The Phnom Penh Post Search

Search form

Logo of Phnom Penh Post newspaper Phnom Penh Post - ប្រហុក​ចិញ្ច្រាំ​អាំងជ្រញ់​ពី Needa




ប្រហុក​ចិញ្ច្រាំ​អាំងជ្រញ់​ពី Needa

មុខ​ម្ហូប​ប្រហុក​ចិញ្ច្រាំ​អាំង​ជ្រញ់​ពី​ភោជនីយដ្ឋាន Needa​​។
មុខ​ម្ហូប​ប្រហុក​ចិញ្ច្រាំ​អាំង​ជ្រញ់​ពី​ភោជនីយដ្ឋាន Needa​​។ ឈឹម ស្រីនាង

ប្រហុក​ចិញ្ច្រាំ​អាំងជ្រញ់​ពី Needa

ភ្នំពេញ: ប្រហុក​គឺជា​មុខម្ហូប​ដ៏​ពេញនិយម​សម្រាប់​ប្រជាជន​ខ្មែរ​យើង ដោយសារ​តែ​វា​អាច​រក្សា​ទុក​រហូត​ពេញ​មួយ​ឆ្នាំ និង​អាច​យក​មក​ច្នៃ​ធ្វើ​ម្ហូប​បាន​ច្រើន​ប្រភេទ​តាំងពី​មុខ​ចំហុយ អាំង រហូត​ដល់​ស្ល​។

បុគ្គលិក​ Needa បង្ហាញ​មុខ​ម្ហូប។
បុគ្គលិក​ Needa បង្ហាញ​មុខ​ម្ហូប។ ឈឹម ស្រីនាង

សប្តាហ៍​នេះ ភ្នំពេញ ប៉ុស្តិ៍ នឹង​នាំ​អារម្មណ៍​អស់​លោក​អ្នក​ទៅ​ភ្លក្ស​ម្ហូប​រសជាតិ​បែប​ខ្មែរ​ថៃ​គឺ «ប្រហុក​ចិញ្ច្រាំ​អាំងជ្រញ់​» នៅ​ភោជនីយដ្ឋាន Needa ដែល​ជា​កន្លែង​ទទួលទាន​អាហារ​រចនា​បែប​ទំនើប​ក្នុង​បរិយាកាស​មនោរម្យ ហ៊ុមព័ទ្ធ​ដោយ​រុក្ខជាតិ​បៃតង។

គ្រឿងផ្សំ : ប្រហុក គល់ស្លឹកគ្រៃ ក្រសាំង ខ្ទឹមស សាច់ជ្រូក​បីជាន់ ស្ករស ម្សៅស៊ុប។ ចំណែក​បន្លែ​ពិសេស​ប្រើ​សម្រាប់​ជា​អន្លក់​នោះ​មាន​ដូចជា ត្រប់ស្រួយ កញ្ឆែត ភ្លៅកង្កែប សណ្តែកកួរ ត្រសក់ ពពាយ និង​ម្ទេសហឹរ​ជាដើម។

របៀប ធ្វើៈ យក​សាច់ជ្រូក​បីជាន់​ចិញ្ច្រាំ​ជាមួយ​ប្រហុក​ខ្ទឹម​ស និង​គល់​ស្លឹក​គ្រៃ​ឲ្យ​ម៉ដ្ឋ​។ បន្ទាប់មក​ចិញ្រ្ចាំ​ក្រសាំង​ដាក់​លាយ​ចូល​ប្រហុក​ដែល​ចិញ្រ្ចាំ​រួច បន្តិច រួច​សឹម​បន្ថែម​គ្រឿង​ផ្សំ​ចូល​ដូចជា​ស្ករស​និង​ម្សៅស៊ុប ច្របល់​ចូល​គ្នា​ឲ្យ​ចូល​ជាតិ​រួច​ហើយ​ដួស​ដាក់​លើ​ជ្រញ់​និង​បន្ថែម​ម្ទេស ពី​លើ​។ បន្ទាប់មក​ទៀត​ដាក់​ជ្រញ់​នោះ​ដុត​លើ​ចង្ក្រាន​ធ្យូង​រហូត​ទាល់​តែ​ឆ្អិន។

លោក​អ្នក​អាច​បរិភោគ​ជាមួយ​អន្លក់​ទៅ​តាម​ចំណង់ចំណូល​ចិត្ត និង​ដាក់​ម្ទេស​បន្ថែម​គឺ​រឹត​តែ​ឆ្ងាញ់។

ចង់​ដឹង​ថា​ប្រហុក​ចិញ្រ្ចាំ អាំង​ជ្រញ់​នេះ​មាន​រសជាតិ​យ៉ាង​ណា សូម​សាកល្បង​ទៅ​ភ្លក្ស​ផ្ទាល់​នៅ​ភោជនីយដ្ឋាន Needa ស្ថិត​នៅ​កាច់​ជ្រុង​ផ្លូវ​ប៉ាស្ទ័រ និង​ផ្លូវ​៣៦០ ក្នុង​សង្កាត់​បឹងកេងកង​១។

ការ​រចនា​ដ៏ទំនើប​នៅ​ក្នុង​ហាង Needa​​។
ការ​រចនា​ដ៏ទំនើប​នៅ​ក្នុង​ហាង Needa​​។ ឈឹម ស្រីនាង

ទំនាក់ទំនង​ទូរស័ព្ទ​លេខ​០២៣​៩៧៦​៧៨៩ និង​០១២​៩៨៨​៣០០៕

អត្ថបទគួរចាប់អារម្មណ៍