The Phnom Penh Post Search

Search form

Logo of Phnom Penh Post newspaper Phnom Penh Post - ផាក កាហ្វេ ណែនាំ ស៊ុបមាន់ខ្មៅ​អាហារប៉ូវ​សុខភាព​នារដូវ​ភ្លៀង​




ផាក កាហ្វេ ណែនាំ ស៊ុបមាន់ខ្មៅ​អាហារប៉ូវ​សុខភាព​នារដូវ​ភ្លៀង​

Content image - Phnom Penh Post
ស៊ុប​មាន់ខ្មៅ​ប៉ូវ​សុខភាព​ពី​ភោជនីយដ្ឋាន ផាក កាហ្វេ។ រូប សហការី

ផាក កាហ្វេ ណែនាំ ស៊ុបមាន់ខ្មៅ​អាហារប៉ូវ​សុខភាព​នារដូវ​ភ្លៀង​

ភ្នំពេញ: ​ក្នុង​ចំណោម​អាហារបំប៉ន​ជាច្រើនមុខ ​ស៊ុបមាន់​ខ្មៅ​ គឺ​ជា​ប្រភេទ​អាហារ​ប៉ូវដែល​ប្រជាជន​កម្ពុជា​ពេញ​និយម​ ដោយសារតែ​វាត្រូវ​បាន​ប្រើមាន់​ខ្មៅ​ចំហុយ​ជាមួយរុក្ខជាតិ​ថ្នាំ​ចិន​ជា​ច្រើនប្រភេទ​ដែល​ល្បីថាមានគុណ​ប្រយោជន៍​ចំពោះ​សុខភាព។

ស៊ុបមាន​ខ្មៅ​គឺជា​អាហារ​ប៉ូវ​កម្លាំង​និង​ជួយធ្វើ​ឲ្យ​សុខភាព​រឹងមាំ ពិសេស​រដូវ​ភ្លៀង​អាកាស​ធាតុ​ប្រែ​ប្រួលក្ដៅ​ត្រជាក់មិនទៀង​ទាត់​។ អ៊ីចឹង​ការទទួលទាន​ស៊ុបមាន់ខ្មៅ​ក្ដៅៗ​គឺ​រឹតតែ​អាចជួយ​សម្រួលដល់​រាងកាយ។

​សប្តាហ៍​នេះ​ភោជនីយដ្ឋាន​ផាកការហ្វេ​ណែនាំពី​អត្ថ​ប្រយោជន៍ខ្លះៗ​របស់​ស៊ុបមាន់ខ្មៅ​នេះ។

បើតាម​អ្នកមាន​ជំនាញ​ខាង​ផ្នែក​ម្ហូប​សុខភាព​ប្រចាំភោជនីយ​ដ្ឋាន​ផាកកាហ្វេ​បាន​ឲ្យ​ដឹង​អំពី​រូបមន្ដ​ដ៏ពិសេស​នៃ​ស៊ុបមាន់ខ្មៅ​មួយ​ប្រភេទ​នេះ​ គឺ ​ត្រូវយក​មាន់ខ្មៅ​ស្រស់​មក​សម្អាត​ឲ្យ​ស្អាត និង​ដាក់រម្ងាស់​ចូលគ្នា​ជាមួយ​ថ្នាំ​ចិនបុរាណ​ចំនួន​ប្រាំពីរ​មុខផ្សេងៗដោយ​ត្រូវ​កំណត់​កម្រិតកម្ដៅភ្លើង​ និង​ពេលវេលា​រម្ងាស់​យ៉ាង​ហ្មត់ចត់​បំផុត​ដើម្បី​បានជាស៊ុបមួយ​ប្រកប​ដោយ​រសជាតិ​ឈ្ងុយឆ្ងាញ់​ និងជា​ទឹក​ថ្នាំ​បុរាណ​ដែល​អាចជួយ​ព្យាបាល​អាការផ្តាសាយ ជំងឺ​​គ្រុនក្តៅ ឈឺ​បំពង់ក និង​រោគចាញ់អាកាសធាតុ ផ្សេងៗ ទៀត ​ដែល​អាច​កើតមាន​ឡើង​នៅ​អំឡុង​រដូវភ្លៀង។

ភោជនីយដ្ឋាន​ ផាក កាហ្វេ ​ដែលមាន​សាខាដូច​ជា​នៅម្ដុំផ្សារ​ទំនើប​សុវណ្ណា នៅ​មហាវិថី​កម្ពុជា​ក្រោម និង​មុខ​អាកាសយានដ្ឋាន​ភ្នំពេញ ក៏​ល្បី​មាន​គុយទាវ​ស៊ុប​ឥត​ប៊ីចេងផង​ដែរ៕

អត្ថបទគួរចាប់អារម្មណ៍