The Phnom Penh Post Search

Search form

ប្លែក! ញ៉ាំ​សាច់​អាំង​អំបែង​នំគ្រក់​ រួច​លេង​ជាមួយ​ឆ្កែ​ស្អាតៗ

Content image - Phnom Penh Post
អាហារ​ពេញនិយម​ប្រចាំ​ហាង​គឺ សាច់អាំង​អំបែង​គ្រក់​។ ហុង មិនា

ប្លែក! ញ៉ាំ​សាច់​អាំង​អំបែង​នំគ្រក់​ រួច​លេង​ជាមួយ​ឆ្កែ​ស្អាតៗ

ភ្នំពេញ: ផ្តើម​ចេញ​ពីការ​ស្រឡាញ់​ចូលចិត្ត​ចិញ្ចឹម​សត្វ​ឆ្កែ យុវជន ៤ នាក់​សម្រេច​ចិត្ត​បើក​កន្លែង​លេង​សត្វ និង​ហាង Le TJ Cafe និង TJ's house ដែរ​ជា​ឈ្មោះ​របស់​សត្វ​ឆ្កែ​សំណព្វចិត្ត​របស់​ពួកគេ។

ម្ចាស់​ហាង​វ័យក្មេង ស៊ី ប៊ុនសុង ដែល​កំពុង​តែ​លេង​ជាមួយ​នឹង​ឆ្កែ​ទាំង​ទឹកមុខ​រីករាយ បាន​និយាយ​ថា៖ «មុនដំបូង គឺ​មិត្ត​របស់​ខ្ញុំម្នាក់​គាត់​ស្រឡាញ់​ឆ្កែ​ខ្លាំង អ៊ីចឹង​ទៅ​ពួក​យើង​ក៏បាន​ទិញ​ឆ្កែ​មួយ ដាក់​ឈ្មោះ​ឲ្យវា​ថា TJ បន្ទាប់​មក​ទៀត​គាត់​ចង់​ទិញ​ឆ្កែ​បន្ថែម​ទៀត រហូត​បាន​យ៉ាងច្រើន​ក្បាល ដល់​ពេល​ដែល​ឃើញ​ឆ្កែ​ច្រើន​ពេក​អ៊ីចឹង ពួកយើង​ក៏មាន​គំនិត​បើក​ជា​កន្លែង​ដែល​អាច​ឲ្យ​ភ្ញៀវ​ចូល​លេង សត្វ​ចិញ្ចឹម​ដើម្បី​ឲ្យមាន​អារម្មណ៍​សប្បាយ​ជាដើម»។

ប៉ុន្ដែ​គ្រាន់តែ​បើក​កន្លែង​លេង​សត្វ​ចិញ្ចឹម​ដូចជា​ធម្មតា​ពេក ដូច្នេះ​បើមាន​កន្លែង​ញ៉ាំ​អាហារ​បន្ថែម​ទើប​ប្លែក​ពីគេ​និង​អាច​រកចំណូល​បាន​ច្រើន។ Le Tj Cafe ដែល​បើក​បាន​រយៈពេល​ជិត​ពីរឆ្នាំ មានការ​គាំទ្រ​ច្រើន​ចំពោះមុខ​ម្ហូប​ប្រចាំ​ហាង​តែម្តង​គឺ​សាច់​អាំង​អំបែង​នំគ្រក់។

លោក ស៊ី ប៊ុនសុង បាន​និយាយ​ថា៖ «សាច់​អាំង​នេះ​វាប្លែក​ជាងគេ​ត្រង់ យើង​យក​អំបែង​នំគ្រក់​មក​ដាក់​អាំង សាច់​គោ​ប្រឡាក់​ដោយ​គ្រឿង​ពិសេស​ប្រចាំ​ហាង បន្ថែម​ជាមួយ​នឹងពង​ក្រួច ផ្ទាប់ និង​សាលាដ ជ្រក់​ត្រសក់ចាវ រួច​បន្ថែម​ជាមួយ​នឹង​ឈីស ដើម្បី​ឲ្យវា​មាន​រសជាតិ​កាន់តែ​ឆ្ងាញ់​ថែម​ទៀត»។

Content image - Phnom Penh Post
លោក ស៊ី ប៊ុនសុង និង​ឆ្កែ​ចិញ្ចឹម​ដ៏គួរ​ឲ្យ​ស្រឡាញ់​​ដែល​ភ្ញៀវ​មក​ទទួលទាន អាច​ឆ្លៀត​មកលេង​ជាមួយ​ពួកវា​បាន។ ហុង មិនា

សាច់អាំង​អំបែង​នំគ្រក់​នេះ​មួយ​ឈុត ១០ ដុល្លារ អាច​ញ៉ាំ​បាន​គ្នា ២ នាក់។ ក្រៅ​ពីនេះ​ក៏មាន​ម្ហូប​ដូចជា ស៊ុប​ម្ទេស ស៊ុប​កូរ៉េ ត្រីខ្ចប់ TJ និង​ម្ហូប​ច្រើន​ជាង ៣០ មុខ​ទៀត។

