.jpg)
ហាង អំពិលអំពែក សាច់អាំង តុបតែងដោយសង្ហារិមពីឫស្សី និងផ្កាស្មៅបបុស។ ហុង មិនា
ភ្នំពេញ: បច្ចុប្បន្ននេះហាងសាច់អាំងច្រើនបាននាំគ្នាច្នៃប្រឌិតទីកន្លែងរបស់ខ្លួនឲ្យមានសោភណភាពប្លែកទាក់ទាញអតិថិជន។ ហាងខ្លះបានចាប់យករចនាប័ទ្មបែបសម័យថ្មី ជាមួយនឹងតុកៅអីទំនើបៗ រីឯខ្លះទៀតក៏ច្នៃវត្ថុធាតុដើមមានស្រាប់ក្នុងស្រុកខ្មែរយកមកតុបតែងដូចជាហាងអំពិលអំពែក សាច់អាំង។
ទើបតែបើកដំណើរការបាន ១ ខែ ហាងនេះរចនាដោយឫស្សីយកមកធ្វើជាតុ កៅអី និងរបងជាដើម ខណៈផ្កាស្មៅ (បបុស) ត្រូវបានយកមកតុបតែងជំនួសផ្កាជ័រ ដើម្បីជាភាពទាក់ទាញភ្នែកមួយបែប។
ក្រៅពីនេះទៅទៀតម្ចាស់ហាងបានប្រើបំពង់ទឹកត្នោត ជំនួសកែវដើម្បីឲ្យត្រូវនឹងបរិយាកាសបែបស្រុកស្រែតែម្តង។
ចំពោះអាហារវិញហាង អំពិលអំពែក ក៏បានយកឆ្នាំងដី ចានដី បំពង់ឫស្សី កញ្ច្រែងរបស់ខ្មែរមកប្រើប្រាស់ទៅតាមប្រភេទម្ហូបនីមួយៗដូចជា ឆ្នាំងដីដាក់បាយឆាកាពិ និងកញ្ច្រែងដាក់ឈុតសាច់អាំងគ្រឿងសមុទ្រជាដើម។
ម្ហូបពិសេសៗប្រចាំហាងអំពិលអំពែកមានដូចជា សាច់អាំងបែបកូរ៉េ មួយឈុតតែ ២៤០០០ រៀល មឹកបំពងអឺរ៉ុប ១៨០០០ រៀល មាន់លីងចេកខ្ចី ១៦៥០០ រៀល ត្រចៀកជ្រូកលីងអំបិលម្ទេស តម្លៃ ១៦៥០០ រៀល បាយឆាម្រះព្រៅ ៩០០០ រៀល ខ្ចងឆាក្តៅ ១៥០០០ រៀល និងម្ហូបច្រើនមុខទៀត។
អំពិលអំពែកសាច់អាំងស្ថិតនៅមហាវិថីសហព័ន្ធរុស្ស៊ី ទល់មុខផ្សារទំនើបផាកសិន ម្ដុំសួនក្តាន់ ២។ ទូរស័ព្ទលេខ ០៩៣ ៩៩ ០០ ៨៩៕
ជំនួសដោយចាន បំពង់ឫស្សីដាក់មឹកបំពងបែបអឺរ៉ុប។ ហុង មិនា
បុគ្គលិកពាក់មួកស្លឹកត្នោតកាន់ម្ហូប។ ហុង មិនា