ចំពោះ​អ្នក​ដែល​ចូលចិត្ត​លេង​សត្វ​ចិញ្ចឹម​គឺ​អាច​ទៅ​លេង Le TJ និង TJ's House ដែល​មាន​ឆ្កែ​ស្អាតៗ ឆ្មា និង​កូន​កាំប្រមា​ជាដើម ក្នុង​ម្នាក់ ៣ ដុល្លារ​ជូន​ភេសជ្ចៈ​ដោយ​ឥត​គិតថ្លៃ។

ហាង Le TJ ជ afe និង Le TJ's House ស្ថិត​នៅ​ម្ដុំ​ទួលស្លែង ទូរស័ព្ទ​លេខ ០១៥ ៥៣៧ ១៣៥៕

Content image - Phnom Penh Post
ក្រៅពី​ឆ្កែ​ នៅ TJ's House ក៏មាន​សត្វ​កាំប្រមា និង​ទន្សាយ​ផង​ដែរ​។ ហុង មិនា

អត្ថបទគួរចាប់អារម្មណ៍

  • វីសិនហ្វាន់ លក់​ហ៊ុន ១០០ ភាគរយ​ទៅឲ្យ​ធនាគារ​កូរ៉េ​ខាង​ត្បូង

    ភ្នំពេញៈ គ្រឹះ​ស្ថាន​មីក្រូ​ហិរញ្ញវត្ថុ​វិសិន​ហ្វាន់​ (ខេមបូឌា) ត្រូវ​​បានក្រុម​ហ៊ុន​មេ​របស់​ខ្លួន​​សម្រេច​លក់​ភាគ​ហ៊ុន​​​ទាំង​ស្រុង​ទៅ​ឲ្យ​ធ​នា​គារ​ អ៊ូ​រី​ ដែល​មាន​មូល​ដ្ឋាន​នៅ​​ប្រទេស​កូរ៉េខាង​ត្បូង​​​ ក្នុងតម្លៃ​​មួយ​ដែល​មិនត្រូវ​បាន​បង្ហាញ​​ជា​សាធារណៈ។

  • រដ្ឋាភិបាល​ថា ​នឹង​ខាតបង់​ចំណូល​ពន្ធ $៣០ ​លាន

    ភ្នំពេញៈ រដ្ឋាភិបាល​កម្ពុជា​បាន​ប្រកាស​ដាក់​វិធានការ​ដើម្បី​ជួយ​ទប់ស្កាត់​ការកើនឡើង​តម្លៃ​ប្រេងសាំង ខណៈ​វិធានការ​នេះ​ត្រូវ​បាន​លោក​នាយក​រដ្ឋមន្ត្រី​អះអាង​ថា​នឹង​ធ្វើឲ្យ​រដ្ឋ​ខាតបង់​ចំណូល​ពន្ធ​ប្រមាណ​ ៣០ ​លាន​ដុល្លារ​ក្នុង​ ១ ​ឆ្នាំ​។

  • អង្គការ​នៅ​កូរ៉េ​ខាង​ត្បូង ​ផ្តល់​ពានរង្វាន់​សិទ្ធិមនុស្ស​ដល់​លោក កឹម សុខា

    ភ្នំពេញៈ លោក កឹម សុខា អតីត​ប្រធាន​គណបក្ស​សង្គ្រោះជាតិ​ដែល​កំពុង​ជាប់​ពន្ធនាគារ​ត្រពាំងផ្លុង ក្រោម​ការ​ចោទប្រកាន់​ដ៏ចម្រូងចម្រាស​ពី​បទ​ «​ក្បត់ជាតិ​» ត្រូវ​បាន​អង្គការ​សង្គម​ស៊ីវិល​គាំទ្រ​ផ្នែក​សិទ្ធិមនុស្ស

  • អគ្គិភ័យ​ឆេះ​ផ្ទះ​អស់​ ២០ ​ខ្នង​រីឯ ម្ចាស់​ផ្ទះ​បង្ក​ត្រូវ​​បាន​ហៅ​មក​សួរ

    ភ្នំពេញៈ ផ្ទះ​ឈើ​ប្រក់​ស័ង្កសី​ចំនួន​ ២០ ​ខ្នង​ដែល​មាន​មនុស្ស​រស់នៅ​ប្រមាណ​​ ៣៥ ​គ្រួសារ​ត្រូវ​បាន​អគ្គិភ័យ​ឆេះ​ខ្ទេច​កាលពី​ម៉ោង ៥ ព្រឹក​ម្សិលមិញ​នៅ​សង្កាត់​បឹងទំពុន​ ២ ខណ្ឌ​មានជ័យ រាជធានី​ភ្នំពេញ​តែ​គ្មាន​មនុស្ស​គ្រោះថ្នាក់​ទេ​ឯ​មូលហេតុ​សមត្ថកិច្ច​កំពុង​ស្រាវជ្រាវ​ដោយ​ហៅ​ម្ចាស់​ផ្ទះ​បង្ក​មក​សួរ ខណៈ​អ្នក​ជិត​ខាង​មិន​សុខ​ចិត្ត​នឹង​ម្ចាស់​ផ្ទះ​ដើមហេតុ​។